ଲେମ୍ବୁ ପରେ ଟମାଟୋ ଦର ବଢ଼ିଲା – ଅତିଷ୍ଠ ହୋଇପଡ଼ୁଛନ୍ତି ଗ୍ରାହକ

ଓଡ଼ିଶା ତାଜା ନ୍ୟୁଜ୍ /୦୫ ମଇ ଗୁରୁବାର/ବରଗଡ଼ :- ଲେମ୍ବୁ ପରେ  ଟମାଟୋ , ବଜାରର ଚଢ଼ା ଦରରେ ବିକ୍ରୀ ଆରମ୍ଭ ହୋଇଛି । ଫଳରେ ଅତିଷ୍ଠ ହୋଇପଡ଼ୁଛନ୍ତି ଗ୍ରାହକ । ଲେମ୍ବୁ ପରେ ହଠାତ୍‌ ଟମାଟୋ ଦର ଆକାଶ ଛୁଆଁ ହୋଇପଡ଼ିଛି । ଗତ କିଛିଦିନ ଦିନ ତଳେ ଟମାଟୋ କିଲୋ ପିଛା ୨୦-୩୦ ଟଙ୍କାରେ ବିକ୍ରି ହେଉଥିବା ବେଳେ ବର୍ତ୍ତମାନ ବରଗଡ଼ ଜିଲ୍ଲାର ବଜାର ଗୁଡିକରେ ୪୦ରୁ ୬୦ ଟଙ୍କାରେ ବିକ୍ରି ହେଉଛି ।

ସପ୍ତାହକ ମଧ୍ୟରେ ଟମାଟୋ ମୂଲ୍ୟ ପ୍ରାୟ ୩ ଗୁଣ ବୃଦ୍ଧି ପାଇଛି । ପ୍ରବଳ ଖରା ସମୟରେ ବିଶେଷ କରି ପଶ୍ଚିମ ଓଡ଼ିଶା ରେ ଏହାର ଚାହିଦା ଅଧିକ ଥିବା ବେଳେ ଦର ବୃଦ୍ଧି ସାଧାରଣ ଖାଉଟି ଙ୍କ ମଧ୍ୟରେ ହତାଶ ପ୍ରକାଶ ପାଉଛି। ତେବେ କିଛିଦିନ ତଳେ ଲେମ୍ବୁ ଦର ବୃଦ୍ଧି ପାଇଥିବା ବେଳେ ବର୍ତ୍ତମାନ ଟମାଟୋ ଦର ବଢିଥିବାରୁ ଗ୍ରାହକଙ୍କ ଚିନ୍ତା ବଢ଼ିଛି । ଏଥିପାଇଁ ଜିଲ୍ଲା ପ୍ରଶାସନ ଦୃଷ୍ଟି ଦେବାକୁ ଦାବି ହୋଇଛି ।