ବୈପାରିଗୁଡା ଥାନା ପରିସରରେ ଥିବା ତ୍ରିନାଥ ମନ୍ଦିର ବାର୍ଷିକଉତ୍ସବ ପାଳିତ

ଓଡ଼ିଶା ତାଜା ନ୍ୟୁଜ୍ /୨୯ ମଇ ରବିବାର/ବୈପାରିଗୁଡା :- କୋରାପୁଟ ଜିଲ୍ଲା ବୈପାରିଗୁଡା ଥାନା ପରିସର ଭିତରେ ଥିବା ତ୍ରିନାଥ ମନ୍ଦିର ର ପ୍ରଥମ ପ୍ରତିଷ୍ଠା ଉତ୍ସବ ମହାଆଡମ୍ବର ସହ ପାଳିତ ହୋଇ ଥିବାର ଜଣାପଡିଛି ! ଥାନା ଅଧିକାରୀ ତଥା ଡିଏସପି ବିରଂଚି ନାରାୟଣ ଜଗତ ଓ ଆଇଆଇସି ଅଶ୍ବିନୀ କୁମାର ପଟ୍ଟନାୟକଙ୍କ ପ୍ରତ୍ୟକ୍ଷ ତତ୍ବାବଧାନରେ ଏହି ବାର୍ଷିକ ଉତ୍ସବ କାର୍ଯ୍ୟକ୍ରମ ଆୟୋଜନ ଅନୁଷ୍ଟିତ ହୋଇଯାଇଛି ! ତେବେ କରୋନା ମହାମାରୀ ସମୟରେ ହିଁ ଥାନା ପରିସର ରେ ଏହି ତ୍ରିନାଥ ମନ୍ଦିର ପ୍ରତିଷ୍ଠା କାର୍ଯ୍ୟକ୍ରମ କରାଯାଇଥିବା ବେଳେ ମନ୍ଦିରର ପ୍ରଥମ ବାର୍ଷିକ ଉତ୍ସବ ଆଜି ପାଳନ କରାଯାଇଛି ! ଅତିଥି ଭାବରେ ଜୟପୁର ଏସଡିପିଓ ଅରୂପ ଅଭିଷେକ ବେହେରା, ସଦର ଥାନା ଆଇଆଇସି ଈଶ୍ଵର ତାଣ୍ଡି,

ଟାଉନ ଥାନା ଆଇଆଇସି ସଞ୍ଜୟ କୁମାର ମଣ୍ଡଳ, ବ୍ଲକ ଅଧ୍ଯକ୍ଷ ପ୍ରଶାନ୍ତ କୁମାର ଗୁପ୍ତା, ଉପାଧ୍ଯକ୍ଷା ପୂର୍ଣ୍ଣମା ବାରିକ,ସମିତିସଭ୍ୟା ମଞ୍ଜୁଲତା ପଟ୍ଟନାୟକଙ୍କ ସହ ବିଭିନ୍ନ ଥାନା ର କର୍ମଚାରୀ , ଗ୍ରାମବାସୀ ମାନେ ଉପସ୍ଥିତ ରହିଥିଲେ ! ଏହି ଉତ୍ସବରେ କଳସ ବସାଇ , ମନ୍ଦିର ଚାରି ପଟେ ବିଗ୍ରହଙ୍କୁ ପୂଜାର୍ଚ୍ଚନା , ସଂକୀର୍ତନ ସମାରୋହ ଚାଲିବା ସହ ଏହି ଅବସରରେ ତିନି ଦେବତା ଙ୍କ ମହାସ୍ନାନ, ମାର୍ଜନା, ସୂର୍ଯ୍ୟପୂଜା, ଉପଚାରପୂଜା, ପାର୍ଶ୍ବ ଦେବାଦେବୀ ପୂଜା, ଅନ୍ନଯଜ୍ଞ, ହୋମଯଜ୍ଞ, ଦୀପଯଜ୍ଞ ଆଦି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏଥିରେ ଥାନା ଏସଆଇ ନରସିଂହ ପାଢୀ ତ୍ରିନାଥ ମନ୍ଦିର ବାର୍ଷିକ ଉତ୍ସବରେ କର୍ତା ଭାବେ ଦାୟତ୍ବ ତୁଲାଇବା ବେଳେ ମନ୍ଦିରର ବାର୍ଷିକ ଉତ୍ସବରେ ପୂଜକ ଭାବେ ଟୁଲୁ ରଥ ଯୋଗଦାନ କରି ପୂଜାକାର୍ଯ୍ୟ କରିଥିବାର ଦେଖାଯାଇଛି !

ତେବେ ଏହି ବାର୍ଷିକ ଉତ୍ସବ ରେ ଥାନା ତରଫରୁ ଅନ୍ନପ୍ରସାଦ ସେବନ କରିବା ନେଇ ବ୍ଯବସ୍ଥା କରାଯାଇ ଥିବା ବେଳେ ବୈପାରିଗୁଡା ଅଂଚଳର ବହୁ ଭକ୍ତ ଓ ଜନସାଧାରଣ ମାନେ ଏହି ଉତ୍ସାବ ରେ ଯୋଗଦାନ ପ୍ରସାଦସେବନ କରିଛନ୍ତି ! ମନ୍ଦିର ବାର୍ଷିକ ପ୍ରତିଷ୍ଠା ଉତ୍ସବରେ ତିନି ଠାକୁରଙ୍କ ଦର୍ଶନ ଓ ପୂଜାର୍ଚ୍ଚନା ନିମନ୍ତେ ବୈପାରିଗୁଡା ସହର ସମେତ ଆଖପାଖ ଅଂଚଳର ବିଭିନ୍ନ ପ୍ରାନ୍ତରୁ ହଜାର ହଜାର ହଜାର ଭକ୍ତଙ୍କ ଭିଡ଼ ଥାନା ପରିସରରେ ଜମିଥିବା ଦେଖିବାକୁ ମିଳିଛି । ଶତାଧିକ ଶ୍ରଦ୍ଧାଳୁ ଯୋଗଦେଇ ତ୍ରିନାଥ ଭଗବାନଙ୍କ ଆଶିର୍ବାଦ ଭିକ୍ଷା କରିଥିଲେ !