ସ୍ୱାଧୀନତା ଦିବସରେ ଅହିଂସାର ପ୍ରଚାରରେ ସାମିଲ ହେଲେ ରାଜଧାନୀ ବାସୀ

ଭୁବନେଶ୍ୱର ମହାନଗର ନିଗମ ଅଂଚଳରେଅହିଂସା ରଥକୁବିପୁଳ ସମ୍ବର୍ଦ୍ଧନା ଆଜି ପୁରୀ ଜିଲ୍ଲା ଓ ଢେଙ୍କାନାଳ ଜିଲ୍ଲାକୁ ଗସ୍ତ କରିଛି ରଥ, ଭୁବନେଶ୍ୱର ୟୁନିଟ-3 ପ୍ରଦର୍ଶନୀ ପଡିଆରେଗତକାଲି ସ୍ୱାଧୀନତା ଦିବସରେ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ 4ଟି ଅଂହିସା ରଥକୁ ଉଦ୍ଘାଟନ କରିବା ପରେ ପରେ

ଓଡ଼ିଶା ତାଜା ନ୍ୟୁଜ (୧୬ ଅଗଷ୍ଟ ମଙ୍ଗଳବାର ) ଭୁବନେଶ୍ୱର :- ଭୁବନେଶ୍ୱର ମହାନଗରର ବିଭିନ୍ନ ସ୍ଥାନକୁ ଏହି ରଥ ପରିକ୍ରମା କରିଥିଲା । ଓଡିଶାରେ ଗାନ୍ଧିଜୀ, ସ୍ୱାଧୀନତା ସଂଗ୍ରାମରେ ଓଡିଶାର ଅବଦାନ, ଉତ୍କଳମଣି ଗୋପବନ୍ଧୁ ଦାସ, ଶହୀଦ ବାଜି ରାଉତ, ଶହୀଦ ଲକ୍ଷ୍ମଣ ନାଏକଙ୍କ ସଂପର୍କିତ ପ୍ରାମାଣିକ ଚଳଚିତ୍ର ଆଦି ଦୃଶ୍ୟ ଶ୍ରାବ୍ୟ ସ୍ୱତନ୍ତ୍ର ଯାନରେ ପ୍ରଦର୍ଶିନ କରାଯାଉଥିବା ବେଳେ ଗତ କାଲି ରାଜଧାନୀର 12 ଟି ସ୍ଥାନକୁ ଅହିଂସା ରଥ ପରିଭ୍ରମଣ କରି ଜନସାଧାରଣଙ୍କ ମଧ୍ୟରେ ଅହିଂସା ସଚେତନତା ବାର୍ତ୍ତା ଜାଗରଣ ସୃଷ୍ଟି କରିଥିଲା । ପ୍ରଦର୍ଶନୀ ପଡିଆରୁ ବାହାରି ଲୋକସଂପର୍କ ଭବନ ଆସିବା ପରେ ରଥ ପ୍ରଥମେ ଭୁବନେଶ୍ୱର ମହାନଗର ନିଗମ ଅନ୍ତର୍ଗତ ବ୍ରହ୍ଣେଶ୍ୱର ମନ୍ଦିର ନିକଟସ୍ଥ ଗତିକୃଷ୍ଣ ଭିଲ୍ଲା ଗସ୍ତ କରିଥିଲା ।

ସ୍ଥାନୀୟ ୱେଲଫେୟାର ଆସୋସିଏସନ ତରଫରୁ ଆୟୋଜିତ ସ୍ୱାଧୀନତା ଦିବସ ଉପଲକ୍ଷେ ଆୟୋଜିତ ସ୍ୱତନ୍ତ୍ର କାର୍ଯ୍ୟକ୍ରମରେ ଅହିଂସା ରଥ ସାମିଲ ହୋଇ ସେଠାରେ ପହଂଚିବା ପରେ ଅନୁଷ୍ଠାନ ତରଫରୁ ରଥକୁ ସ୍ୱାଗତ କରାଯାଇଥିଲା ଏଠାରେ ଗାନ୍ଧିଜୀଙ୍କ ସମ୍ପର୍କିତ ପ୍ରାମାଣିତ ଚଳଚିତ୍ର ପ୍ରଦର୍ଶନ କରାଯାଇଥିଲାଏଠାର ଛାତ୍ରଛାତ୍ରୀମାନଙ୍କ ଦ୍ୱାରା ଦେଶାତ୍ମବୋଧକ ସଂଗୀତ ପରିବେଷଣ ଓ ବକ୍ତୃତା ପ୍ରଦାନ କରାଯାଇଥିଲା । ଅହିଂସାର ବାର୍ତ୍ତା ପ୍ରଚାର କରୁଥିବା ଏହି ରଥ ସମସ୍ତଙ୍କୁ ଅନୁପ୍ରାଣିତ କରିବ ବୋଲି ଅନୁଷ୍ଠାନର ସଭାପତି ଶ୍ରୀ ଦେବେନ୍ଦ୍ର ମିଶ୍ର ପ୍ରକାଶ କରିଥିଲେ ।

ଅନ୍ୟମାନଙ୍କ ମଧ୍ୟରେ ଅନୁଷ୍ଠାନର ସାଧାରଣ ସମ୍ପାଦକ ଡ. ଅଜିତ ମିଶ୍ର, ସହକାରୀ ସମ୍ପାଦକ ଦେବବ୍ରତ ଆଚାର୍ଯ୍ୟ,କୋଷାଧ୍ୟକ୍ଷ ସୁବାସଚନ୍ଦ୍ର ଦ୍ୱିବେଦୀ, ଅର୍ଥ ପରାମର୍ଶ ଦାତା ମଧୁସ୍ମିତା ମହାନ୍ତି,, ପରିଚାଳନା କମିଟିର ଅନ୍ୟ ସଦସ୍ୟ ସଦସ୍ୟା ପ୍ରିୟଦର୍ଶୀ ପାଲ, ସ୍ୱାତୀ ଦାସ, ରଶ୍ମିତା ମହାନ୍ତି, ପ୍ରତିଭା ଧୀର, ସୀମାଂଚଳ ପଟ୍ଟନାୟକ, ଏଲ୍ .ଏନ୍ ମହାରଣା, ବଳରାମ ଦାସ, ଶିବ କୁମାର ମହାପାତ୍ର, ଆଶିଷ ପଟ୍ଟନାୟକ, ରଂଜନ କୁମାର ଦାଶଙ୍କ ସମେତ କଲୋନୀର ଶତାଧିକ ଜନସାଧାରଣ ଉପସ୍ଥିତ ରହି ଅଂହିସା ରଥକୁ ସ୍ୱାଗତ ସଂବର୍ଦ୍ଧନା ଜଣାଇଥିଲେ ।

ସେହିପରି ସମହସ୍ପିଟାଲ ଠାରେ ଅଂହିସା ରଥକୁ ଡାକ୍ତର, ଷ୍ଟାଫ୍ ନର୍ସ ଓ ଅନ୍ୟାନ୍ୟ କର୍ମଚାରୀବୃନ୍ଦ ସ୍ୱାଗତ କରିବା ସହ ଶହୀଦ୍ ବାଜି ରାଉତଙ୍କ ଉପରେ ପର୍ଯ୍ୟବସିତ କାହାଣୀ ଦୃଶ୍ୟଶ୍ରାବ୍ୟ ରଥରେପ୍ରଦର୍ଶିତ ଦୃଶ୍ୟ ଶ୍ରାବ୍ୟ ଦେଖିଥିଲେ । ଚନ୍ଦ୍ରଶେଖରପୁର ସ୍ଥାନୀୟ ଜନ ପ୍ରତିନିଧି, ମହିଳା ସ୍ୱୟଂ ସହାୟକ ଗୋଷ୍ଠୀର ସଦସ୍ୟାମାନେ ଅଂହିସା ରଥକୁ ଉଚ୍ଚ୍ୱସିତ ସମ୍ବର୍ଦ୍ଧନା ଜ୍ଞାପନ କରିଥିଲେ । ଏଠାରେ ପ୍ରାୟ 1000ରୁ ଊର୍ଦ୍ଧ୍ୱ ଜନସାଧାରଣ ଉପସ୍ଥିତ ରହି ଓଡିଶାରେ ଗାନ୍ଧିଜୀ ଓ ସ୍ୱାଧୀନତା ସଂଗ୍ରାମରେ ଓଡିଶାରେ ଅବଦାନ ଶୀର୍ଷକ ଭିଡିଓ ଦେଖିଥିଲେ ।