ବିଏମ୍‌ସି ଓ ଗ୍ରୀନ୍ ୱାଲଡ଼୍ ଟ୍ରଷ୍ଟର ମିଶନ ଗ୍ରୀନ୍ ଭୁବନେଶ୍ୱର

ରାଜଧାନୀର ସବୁ ଶ୍ମଶାନ ଓ ହସ୍ପିଟାଲରେ ଲାଗିବ ଗଛ

ଓଡ଼ିଶା ତାଜା ନ୍ୟୁଜ୍/୧୩,ଜୁଲାଇ ,ବୁଧ ବାର/ଭୁବନେଶ୍ୱର :- ବିଏମ୍‌ସି ଓ ଗ୍ରୀନ୍ ୱାଲ୍‌ଡ ଟ୍ରଷ୍ଟ ପକ୍ଷରୁ ଆରମ୍ଭ ହୋଇଛି ମିଶନ ଗ୍ରୀନ୍ ଭୁବନେଶ୍ୱର-୨୨ । ଚଳିତ ବର୍ଷ ୪ହଜାର ବୃକ୍ଷ ଚାରା ଲଗାଯାଇ ଏହାର ଯତ୍ନ ନିଆଯିବ । ରାଜଧାନୀରେ ଥିବା ସବୁ ହସ୍ପିଟାଲ ଓ ଶ୍ମଶାନରେ ଲାଗିବ ଗଛ । ବିଏମ୍‌ସି ସହଯୋଗରେ ଗ୍ରୀନ୍ ୱାଲ୍‌ଡ ଟ୍ରଷ୍ଟ ପକ୍ଷରୁ ରାଜଧାନୀରେ ଚାରା ଲଗାଯାଇ ଏହାର ଯତ୍ନ ନିଆଯିବ । ଆଇଆର୍‌ସି ସରକାରୀ ଉଚ୍ଚ ବିଦ୍ୟାଳୟରେ ଗଛ ଲାଗାଯାଇ ଏହି ମିଶନ ରାଜଧନୀରେ ଆରମ୍ଭ ହୋଇଛି ।

ଏହି କାର୍ଯ୍ୟକ୍ରମରେ ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା, ବିଧାୟକ ଅନନ୍ତ ନାରାୟଣ ଜେନା, ବିଧାୟକ ସୁଶାନ୍ତ ରାଉତ ଓ ବିଏମ୍‌ସି ମେୟର ସୁଲୋଚନା ଦାସ ଉପସ୍ଥିତ ରହି ବୃକ୍ଷ ରୋପଣ କରିଥିଲେ । ତେବେ ୪ହଜାର ଗଛ ଲଗାଯାଇ ଏହାକୁ ବଂଚାଇ ରଖିବାକୁ ସଂକଳ୍ପ ନେଇଛନ୍ତି ଗ୍ରୀନ୍ ୱାଲ୍‌ଡ ଟ୍ରଷ୍ଟର ଅଧ୍ୟକ୍ଷ ନୃପେଶ କୁମାର ନାୟକ । ଏହି ଉଦ୍‌ଘାଟନ କାର୍ଯ୍ୟକ୍ରମରେ ବହୁ କର୍ପୋରେଟର ଓ ବୃକ୍ଷ ପ୍ରେମୀ ଉପସ୍ଥିତଥିଲେ ।