ଓଡ଼ିଶା ତାଜା ନ୍ୟୁଜ୍ /୧୬ ମଇ ସୋମବାର/ଭୁବନେଶ୍ୱର :- ଉତ୍କଳ ଅପଡେଟ୍ସ ଆଣ୍ଡ୍ ଆଡିକ୍ସନ ଫେସନ୍ ମ୍ୟାନେଜମେଂଟ୍ ପକ୍ଷରୁ ଆଜି ୱେଲକମ୍ ହୋଟେଲ୍ ବାଏ ଆଇଟିସିରେ ଆୟୋଜନ କରାଯାଇଥିବା ଇପାରି ସଦାଶିବ ଜୁଏଲାରି ପ୍ରାୟୋଜିତ ଓଡ଼ିଶାର ସ୍ୱତନ୍ତ୍ର ପୁରସ୍କାର ସୋ’ରେ ଓଡ଼ିଶାର ବ୍ୟବସାୟ ଜଗତର ବିଶିଷ୍ଟ ବ୍ୟକ୍ତିମାନଙ୍କୁ ସମ୍ମାନିତ କରାଯାଇଛି । ବ୍ୟବସାୟ ଜଗତର ସଫଳ ଚେହେରାମାନଙ୍କୁ ରାଜ୍ୟର ଅର୍ଥନୀତି ପାଇଁ ଗୁରୁତ୍ୱପୂର୍ଣ୍ଣ ଯୋଗଦାନ ନିମନ୍ତେ ସେମାନଙ୍କୁ ସମ୍ମାନିତ କରାଯାଇଛି । ସେମାନଙ୍କ ଯୋଗଦାନକୁ ମାନ୍ୟତା ଦିଆଯିବା ସହ ସେମାନଙ୍କୁ ପୁରସ୍କୃତ କରାଯାଇଛି । ଆୟୋଜକ ସୁଶ୍ରୀ ସଙ୍ଗୀତା ସାହୁ, ଜନ୍ ଅଜୟ, ଗୌରବ, ଶ୍ରୀଧର ଇପାରୀ ଓ ସୁନିଲ ମୁରର୍କାଙ୍କ ଦ୍ୱାରା ପ୍ରଦୀପ ପ୍ରଜ୍ୱଳନ ସହ କାର୍ଯ୍ୟକ୍ରମ ଆରମ୍ଭ ହୋଇଥିଲା । ଓଡ଼ିଶା ବିଧାନସଭାର ବାଚସ୍ପତି ସୂର୍ଯ୍ୟ ନାରାୟଣ ପାତ୍ର ମୁଖ୍ୟ ଅତିଥି ଓ ଭୁବନେଶ୍ୱର ମେୟର ସୁଲୋଚନା ଦାସ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ ।
