ଓଡ଼ିଶା ତାଜା ନ୍ୟୁଜ୍ /୦୪ ମଇ ବୁଧବାର /ବରଗଡ଼ :- ବରଗଡ ଜିଲ୍ଲାପାଳ ମୋନିଷା ବାନାର୍ଜୀଙ୍କ ଦ୍ୱାରା ଆହୁତ ବୈଠକରେ ବରଗଡ ଜିଲ୍ଲାରେ ଟାଟା ପାୱାର ଦ୍ୱାରା ଯୋଗାଉଥିବା ବିଦ୍ୟୁତସେବା ପ୍ରତି ଜନ ଅସନ୍ତୋଷ ସମ୍ବନ୍ଧରେ ସମସ୍ତପକ୍ଷଙ୍କୁ ନେଇ ଜିଲ୍ଲାପାଳଙ୍କ ସମ୍ମିଳନୀ କକ୍ଷରେ ଆଲୋଚନା ହୋଇଥିଲା । ଏହି ବୈଠକରେ ବରଗଡ ସାଂସଦ ଶ୍ରୀ ସୁରେଶ ପୂଜାରୀ, ବରଗଡ ବିଧାୟକ ଶ୍ରୀ ଦେବେଶ ଆଚାର୍ଯ୍ୟ, ଡେପୁଟି କଲେକ୍ଟର ଶ୍ରୀମତୀ ସୁମତି ପଣ୍ଡା, ପୋୖର ପରିଷଦ ଅଧ୍ୟକ୍ଷା ଶ୍ରୀମତୀ କଳ୍ପନା ମାଝୀ ଓ କାର୍ଯ୍ୟନିର୍ବାହୀ ଅଧିକାରୀ ଶ୍ରୀ ନାରାୟଣ ଦଣ୍ଡସେନା, ଟାଟା ପାୱାର ପକ୍ଷରୁ ଅଧୀକ୍ଷଣ ଯନ୍ତ୍ରୀ ଶ୍ରୀ ସୁରେନ୍ଦ୍ର ହୋତା, କାର୍ଯ୍ୟନିର୍ବାହୀ ଯନ୍ତ୍ରୀ ଶ୍ରୀ ସତ୍ୟବ୍ରତ ପଣ୍ଡା,
ଏକ ଦୀର୍ଘସୂତ୍ରୀ କାର୍ଯ୍ୟକ୍ରମ ଅନୁଯାୟୀ ଆସନ୍ତା ଦୁଇବର୍ଷ ମଧ୍ୟରେ ଆହୁରି ଉନ୍ନତସେବା ଯୋଗାଇ ଦିଆଯିବ ବୋଲି ସୂଚନା ଦେଇଥିଲେ । ବର୍ତ୍ତମାନର ଗ୍ରୀଷ୍ମଋତୁକୁ ଦୃଷ୍ଟିରେ ରଖି ଅତି ଜରୁରୀ ନ ହେଲେ ପାୱାରକଟକୁ ବନ୍ଦ କରାଯିବ ବୋଲି ମଧ୍ୟ କହିଥିଲେ । କିନ୍ତୁ, ବରଗଡ ଜିଲ୍ଲରେ ବିଦ୍ୟୁତ ବିଲ ଅନାଦାୟ ବହୁତ ବେଶି ହେଉଥିବାରୁ ସମସ୍ୟାକୁ ଜଟିଳ କରିଦେଉଛି । ହୁକିଂ, ମିଟର ଟେମ୍ପରିଂ, ଅନିୟମିତ ବିଲ ପେମେଣ୍ଟ ଯୋଗୁଁ କେବଳ ୩୦% ଆଦାୟ ହୋଇପାରୁଛି, ଯାହାକି ଉତ୍କୃଷ୍ଟ ସେବା ଯୋଗାଇବାରେ ପ୍ରତିବନ୍ଧକ ସାଜିଛି । ତେବେ ଆଗାମୀ ଦିନରେ ଟାଟା ପାୱାର ବିଦ୍ୟୁତ ଗ୍ରାହକମାନଙ୍କ ସମସ୍ୟା ସମ୍ପର୍କରେ ଅବଗତ ହୋଇ ତାର ନିରାକରଣ ପାଇଁ ବିଦ୍ୟୁତ ଉପଭୋକ୍ତା ସଂଘ ସହ ସମନ୍ୱୟ ରଖିବାକୁ ଆଗ୍ରହ ପ୍ରକାଶ କରିଛି ।
