ସାଂସଦ ଅପରାଜିତା ଷଢଙ୍ଗୀଙ୍କ ଦ୍ଵାରା ଆୟୋଜିତ  ସ୍ବାସ୍ଥ୍ୟମେଳାରେ ବସ୍ତି ବାସିନ୍ଦାଙ୍କୁ ସ୍ୱାସ୍ଥ୍ୟସେବା ଉପଲବ୍ଧ

ଓଡ଼ିଶା ତାଜା ନ୍ୟୁଜ୍ /୨୩ ଏପ୍ରିଲ ଶନିବାର / ଭୁବନେଶ୍ୱର :- ଭୁବନେଶ୍ୱର ସାତ ନମ୍ବର ୱାର୍ଡ ଶୈଳଶ୍ରୀ ବିହାର ଠାରେ ଆଜି ସାଂସଦ ଅପରାଜିତା ଷଢଙ୍ଗୀ ଉଦଘାଟନ କରିଛନ୍ତି ଏକ ସ୍ୱାସ୍ଥ୍ୟ ମେଳା ସ୍ଥାନୀୟ ବସ୍ତି ବାସିନ୍ଦଙ୍କ ପାଇଁ l ଅଜିତା ଏବଂ ସମର୍ଥ ନାମକ ଦୁଇଟି ସ୍ବେଚ୍ଛାସେବୀ ସଂଗଠନ ଏହା ମିଳିତ ଭାବେ ଆୟୋଜନ କରିଥିଲେ l ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପ୍ରେରଣାରେ ଉଦବୁଦ୍ଧ ହୋଇ ସାଂସଦ ଭୁବନେଶ୍ୱରର ବସ୍ତି ବାସିନ୍ଦାଙ୍କ ଉଦ୍ଦେଶ୍ୟରେ ଆରମ୍ଭ କରିଥିବା ସ୍ୱାସ୍ଥ୍ୟସେବାର ଏହା ହେଉଛି ପ୍ରଥମ ସ୍ୱାସ୍ଥ୍ୟ ମେଳା l

ଆଗାମୀ ଚାରିମାସ ମଧ୍ୟରେ ଏହିପରି ଚାଳିଶ ଟା ସ୍ୱାସ୍ଥ୍ୟ ଶିବିର ଆୟୋଜିତ ହେବ ବସ୍ତି ବାସିନ୍ଦାଙ୍କ ପାଇଁ l ଆପୋଲୋ ହସ୍ପିଟାଲ ବିଶେଷଜ୍ଞ ମାନେ ସ୍ୱାସ୍ଥ୍ୟ ପରୀକ୍ଷା କରିଥିଲେ l ସ୍ଵାସ୍ଥ୍ୟ ଭିଲା ବାରଙ୍ଗ ର ବିଶେଷଜ୍ଞ ମାନେ ପ୍ରାକୃତିକ ଉପାୟରେ ସ୍ୱାସ୍ଥ୍ୟ ସେବା ଯୋଗାଇ ଦେଇଥିଲେ l 

ଅଜିତା ସଂଗଠନ ତରଫରୁ ମୌସୁମୀ ମହାପାତ୍ର ଏବଂ ସମର୍ଥ ତରଫରୁ ଆଶୋକ ପଟ୍ଟନାୟକ ଏଥିରେ ମୁଖ୍ୟ ଭୂମିକା ଗ୍ରହଣ କରିଥିଲେ l କର୍ପୋରେଟର ଯଶୋଧାରା ପ୍ରଧାନଙ୍କ ସହଯୋଗ୍ ରେ ଆୟୋଜିତ ଏହି ସ୍ୱାସ୍ଥ୍ୟ ଶିବିରରେ ଅଜିତା ର ସାଧାରଣ ସମ୍ପାଦିକା ସଂଗୀତା ମାଝୀ,ସମର୍ଥ ର ସଭାପତି କାହୁଁ ଦାଶ,ସମ୍ପାଦକ କୁଳମଣି ବାବୁ,କୈଳାସ ବିହାର ଉନ୍ନୟନ ପରିଷଦ,ବିବେକାନନ୍ଦ ଶିକ୍ଷା କେନ୍ଦ୍ର ପରିଚାଳନା କମିଟି,

ଭୁବନେଶ୍ୱର ମେୟର ପ୍ରାର୍ଥୀନୀ ଡକ୍ଟର ସୁନୀତି ମୁଣ୍ଡ,ସ୍ଥାନୀୟ ଜନସାଧାରଣ ପ୍ରମୁଖ ଅଂଶ ଗ୍ରହଣ କରିଥିଲେ l ବିଶେଷ କରି ମହାବୀର ବସ୍ତି,ଶ୍ରୀକୃଷ୍ଣ ବସ୍ତି ଓ ବଜରଙ୍ଗ ବସ୍ତି ବାସିନ୍ଦାଙ୍କ ସହିତ ଶୈଳଶ୍ରୀ ବିହାର ଓ କୈଳାସ ବିହାର ବାସିନ୍ଦା ଉପକୃତ ହୋଇଥିଲେ l ସମସ୍ତେ ସାଂସଦ ଅପରାଜିତା ମାଡମ ଙ୍କ ଏଭଳି ସେବାକାର୍ଯ୍ୟର  ଭୂୟସୀ ପ୍ରଶଂସା କରିଥିଲେ l