ନର୍ଲା,ରୁପ୍ରାରୋଡ ସମେତ ଅନ୍ୟାନ୍ୟ ସ୍ଥାନରେ ଘୋଷଯାତ୍ରା : ନର୍ଲାରେ ଦୁଇ ଦିନ ରଥଟଣା

ଓଡ଼ିଶା ତାଜା ନ୍ୟୁଜ୍/୨ ଜୁଲାଇ ଶନିବାର/କଳାହାଣ୍ଡି :- କଳାହାଣ୍ଡି ଜିଲ୍ଲା ନର୍ଲା, ରୁପ୍ରାରୋଡ ସମେତ ବ୍ଳକର ବିଭିନ୍ନ ଗ୍ରାମରେ ପବିତ୍ର ରଥଯାତ୍ରା ଶାନ୍ତି ଶୃଙ୍ଖଳାର ସହିତ ଅନୁଷ୍ଠିତ ହୋଇଯାଇଛି । ପାଗ ଅନୁକୂଳ ହେତୁ ପ୍ରବଳ ଜନସମାଗମ ଦେଖିବାକୁ ମିଳିଥିଲା । ରୁପ୍ରାରୋଡ ଠାରେ ପୂଜକ ନିଗମାନନ୍ଦ ସମସ୍ତ ପୂଜା କରିବା ପରେ ପହଣ୍ଡି ବିଜେ ହୋଇଥିଲା । ସ୍ୱର୍ଗତ ସାଧୁରାମ ଅଗ୍ରୱାଲଙ୍କ ବଡ ପୁଅ ସୁନିଲ ଅଗ୍ରୱାଲ ଛେରାପହଁରା କରିବା ପରେ ରଥ ଟଣା ଆରମ୍ଭ ହୋଇଥିଲା । ଜଗନ୍ନାଥ ମନ୍ଦିର ପରିଚାଳନା କମିଟିର ତତ୍ୱାବଧାନରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଉପସ୍ଥିତ ଅନେକ ଶ୍ରଦ୍ଧାଳୁ ଭକ୍ତ ମହାପ୍ରଭୁ ଶ୍ରୀଜଗନ୍ନାଥ, ବଳଭଦ୍ର,ମା ସୁଭଦ୍ରାଙ୍କ ଦର୍ଶନ ସହିତ ରଥଟଣାରେ ସହଯୋଗ କରିଥିଲେ ।

ନିକଟସ୍ଥ ଉଲିକୁପା, ସରିଆଁ, ବୁଢିପଦର, ରୁପ୍ରା,ମାଣ୍ଡେଲ,ଲାଖଗୁଡା,ତୁଲାପଡା ଓ ନର୍ଲାରେ ଶ୍ରୀ ମହାପ୍ରଭୁଙ୍କ ଘୋଷ ଯାତ୍ରା ଶାନ୍ତି ଶୃଙ୍ଖଳାର ସହିତ ଅନୁଷ୍ଠିତ ହୋଇଯାଇଛି । ନର୍ଲା ରଥଯାତ୍ରାରେ ତପିନ୍ଦ୍ର ଗୈାଡିଆଙ୍କ ଦ୍ଵାରା ଛେରାପହଁରା ନୀତି ସମ୍ପନ୍ନ ହୋଇଛି । ପହଣ୍ଡିରେ ମନ୍ମୟ ଚାନ୍ଦ, ଚନ୍ଦ୍ର ଶେଖର ପୁଝାରୀ,ଚୂଳମଣି ଗୈାଡିଆ ପ୍ରମୁଖ ସହଯୋଗ କରିଥିଲେ ।