ସମର୍ପଣ (ବୃଦ୍ଧାଶ୍ରମ) ବୁଲିଲେ ପାଞ୍ଚ ବିଧାୟକ

ଓଡ଼ିଶା ତାଜା ନ୍ୟୁଜ (୨ ଅଗଷ୍ଟ ମଙ୍ଗଳବାର ) ନୟାଗଡ଼ :- ଅସହାୟ ମାନଙ୍କ ପାଇଁ ସହାୟ ହୋଇ ଠିଆ ହୋଇଥିବା ନୟାଗଡ଼ ଲେଖନପୁର ସ୍ଥିତ ବୃଦ୍ଧାଶ୍ରମ (ସମର୍ପଣ)କୁ ଆଜି ଅପରାହ୍ନ ୪ଟାରେ ପରିଦର୍ଶନ କରିଛନ୍ତି ପାଞ୍ଚ ବିଧାୟକ । ନୟାଗଡ଼ ବିଧାୟକ ତଥା ପୂର୍ବତନ ମନ୍ତ୍ରୀ ଡକ୍ଟର ଅରୁଣ କୁମାର ସାହୁ ଙ୍କ ସହିତ ଚାନ୍ଦବାଲି ବିଧାୟକ ବ୍ଯୋମକେଶ ରାୟ,

ଧର୍ମଶାଳା ବିଧାୟକ ପ୍ରଣବ ବଳବନ୍ତରାୟ, ଭଦ୍ରକ ବିଧାୟକ ସଞ୍ଜିବ କୁମାର ମଲ୍ଲିକ ଓ ଜୁନାଗଡ଼ ବିଧାୟକ କ୍ଯାପଟେନ୍ ଦିବ୍ଯଶଙ୍କର ମିଶ୍ର ସମର୍ପଣ ଗୃହ ବୁଲି ଅନ୍ତେବାସୀ ମାନଙ୍କ ସହିତ କିଛି ସମୟ ବିତାଇଥିଲେ । ଆଶ୍ରମ ପରିସରରେ ଥିବା ପରିବା ବଗିଚା, ପ୍ଳେ ସ୍କୁଲ ବୁଲି ବହୁ ଆନନ୍ଦିତ ହେବା ସହିତ ଓଡିଶାର ଏକ ଅନନ୍ଯ ଅନୁଷ୍ଠାନ ବୋଲି ଅଭିବ୍ୟକ୍ତି ପ୍ରକାଶ କରିଥିଲେ ।

ବିଧାୟକ ମାନଙ୍କ ସହିତ ସମାଜସେବୀ ଶ୍ରୀକାନ୍ତ ଖଟେଇ,ଜିଲ୍ଲା ପରିଷଦ ସଭ୍ଯ କ୍ଷୀରୋଦ କୁମାର ମହାପାତ୍ର, ସମର୍ପଣ ପରିଚାଳନା କମିଟିର କାର୍ଯ୍ଯକାରୀ ସଭାପତି ଅରୁଣ କୁମାର ମହାନ୍ତି, ସଂପାଦକ ଦାମୋଦର ସାହୁ ଓ କୋଷାଧ୍ୟକ୍ଷ ଶ୍ରୀଧର ସାହୁ ଉପସ୍ଥିତ ଥିଲେ ।