ଓଡ଼ିଶା ତାଜା ନ୍ୟୁଜ୍/୮ ଜୁଲାଇ ଶୁକ୍ରବାର/ଭୁବନେଶ୍ୱର :- ଜୟଦେବ ବିହାର ବିକାଶ ପରିଷଦ ପକ୍ଷରୁ ସ୍ଥାନୀୟ ଜୟଦେବ ବିହାର ଲେନ୍-ନଂ-୫ଠାରେ ପଞ୍ଚମୁଖୀ ହନୁମାନ ମନ୍ଦିର ସ୍ଥାପନ କରାଯାଇଛି । ଏହି ମନ୍ଦିରରେ ପାଞ୍ଚ ଫୁଟ ଦୁଇ ଇଞ୍ଚ ଉଚ୍ଚତା ବିଶିଷ୍ଟ ବିଗ୍ରହ ସ୍ଥାପିତ ହୋଇଛି । କେନ୍ଦ୍ରାପଡ଼ାର ଯଶୋବନ୍ତ (ବାବୁଲି) ବେହେରାଙ୍କ ଅକ୍ଲାନ୍ତ ପରିଶ୍ରମ ଓ ପ୍ରଗାଢ ଚେଷ୍ଟା ଯୋଗୁ ମାତ୍ର ଏକ ମାସ ସତେଇଶ ଦିନ ମଧ୍ୟରେ ଏହି ପଞ୍ଚମୁଖୀ ହନୁମାନ ମନ୍ଦିର ପ୍ରତିଷ୍ଠା ହୋଇପାରିଛି । ମନ୍ଦିର ପ୍ରତିଷ୍ଠା କାର୍ଯ୍ୟକ୍ରମରେ ରତ୍ନମୁଦ, ଅଙ୍କୁରାରୋପଣ, କଳସ ଯାତ୍ରା ଓ କର୍ମାରମ୍ଭ, ବିଗ୍ରହ ପ୍ରତିଷ୍ଠା, ମନ୍ଦିର ପ୍ରବେଶ ଓ ପୂର୍ଣ୍ଣାହୂତି କାର୍ଯ୍ୟକ୍ରମ ଦୀର୍ଘ ୫ ଦିନ ଧରି ଚାଲିଥିଲା । ମନ୍ଦିର ପ୍ରତିଷ୍ଠା ଦିବସ ମହାସମାରୋହରେ ପାଳନ କରାଯାଇଥିଲା ।
ଭବିଷ୍ୟତରେ ଏହା ଆଖପାଖ ଅଞ୍ଚଳରେ ଏକ ବୃହତ୍ ଧର୍ମୀୟ ଅନୁଷ୍ଠାନରେ ପରିଣତ ହେବ ଓ ଏହାକୁ ସଂଯୋଗ କରୁଥିବା ରାସ୍ତାଟି ପଞ୍ଚମୁଖୀ ହନୁମାନଙ୍କ ନାମରେ ନାମିତ ହେବ ବୋଲି ସେମାନେ ଆଶା ପ୍ରକାଶ କରିଥିଲେ । ପ୍ରାରମ୍ଭରେ ବିକାଶ ପରିଷଦର ସମ୍ପାଦକ ରବୀନ୍ଦ୍ର କୁମାର ପଲେଇ ସମ୍ପାଦକୀୟ ବିବରଣୀ ପାଠ କରିଥିଲେ । ଏହି ଅବସରରେ ଯଶୋବନ୍ତ ବେହେରାଙ୍କୁ ମନ୍ଦିର ନିର୍ମାଣ ଶିଳ୍ପୀ ସମ୍ମାନ, ଶ୍ରୀମତୀ ରାଜଶ୍ରୀ ରଥଙ୍କୁ ଧର୍ମପରାୟଣା ମହିଳା ସମ୍ମାନ, ଯୁଧିଷ୍ଠିର ସାହୁଙ୍କୁ ସମାଜସେବୀ ସମ୍ମାନ, ଡ଼ାକ୍ତର ସୁରେନ୍ଦ୍ର ନାଥ ସ୍ୱାଇଁ ଓ ଗଙ୍ଗାଧର ବେହେରାଙ୍କୁ କୋଭିଡ଼ ଯୋଦ୍ଧା ସମ୍ମାନ, ବରିଷ୍ଠ ସାମ୍ବାଦିକ ପ୍ରଦ୍ୟୁମ୍ନ କୁମାର ମହାନ୍ତିଙ୍କୁ ସ୍ୱେଚ୍ଛାସେବୀ ସମ୍ମାନ,
ଓଡ଼ିଆ ଭାଷା, ସାହିହ୍ୟ ଓ ସଂସ୍କୃତି ବିଭାଗ ପକ୍ଷରୁ ବିଶିଷ୍ଟ ସଙ୍ଗୀତ ନିର୍ଦ୍ଦେଶକ ଶରତ ଚନ୍ଦ୍ର ବାରିକଙ୍କ ନିର୍ଦ୍ଦେଶନାରେ ଭଜନ ପରିବେଷଣ କରାଯାଇଥିଲା । କଣ୍ଠଶିଳ୍ପୀ ସୁଭଦ୍ରା ଶୁଭଦର୍ଶିନୀ, ସୁବର୍ଣ୍ଣ କୁମାର, ଜୀବନ ଦାସ, ପଦ୍ମଜା ଦାସ ଓ ଗଣେଶ କୁମାରଙ୍କ ସଙ୍ଗୀତ ଅତ୍ୟନ୍ତ ମନମୁଗ୍ଧକର ହୋଇଥିଲା । କଣ୍ଠଶିଳ୍ପୀ ସାଇ ସ୍ମିତା ରଥ ଜଣେ ଭିନ୍ନକ୍ଷମ ହୋଇଥିଲେ ହେଁ ତାଙ୍କ ଭଜନ ଅତ୍ୟନ୍ତ ଉଚ୍ଚକୋଟୀର ଓ ହୃଦୟସ୍ପର୍ଶୀ ହୋଇଥିଲା । ଆସନ୍ତା ଦୁଇଦିନ ଧରି ହନୁମାନଙ୍କ ଉପରେ ପାଲା ପରିବେଷଣ କରାଯିବାର କାର୍ଯ୍ୟକ୍ରମ ରହିଛି । ମନ୍ଦିର ପ୍ରତିଷ୍ଠା ଦିବସ କାର୍ଯ୍ୟକ୍ରମରେ ସୁରେନ୍ଦ୍ର ନାଥ ଶର୍ମା, ରମେଶ କୁମାର ଶତପଥୀ ଓ ପ୍ରଭାସ ରଞ୍ଜନ ଦାସ ପ୍ରମୁଖ ସହାୟତା କରିଥିଲେ ।
(ପ୍ରଦୋଷ ପଟ୍ଟନାୟକ) ବରିଷ୍ଠ ସାମ୍ବାଦିକ, ଭୁବନେଶ୍ୱର ମୋ : ୯୮୬୧୦୨୬୬୪୦ (ପ୍ରଦ୍ୟୁମ୍ନ କୁମାର ମହାନ୍ତି) ବରିଷ୍ଠ ସାମ୍ବାଦିକ, ଭୁବନେଶ୍ୱର ମୋ : ୯୪୩୭୩୦୯୦୦୯
