ଓଡ଼ିଶା ତାଜା ନ୍ୟୁଜ (୨୩ ଅଗଷ୍ଟ ମଙ୍ଗଳବାର ) ଭୁବନେଶ୍ୱର :- ଓଡ଼ିଶା ବିଦ୍ୟୁତ୍ ଶ୍ରମିକ କର୍ମଚାରୀ ମହାସଂଘ ତରଫରୁ ଆଜି ଓପିଟିସିଏଲ ଅଫିସ୍ ସମ୍ମୁଖରେ ଏକ ବିରାଟ ପ୍ରତିବାଦ ସଭା କରାଯାଇଥିଲା । ଓଡ଼ିଶାର ୩୦ଟି ଜିଲ୍ଲାରୁ ବିଦ୍ୟୁତ୍ ଶ୍ରମିକମାନେ ଆସି ଏହି ଆନ୍ଦୋଳନରେ ସାମିଲ୍ ହୋଇଥିଲେ । ସେମାନଙ୍କ ମୁଖ୍ୟ ଅଭିଯୋଗ ହେଲା ଓଡ଼ିଶା ବିଦ୍ୟୁତ୍ ସଞ୍ଚାରଣ ନିଗମ ଲିମିଟେଡ଼ (ଓପିଟିସିଏଲ) ବିଦ୍ୟୁତ୍ ଶ୍ରମିକମାନଙ୍କ ପ୍ରତି ବାରମ୍ବାର ବୈମାତୃକ ମନୋଭାବ ପୋଷଣ କରି ଆସୁଥିବା ବେଳେ ସେମାନଙ୍କ ଦରମାରେ ବଡ଼ ତାରତମ୍ୟ କରି ଆସୁଅଛି । ଜଣେ ଆଇଟିଆଇ କର୍ମଚାରୀ କୁଶଳୀ ଶ୍ରେଣୀର ହୋଇଥିଲେ ମଧ୍ୟ ଓପିଟିସିଏଲ୍ ଆଇଟିଆଇ କର୍ମଚାରୀମାନଙ୍କୁ ବର୍ଷ ବର୍ଷ ଧରି ପ୍ରଥମେ ଅର୍ଦ୍ଧକୁଶଳୀ ଶ୍ରେଣୀରେ ନିଯୁକ୍ତି ଏବଂ ନିଯୁକ୍ତି ପରେ ବିନା ପଦୋନ୍ନତି ରଖି ଆସୁଅଛି ।
