ଅଧାଭଙ୍ଗା ସାହି ପୁଜା ପେଣ୍ଡାଲରେ ଚାଲିଛି ଟୀକାକେନ୍ଦ୍ର । ଜିଲ୍ଲାରେ ଟୀକା ମହଜୁଦ ଥାଇ ମାତ୍ର ପାଞ୍ଚ କିଲୋମିଟର ଦୂର ଟୀକା କେନ୍ଦ୍ରକୁ ଟୀକା ପହଞ୍ଚି ପାରୁନି । ସେପଟେ ସୂଚନା ପାଇ ନୀରିହ ଲୋକଟି ପାଞ୍ଚଶହ ଟଙ୍କା ଅଟୋ ଭଡ଼ା କରି ଟୀକା କେନ୍ଦ୍ରରେ ଛିଡ଼ାହୋଇ ଟୀକା ନ ନେଇ ନିରାଶ ହୋଇ ଘରକୁ ଫେରୁଛନ୍ତି । ଆଜି ଏଭଳି ଏକ ଘଟଣା ଦେଖିବାକୁ ମିଳିଛି ଜିଲ୍ଲା ମୁଖ୍ୟ ଚିକିତ୍ସାଳୟ ଠାରୁ ମାତ୍ର ପାଞ୍ଚ କିଲୋମିଟର ଦୂର ଏକ ନମ୍ବର ୱାର୍ଡ ଅନ୍ତର୍ଗତ କଲେଜପଡା ପୂଜା ପେଣ୍ଡାଲରେ ଚାଲିଥିବା ଟୀକାକରଣ କେନ୍ଦ୍ରରେ ।
ସୂଚନା ମୁତାବକ, ପ୍ରଶାସନ ପକ୍ଷରୁ ଆଜି କଲେଜ ପଡା ଟୀକାକେନ୍ଦ୍ରରେ ବିଭିନ୍ନ ବର୍ଗର ବ୍ୟକ୍ତିଙ୍କ ପାଇଁ ସମୁଦାୟ ୨୫୦ ଟି ଡୋଜ୍ ଦେବା ନିମନ୍ତେ ପୂର୍ବରୁ ସୂଚନା ଦିଆଯାଇଥିଲା । ସୂଚନା ପାଇ ସକାଳୁ ସକାଳୁ ଟୀକା କେନ୍ଦ୍ର ଆଗରେ ଲୋକଙ୍କ ଭିଡ ଜମିଲା ଏବଂ ଟୀକା ଦେବା ନିମନ୍ତେ ନିର୍ଦ୍ଧାରିତ ସମୟ ପୂର୍ବରୁ ପହଞ୍ଚି ଯାଇଥିଲେ ନିୟୋଜିତ ମହିଳା ଠିକା କର୍ମଚାରୀ । କିନ୍ତୁ ଟୀକା ପହଞ୍ଚି ପାରିଲାନି ମୁଖ୍ୟ ଚିକିତ୍ସାଳୟ ଠାରୁ ମାତ୍ର ପାଞ୍ଚ କିଲୋମିଟର ଦୂର ଟୀକା କେନ୍ଦ୍ରକୁ । ଏ ସମ୍ବନ୍ଧରେ ମୁଖ୍ୟ ଚିକିତ୍ସାଳୟ ଅଧିକାରୀ ଡିଭିଏଲଏନ୍ ତ୍ରିଲୋଚନ ପରିଡାଙ୍କୁ ଫୋନ୍ ମାଧ୍ୟମରେ ଯୋଗାଯୋଗ କରିବାରେ,
ଟୀକା ପହଞ୍ଚାଇବା ପାଇଁ ଏଠାରେ କୌଣସି ଗାଡ଼ି ନାହିଁକି ସେଭଳି କିଛି ବ୍ୟବସ୍ଥା ହୋଇ ପାରିବ ନାହିଁ, ତମେ ନିଜେ ଆସି ନେଇଯାଅ କହିଛନ୍ତି ବୋଲିି ପ୍ରକାଶ କରିଛନ୍ତି ଟୀକା କେନ୍ଦ୍ରରେ କାର୍ଯ୍ୟରତ ମହିଳା ଠିକା କର୍ମଚାରୀ ସୋନାଲି ଦ୍ବିବେଦୀ । ଶେଷରେ ଟୀକା କେନ୍ଦ୍ରରେ ଟୀକା ବି ପହଞ୍ଚି ପାରିଲା ନାହିଁ । ଫଳରେ ଅନେକ ଲୋକ ଟୀକା ନ ପାଇ ନିରାଶ ହୋଇ ଘରକୁ ଫେରିଗଲେ । ଘଟଣାକୁ ନେଇ ଟୀକା କେନ୍ଦ୍ରରେ କିଛି ସମୟ ପାଇଁଁ ଉତ୍ତେଜନା ଲାଗି ରହିଥିଲା । ସାଧାରଣରେ ଅସନ୍ତୋଷ ଲାଗି ରହିଲା ।
କିଭଳି ଚାଲିଛି ସାହିର ଅଧାଭଙ୍ଗା ପୂଜା ପେଣ୍ଡାଲ ଘରେ ଟୀକା କେନ୍ଦ୍ର । ନା ଅଛି ପଂଖା କି ଚଉକି କି ପିଇବା ପାଇଁ ପାନୀୟଜଳ । ଫଳରେ ବହୁ ଆସୁଥିବାର ସମ୍ମୁଖୀନ ହେଉଛନ୍ତି ସାଧାରଣ ଲୋକ । ଆଜି ଦୁର ବାଟରୁ ଆସି ଟୀକା ନ ନେଇ ବହୁ ଲୋକ ନିରାଶ ହୋଇ ଫେରିଛନ୍ତି । ଏପରିକି ରେଗଡା ଗ୍ରାମର ନାମକ ମାଳତୀ ବେହେରା ନାମକ ଜଣେ ବୟସ୍କା ବ୍ୟକ୍ତି ପାଞ୍ଚଶହ ଟଙ୍କା ଅଟୋ ଭଡ଼ା କରି ଟୀକା ନ ନେଇ ନିରାଶ ହୋଇ ଫେରିଥିବା ଜଣାପଡିଛି । ତେବେ ଏଭଳି ବ୍ୟବସ୍ଥା କୁ ନେଇ ସାଧାରଣରେ ଅସନ୍ତୋଷ ଦେଖା ଦେଇଛି । ଢେଙ୍କାନାଳ ।
