ଓଡ଼ିଶା ତାଜା ନ୍ୟୁଜ (୧୫ ଅଗଷ୍ଟ ସୋମବାର ) ଭୁବନେଶ୍ୱର :- ରାଜ୍ୟ ଜଳ ସମ୍ପଦ ଓ ବାଣିଜ୍ୟ ପରିବହନ ମନ୍ତ୍ରୀ ଶ୍ରୀମତୀ ଟୁକୁନି ସାହୁ ଆଜି ଅପରାହ୍ନରେ ସ୍ଥାନୀୟ ସେଚସଦନ ସ୍ଥିତ ଜଳସଂପଦ ବିଭାଗ ସର୍ବୋଚ୍ଚ ଯନ୍ତ୍ରୀଙ୍କ କାର୍ଯ୍ୟଳୟରେ ଲଘୁଚାପ ଜନିତ ଲଗାଣ ବର୍ଷା ଫଳରେ ରାଜ୍ୟରେ ସମ୍ଭାବ୍ୟ ବନ୍ୟା ସ୍ଥିତିର ସମୀକ୍ଷା କରିଛନ୍ତି କ୍ଷ ମହାନଦୀର ଉପର ମୁଣ୍ଡରେ ଛତିଶଗଡ ଅଂଚଳରେ ଅଧିକ ବର୍ଷା ହେବା ଫଳରେ ହୀରାକୁଦ ଜଳଭଣ୍ଡାରକୁ ଅଧିକ ଜଳ ପ୍ରବେଶ କରୁଛି । ଫଳରେ ଆଜି ଦିନ ୩ଟା ସୁଦ୍ଧା ହୀରାକୁଦ ଜଳଭଣ୍ଡାରୁ ୩୪ଟି ଗେଟ୍ ଦେଇ ଅତିରିକ୍ତ ଜଳ ନିଷ୍କାସିତ ହେଉଛି । ଫଳରେ ଆସନ୍ତା କାଲି ସକାଳ ୧୦ଟା ସୁଦ୍ଧା କଟକର ମୁଣ୍ଡଳୀଠାରେ ପ୍ରାୟ ୧୦ ଲକ୍ଷ କ୍ୟୁସେକ ଜଳ ପ୍ରବାହିତ ହେବ । ଏହା ଦ୍ୱାରା ମହାନଦୀର ତଳି ଅଞ୍ଚଳ ବିଶେଷ କରି କଟକ, ଜଗତସିଂହପୁର, କେନ୍ଦ୍ରାପଡ଼ା, ପୂରୀ ଆଦି ଜିଲ୍ଲାର ତଳିଆ ଅଂଚଳ ପ୍ରଭାବିତ ହେବାର ସମ୍ଭାବନା ରହିଛି କ୍ଷ ବୈତରଣୀ ନଦୀରେ ଜଳସ୍ତର ଅଧିକ ରହିଛି ।
