ସମ୍ପନ୍ନ ହେଲା ଦେବଦମ୍ପତିଙ୍କ ବିବାହ – ରଣପୁର

ଓଡ଼ିଶା ତାଜା ନ୍ୟୁଜ୍/୦୬ ଜୁନ ସୋମବାର/ରଣପୁର :- ନୟାଗଡ ଜିଲ୍ଲାର ରଣପୁର ଠାରେ ଶ୍ରୀ ଶ୍ରୀ ସ୍ୱପ୍ନେଶ୍ୱର ଦେବ , ଶ୍ରୀ ଶ୍ରୀ ଚଣ୍ଡେଶ୍ୱର ଦେବ ଓ ଜଗତ ଜନନୀ ମାତା ପାର୍ବତୀ ଦେବୀଙ୍କ ବିବାହ ଉତ୍ସବ, ପବିତ୍ର ଶୀତଳ ଷଷ୍ଠୀ ଯାତ୍ରା ଚଳିତ ବର୍ଷ ମହାଆଡମ୍ବରରେ ପାଳିତ ହୋଇଛି ।
ଗତ ଦୁଇ ବର୍ଷ ର କଟକଣା ପରେ ଚଳିତବର୍ଷ ଚଳିତ ଥର ୨୪୫ ତମ ଶୀତଳଷଷ୍ଠୀ ଉତ୍ସବ ଅନୁଷ୍ଠିତ ହୋଇଅଛି ।

ଲୋକାଚାର ନୀତି ରେ ଜୈଷ୍ଠମାସ ଶୁକ୍ଳପକ୍ଷ ପଞ୍ଚମୀ ତିଥିରେ ବୈଦିକ ରୀତୀନୀତି ଓ ଲୋକାଚାରରେ ବରପିତା ଓ କନ୍ଯାପିତା ଚୟନ, ଦେବପିତୃନିମନ୍ତ୍ରଣ ଠାରୁ ଆରମ୍ଭ କରି ଲଗ୍ନ ଚିଟାଉ ଥାଳ ଉଠା ନୀତି, ମଙ୍ଗଳପାଗ, ବରଧରା ବରଣ, ଦିଅମଙ୍ଗୁଳା ପରେ ବିବାହ ମଣ୍ଡପରେ ମାତା ପାର୍ବତୀଙ୍କ ହାତ ଧରିଥିଲେ ଦେବ ଦେବ ମହାଦେବ ।

ଏହି ବିବାହ ଉତ୍ସବରେ ପାରମ୍ପରିକ ବାଦ୍ଯରେ ଦୁଲୁକିଥିଲା ରଣପୁରର ପ୍ରତ୍ୟେକ ଟି ସାହି । ଦେବାଧି ଦେବ ମହାଦେବ ଙ୍କ ବିବାହ ପ୍ରଶସନ ଗାଁ ଗାଁ ବୁଲି ସାରିବା ପରେ ମଧ୍ଯରାତ୍ରରେ ଦେବଦମ୍ପତି ବିବାହ ସମ୍ପନ୍ନ ହେବା ପରେ ଯୁଗଳମୂର୍ତ୍ତି ଦର୍ଶନ ପାଇଁ ଶତାଧିକ ଭକ୍ତଙ୍କ ସମାଗମ ହୋଇଥିଲା । ରୀତିନିତି ଅନୁଯାୟୀ ନିତି କର୍ମ ସରିବା ପରେ ମନ୍ଦିରକୁ ଫେରିବେ ଦେବଦମ୍ପତି ।