ପାରଳାଖେମୁଣ୍ଡି ଠାରୁ ଉମରକୋଟ ଯାଉଥିବା ଏକ ଘୋରୋଇ ଯାତ୍ରୀବାହି ବସ : ଦୁର୍ଘଟଣା ରେ ଶିକ୍ଷୟତ୍ରୀ – ସୁନିତା ଶତପଥୀଙ୍କ ମୃତ୍ୟୁ , ୧୪ଗୁରୁତର

ଓଡ଼ିଶା ତାଜା ନ୍ୟୁଜ୍/୭ ଜୁଲାଇ ଗୁରୁବାର/ପାରଳାଖେମୁଣ୍ଡି :- ଗତକାଲି ରାତିରେ ଏକ ଘରୋଇ ଯାତ୍ରୀବାହୀ ବସ ସଡ଼କ ଦୁର୍ଘଟଣା ଘଟିଛି I ଏଥିରେ ପାରଳାଖେମୁଣ୍ଡି ସହରର ଜଣେ ଶିକ୍ଷୟିତ୍ରୀ ଙ୍କ ମୃତ୍ୟୁ ଘଟିଥିବାବେଳେ ୩୦ ଜଣ ଆହତ ହୋଇଛନ୍ତି I ଏଥିରେ ୧୪ ଜଣ ଗୁରୁତର ଅଛନ୍ତି I ଘଟଣାରୁ ପ୍ରକାଶ ପାରଳାଖେମୁଣ୍ଡି ଠାରୁ ଉମରକୋଟ ଯାଉଥିବା ସାଇକୃପା ନାମକ ଏକ ଘରୋଇ ବସ ଗତକାଲି ରାତିରେ ମୁକୁନ୍ଦପୁର ନିକଟସ୍ଥ ହାତୀଖମ୍ବା ଗ୍ରାମ ନିକଟରେ ହଠାତ ଓଲଟି ପଡିଥିଲା I ଏହି ସମୟରେ ବସରେ ୪୦ଜଣ ଯାତ୍ରୀ ଥିଲେ I

ଏମାନଙ୍କ ମଧ୍ୟରୁ ୩୦ ଜଣ ଆହତ ହୋଇଛନ୍ତି I ୧୪ଜଣ ଗୁରୁତର ଥିବା ସୂଚନା ମିଳିଛି I ଏହି ଦୃଘଟଣାରେ ପାରଳାଖେମୁଣ୍ଡି ସହରର ଶିକ୍ଷୟିତ୍ରୀ ସୁନୀତା ଶତପଥୀଙ୍କ ମୃତ୍ୟୁ ଘଟିଛି I ଗୁରୁତର ଆହତମାନଙ୍କୁ ମୁକୁନ୍ଦପୁର ଓ ଗୁଣୁପୁର ସରକାରୀ ଡାକ୍ତରଖାନାରେ ଭର୍ତ୍ତି କରାଯାଇଛି I

ଦୁର୍ଘଟଣା ରେ ମୃତ୍ୟୁବରଣ କରିଥିବା ଶିକ୍ଷୟିତ୍ରୀ ସୁନୀତା ଶତପଥୀଙ୍କ ମୃତ୍ୟୁ ଖବର ପ୍ରଚାରିତ ହେବାପରେ ପାରଳାଖେମୁଣ୍ଡି ସହର ସମେତ ଗଜପତି ଜିଲ୍ଲାର ଶିକ୍ଷକଶିକ୍ଷୟିତ୍ରୀ ମାନଙ୍କ ମଧ୍ୟରେ ଶୋକ ପ୍ରକାଶ ପାଇଛି I