ବିଧାନସଭା ଷ୍ଟାଡିଂ କମିଟି-୧୦ର ତୃତୀୟ ବୈଠକ ଓଡ଼ିଶା ସରକାରଙ୍କ ବିଭିନ୍ନ ଜନମଙ୍ଗଳକାରୀ ଯୋଜନା ସଂପର୍କରେ ବିସ୍ତୃତ ଆଲୋଚନା ‘ବସୁନ୍ଧରା’ ଯୋଜନାରେ ଭୂମିହୀନ ଲୋକଙ୍କୁ ୪ ଡେସିମିଲ ଜାଗା ଯୋଗାଇଦେବାକୁ ପରାମର୍ଶ
ସହରାଞ୍ଚଳରେ ୧୦୦/୧୫୦ ଭୂମିହୀନ ପରିବାରଙ୍କୁ ଗୋଟିଏ ସ୍ଥାନରେ ଜମି ପ୍ରଦାନ କରିବା ସହିତ ମୌଳିକ ଆବଶ୍ୟକତା ଯଥା-ପାନୀୟ ଜଳ, ବିଦ୍ୟୁତ ସଂଯୋଗୀକରଣ କରାଯାଇପାରିଲେ ଆର୍ଥିକ ଦୁର୍ବଳ ଶ୍ରେଣୀର ଲୋକେ ଏହାର ସୁଫଳ ପାଇବା ସହ ସହରର ସୌନ୍ଦର୍ଯ୍ୟ ଅକ୍ଷୁଣ୍ଣ ରହିବ ବୋଲି ସଦସ୍ୟମାନେ ପ୍ରକାଶ କରିଛନ୍ତି । ଭୂମିହୀନଙ୍କ ଆଧାର ଲିଙ୍କ ହେଲେ ହିଁ ଜଣେ ବ୍ୟକ୍ତି ଗୋଟିଏ ସ୍ଥାନରେ ଜମି ପାଇବ । ଅନ୍ୟଥା ଜଣେ ବ୍ୟକ୍ତି ଅନେକ ସ୍ଥାନରେ ଜମି ପାଇଁ ଆବେଦନ କରିବାର ସମ୍ଭାବନା ଅଛି ବୋଲି ସଦସ୍ୟମାନେ ପ୍ରକାଶ କରିଛନ୍ତି ।
ଅଥଚ, ଗ୍ରାମବାସୀଙ୍କ ପାଖକୁ ମାସିକ ହାରାହାରି ବିଦୁ୍ୟତ ବିଲ୍ ଆସୁଛି ବୋଲି ଅନେକ ସ୍ଥାନରେ ଜନସାଧାରଣ ଅଭିଯୋଗ କରୁଛନ୍ତି । ଏଭଳି ସ୍ଥଳେ ହାରାହାରି ବିଦୁ୍ୟତ ବିଲ୍ ନଦେବାକୁ କମିଟି ନିର୍ଦ୍ଦେଶ ଦେଇଛି । ବରିଷ୍ଠ ବିଧାୟକ ତଥା ପୂର୍ବତନ ମନ୍ତ୍ରୀ ସୁରେଶ କୁମାର ରାଉତରାୟ, ବିଧାୟକ ପର୍ଶୁରାମ ଧଡ଼ା, ଜଗନ୍ନାଥ ନାୟକ, ରୁଦ୍ରପ୍ରତାପ ମହାରଥୀ, ପ୍ରଭୁ ଜାନୀ, ରଘୁରାମ ପଡ଼ାଲ, ଶକ୍ତି ବିଭାଗର ପ୍ରମୁଖ ଶାସନ ସଚିବ ଶ୍ରୀ ନିକୁଞ୍ଜ ବିହାରୀ ଧଳ, ଆଇଜିଆର୍ ଜେ.ପି. ଦାସ, ବିଧାନସଭା ସଚିବ ଦାଶରଥୀ ଶତପଥୀ, ସ୍ୱତନ୍ତ୍ର ସଚିବ ବି.ବି. ଦାସ, ଉପସଚିବ ସୁଶିଳା ମଲ୍ଲିକ, ଡେସ୍କ ଅଧିକାରୀ ବିଦ୍ୟାଧର ମାଝୀ, ରାଜସ୍ୱ ଓ ବିପର୍ଯ୍ୟୟ ପରିଚାଳନା ଏବଂ ଶକ୍ତି ବିଭାଗର ଅଧିକାରୀ, ବିଦୁ୍ୟତ୍ ଯୋଗାଣ କମ୍ପାନୀର କର୍ମକର୍ତ୍ତା ପ୍ରମୁଖ ଆଲୋଚନାରେ ଅଂଶଗ୍ରହଣ କରିଥିଲେ ।
