1. ବିଧାୟକ ଶ୍ରୀ ଷଡ଼ଙ୍ଗୀ ପୁରୀରେ ଏକ ସାମ୍ବାଦିକ ସମ୍ମିଳନୀ କରି ସ୍ପଷ୍ଟୀକରଣ ଦେଇ ଏହି କଥା କହିଛନ୍ତି ।“ଶ୍ରୀମନ୍ଦିର ପରିକ୍ରମା ପ୍ରକଳ୍ପ କାମକୁ ମୁଁ କେବେ ବି ବିରୋଧ କରିନି ।
2. ମୋ କହିବା କଥା ଜଗନ୍ନାଥ ମନ୍ଦିରରେ ଯେଉଁ ପ୍ରକଳ୍ପ ଚାଲିଛି, ତାକୁ ନେଇ କୌଣସି ପ୍ରକାର ରାଜନୀତ କରା ନଯାଉ । ଏହାକୁ ସମସ୍ତେ ସହଯୋଗ କରନ୍ତୁ । ରାଜ୍ୟ ସରକାର ଓ ଭାରତ ସରକାର ମିଶିକି କାମଟାକୁ ସାରି ଦିଅନ୍ତୁ ।
3. ବିଧାୟକ ଶ୍ରୀ ଷଡ଼ଙ୍ଗୀ କହିଛନ୍ତି, ଐତିହ କୀର୍ତ୍ତିରାଜି ଯେତେବେଳେ ଭଙ୍ଗା ହେଲା, ସେତେବେଳେ ବିରୋଧ ହେବାର ଥିଲା । ସେତେବେଳେ କେହି ବିରୋଧ କଲେନି । ବିଧାନସଭାରେ ଯେତେବେଳେ ପ୍ରସ୍ତାବ ଆସିଥିଲା, ସମସ୍ତ ୧୪୭ ବିଧାୟକ ହାତ ଟେକି ଏହାକୁ ସ୍ୱାଗତ କରି ଦେଲେ । ମଠ ଭାଙ୍ଗିବା ପାଇଁ ମହନ୍ତ ମାନେ ବି ରାଜି ହୋଇଯାଇଥିଲେ । ସେଥିରେ ମୁଁ କାହିଁକି ବିରୋଧ କରିଥା’ନ୍ତି ..?
ସେ କହିଛନ୍ତି, “ଶ୍ରୀମନ୍ଦିର ପରିକ୍ରମା ପ୍ରକଳ୍ପ କାମକୁ ମୁଁ କେବେ ବି ବିରୋଧ କରିନି । ପ୍ରାରମ୍ଭରୁ ମୋର ଏଥିପ୍ରତି ସମର୍ଥନ ରହିଛି । ଆଜି ବି ଅଛି । ପୂରା ପ୍ରକଳ୍ପ କାମ ଶେଷ ହେବା ପର୍ଯ୍ୟନ୍ତ ସମର୍ଥନ ରହିବ । ମୁଁ କେବେ ମତ ବଦଳେଇନି । ଏମଆର ମଠ ଭଙ୍ଗା ହେଲା ଦିନଠୁ ମୁଁ ଏହାକୁ ସମର୍ଥନ କରୁଛି । ମୋ କହିବା କଥା ଜଗନ୍ନାଥ ମନ୍ଦିରରେ ଯେଉଁ ପ୍ରକଳ୍ପ ଚାଲିଛି, ତାକୁ ନେଇ କୌଣସି ପ୍ରକାର ରାଜନୀତ କରା ନଯାଉ । ଏହାକୁ ସମସ୍ତେ ସହଯୋଗ କରନ୍ତୁ । ରାଜ୍ୟ ସରକାର ଓ ଭାରତ ସରକାର ମିଶିକି କାମଟାକୁ ସାରି ଦିଅନ୍ତୁ । ଏହାକୁ ଯେତେ ବିବାଦ ଭିତରକୁ ଟାଣିବେ ଶ୍ରୀମନ୍ଦିର ଓ ପୁରୀ ସହରବାସୀଙ୍କର ସେତେ ଅଧିକ କ୍ଷତି ହେବ ।”
ଶ୍ରୀମନ୍ଦିର ପରିକ୍ରମା ପ୍ରକଳ୍ପ ପ୍ରସଙ୍ଗରେ ବିଜେଡି ସହିତ ତାଙ୍କର ଗୁପ୍ତ ବୁଝାମଣା ହୋଇଛି କି ବୋଲି ସାମ୍ବାଦିକ ସମ୍ମିଳନୀରେ ବିଧାୟକ ଜୟନ୍ତ ଷଡ଼ଙ୍ଗୀଙ୍କୁ ପ୍ରଶ୍ନ କରାଯାଇଥିଲା । ଏହାର ଜବାବରେ ସେ କହିଥିଲେ- ନା, ଏଠି ନୋ ପଲିଟିକ୍ସ। ଓନ୍ଲି ବିକାଶ । ମୁଁ ମ୍ୟୁନିସିପାଲିଟି ଚେୟାରମ୍ୟାନ ଥିବା ବେଳେ ମୁଁ ନିଜକୁ ନା ବିଜେଡିର କହୁଥିଲି ନା ବିଜେପିର ନା କଂଗ୍ରେସର । ମୁଁ ନିଜକୁ କେବଳ ପୁରୀର ନଗରପାଳ ବୋଲି ଭାବୁଥିଲି । ଚୌକିରୁ ତଳକୁ ଓହ୍ଲାଇଲେ ବିଜେଡିର ହେଉଥିଲି । ଏବେ ମୁଁ ପୁରୀ ବିଧାୟକ ।
