ଆଜିର ପ୍ରଥମ ଖେଳ ବୋଡାସମ୍ବର୍ ଏଫ୍ ସି ଓ ବରପାଲି ବାଏସନ୍ ମଧ୍ୟରେ ଅନୁଷ୍ଠିତ ହୋଇଥିଲା । ଏଥିରେ ବରପାଲି ଦଳ ୧-୦ ଗୋଲରେ ବିଜୟୀ ହୋଇଥିଲା । ଦଳ ପକ୍ଷରୁ ୧୯ ନମ୍ବର ଖେଳାଳି ଅଂଶୁ ଛତ୍ରିଆ ଏକମାତ୍ର ଗୋଲ ଦେଇଥିଲେ । ଅଂଶୁ ଓଡ଼ିଶା ୧୯ ବର୍ଷ ଦଳ ରେ ପ୍ରତିନିଧିତ୍ଵ କରୁଥିବାବେଳେ ହାଇସ୍କୁଲ ସ୍ତରରେ ଜାତୀୟ ପ୍ରତିଯୋଗିତା ରେ ପୂର୍ବରୁ ଭାଗ ନେଇଛନ୍ତି । ଆଜିର ଏହି ଖେଳକୁ ଫାଓ ରେଫରି ସୁବ୍ରତ ପୁରୋହିତ ପରିଚାଳନା କରିଥିଲେ । ତାଙ୍କୁ ଲାଇନ୍ ରେ ଅରୁଣ ନାୟକ , ପଞ୍ଚାନନ ପାତ୍ର ସହଯୋଗ କରିଥିଲେ । ଚତୁର୍ଥ ରେଫରି ଥିଲେ ନିରଞ୍ଜନ ମହାକୁର ।
ପରେ ଅନୁଷ୍ଠିତ ପୁରସ୍କାର ବିତରଣି ଉତ୍ସବରେ ଜିନ୍ଦଲ ଡେଭେଲପର ଗ୍ରୁପ ର ଅନିଲ ଜିନ୍ଦଲ ,ବାଲାଜୀ ମୋବାଇଲ ର ସୁଶାନ୍ତ ବେହେରା ଅତିଥି ଭାବରେ ଯୋଗ ଦେଇ ଅଂଶୁ ଛତ୍ରିଆ ଙ୍କୁ ମ୍ୟାନ ଅଫ ଦି ମ୍ୟାଚ୍ ପୁରସ୍କାର ପ୍ରଦାନ କରିଥିଲେ । ଦ୍ଵିତୀୟ ମ୍ୟାଚ୍ ରେଲୱେ ଏଫ୍ ସି ଓ ଏସ ଏସ ୱାଇ ଏସ କ୍ଲବ ଗୋବିନ୍ଦ ପାଲି ମଧ୍ୟରେ ଅନୁଷ୍ଠିତ ହୋଇଥିଲା । ଏଥିରେ ଏସ ଏସ ୱାଇ ଏସ କ୍ଲବ ୧-୦ ଗୋଲ ରେ ବିଜୟୀ ହୋଇଥିଲା । ଖେଳକୁ ଜାତୀୟ ରେଫରୀ ଆଶୀର୍ବାଦ କାନୁନଗୋ ପରିଚଳନା କରିଥିବା ବେଳେ ତାଙ୍କୁ ଲାଇନ୍ ରେ ସୁବ୍ରତ ପୁରୋହିତ , ପ୍ରଶାନ୍ତ ପ୍ରଧାନ ସହଯୋଗ କରିଥିଲେ । ଚତୁର୍ଥ ରେଫରି ଥିଲେ ଶୁଭମ ପାତ୍ର ।
