ଓଡ଼ିଶା ତାଜା ନ୍ୟୁଜ (୧୫ ଅଗଷ୍ଟ ସୋମବାର ) ଭୁୁବନେଶ୍ୱର :- ଦେଶ ସ୍ୱାଧୀନତାର ୭୫ ବର୍ଷ ପୂର୍ତ୍ତି ପାଳନ କରୁଥିବା ସମୟରେ ଆମଦେଶର ସ୍ୱାଧୀନତା ସଂଗ୍ରାମ ସମୟର ଦେଶବାସୀଙ୍କ ଅବଦାନ ସମ୍ବନ୍ଧରେ ଯୁବପିଢି ଜାଣିବାର ଆବଶ୍ୟକତା ରହିଛି । ସ୍ୱାଧୀନତା ସଂଗ୍ରାମ ସମଗ୍ର ଦେଶର ଲୋକଙ୍କ ମନରେ ଭରି ଦେଇଥିଲା । ଆମର ଇତିହାସରେ ସମସ୍ତ ବୀର ସହିଦମାନଙ୍କୁ ଏପର୍ଯ୍ୟନ୍ତ ସ୍ଥାନ ଦିଆଯାଇପାରି ନାହିଁ । ବିସ୍ତୃତ ଗର୍ଭରେ ଲୁଚି ଯାଇଥିବା ବୀର ସ୍ୱାଧୀନତା ସଂଗ୍ରାମୀମାନଙ୍କ ସମ୍ବନ୍ଧରେ ବର୍ତ୍ତମାନ ବିଶଦଭାବେ ଆଲୋଚନା ହେବାର ଆବଶ୍ୟକତା ରହିଛି ବୋଲି ବିଶିଷ୍ଟ ବକ୍ତାମାନେ ମତ ପ୍ରକାଶ କରିଛନ୍ତି । ସ୍ଥାନୀୟ ବୁଦ୍ଧମନ୍ଦିର ଠାରେ ତୁଷାର ଚାରିଟେବୁଲ ଟ୍ରଷ୍ଟ ପକ୍ଷରୁ ୭୫ତମ ସ୍ୱାଧୀନତା ଦିବସ ପୂର୍ତ୍ତି ଅବସରରେ ଏକ କବିତା ଆସର ଏବଂ ସମ୍ବର୍ଦ୍ଧନା ସଭା ମହା ଆଡ଼ମ୍ବରରେ ପାଳନ କରାଯାଇଛି ।
