ପଡିଆ ଆଦିବାସୀ-ହରିଜନ ସରକାରୀ ଉଚ୍ଚ ବିଦ୍ୟାଳୟରେ ୭୩ ତମ ବନମହୋତ୍ସବ ପାଳିତ

ଓଡ଼ିଶା ତାଜା ନ୍ୟୁଜ୍/୫ ଜୁଲାଇ ମଙ୍ଗଳବାର/ପଡିଆ :- ମାଲକାନଗିରି ଜିଲ୍ଲା ପଡିଆ ବ୍ଳକ ପଡିଆ ପଞ୍ଚାୟତ ସଦର ମହକୁମା ସ୍ଥିତ ପଡିଆ ଆଦିବାସୀ-ହରିଜନ ସରକାରୀ ଉଚ୍ଚ ବିଦ୍ୟାଳୟ ପରିସରରେ ଆଜି କାଳିମେଳା ବନାଞ୍ଚଳର ପଡିଆ ବନ ବିଭାଗ ତରଫରୁ ୭୩ ତମ ବନମହୋତ୍ସବ ଉପଲକ୍ଷେ ବୃକ୍ଷ ରୋପଣ କରାଯାଇଛି । ଏହି ଅବସରରେ ମୃଖ୍ୟ ଅତୀଥି ଭାବେ ପଡିଆ ସରପଞ୍ଚ ଗଙ୍ଗା କାରାମ, ପଡିଆ ଵନପାଳ ପବିତ୍ର କୁମାର ଦାସ,ଏସ.ଏସ.ଡି ବିଦ୍ୟାଳୟର ପ୍ରଧାନ ଶିକ୍ଷକ ଵୁଦ୍ରା କାବାସି,

ସହକାରୀ ଶିକ୍ଷକ ଶିକ୍ଷୟିତ୍ରୀ, ଛାତ୍ରଛାତ୍ରୀ, ପଡିଆ ବନରକ୍ଷୀ ପପିତା ଆଜମିରା, ନିଲିଗୁଡା ବନରକ୍ଷୀ କାନନ ବିଶ୍ବାସ, ମାଟେରୁ ବନରକ୍ଷୀ ନବନିତା ପଡ଼ିଆମି, ଆମ ଜଙ୍ଗଲ ଯୋଜନାର କର୍ମକର୍ତ୍ତା ଓ ପ୍ରକୃତିର ବନ୍ଧୁ ପ୍ରଶାନ୍ତ କୁମାର ପରିଡ଼ା ପ୍ରମୁଖ ଉପସ୍ଥିତ ରହି ବିଦ୍ୟାଳୟ ପରିସରରେ ବିଭିନ୍ନ ପ୍ରକାରର ଚୋରା ବୃକ୍ଷ ରୋପଣ କରାଯାଇଥିଲା ।

ପଡିଆ ବନବିଭାଗ ଵନପାଳ ପବିତ୍ର କୁମାର ଦାସଙ୍କ ଅଧ୍ୟକ୍ଷତାରେ ଆୟୋଜିତ ଏହି ୭୩ତମ ବନ ମହୋତ୍ସବ ରେ ଉପସ୍ଥିତ ରହି ଅତିଥି ମାନେ ବୃକ୍ଷ ରୋପଣର ଉପକାରିତା ବିଷୟରେ ଛାତ୍ରଛାତ୍ରୀ ମାନଙ୍କୁ ବୁଝାଇଥିଲେ । ଏହି ଅବସରରେ ପଡିଆ ଵନପାଳ ପବିତ୍ର କୁମାର ଦାସ ଛାତ୍ରଛାତ୍ରୀମାନଙ୍କୁ ବୁଝାଇଥିଲେ ଯେ ବୃକ୍ଷ ହଁ ଆମର ରକ୍ଷା କଵଚ ।

ଏହା ଆମକୁ ଖାଦ୍ୟ, ବସ୍ତ୍ର ଓ ବାସଗୃହ ଯୋଗାଇ ଦେଇଥାଏ । ଏହା ସୁସ୍ଥ ପରିବେଶ ସହ ସୁସ୍ଥ ମନଗଢିବା ସହାୟକ ହୋଇଥାଏ । ତେଣୁ ଆମେ ସମସ୍ତେ ଜଙ୍ଗଲ ସୃଷ୍ଟି କରିବା ସହ ସବୁ ସ୍ଥାନରେ ବୃକ୍ଷ ରୋପଣ କରିବା ଆବଶ୍ୟକ ବୋଲି କହିବା ସହ ଜଙ୍ଗଲ ସୁରକ୍ଷା ପାଇଁ ସମସ୍ତେ ଦୃଷ୍ଟି ଦେବା ଆବଶ୍ୟକ ବୋଲି କହିଥିଲେ । ଏହି ଅବସରରେ ପ୍ରତିଯୋଗିତା କରାଯାଇ ୧ମ, ୨ୟ ଓ ୩ୟ ବିଜେତା ଛାତ୍ରଛାତ୍ରୀମାନଙ୍କୁ ପୁରସ୍କୃତ କରାଯାଇଥିଲା ।