ଓଡ଼ିଶା ତାଜା ନ୍ୟୁଜ୍ (୨୦ ଏପ୍ରିଲ ବୁଧବାର ) ବୈପାରିଗୁଡା :- ବୈପାରିଗୁଡା ଥାନା ଅଂଚଳର ବିଭିନ୍ନ ସ୍ଥାନରେ ପ୍ରତିଦିନ ଚୋରାରେ ବେଆଇନ ଭାବେ କୁକୁଡା ଲଢେଇ ଚାଲିଥିବା ବେଳେ କେତେକ ସ୍ଥାନରେ ବୈପାରିଗୁଡା ପୋଲିସ ପକ୍ଷରୁ ଏହି କୁକୁଡା ଗାଲି ଉପରେ ଚଢାଉ କରିଥିଲେ ମଧ୍ୟ ବୈପାରିଗୁଡା ଥାନାରେ ନୂତନ ଭାବେ ଯୋଗଦାନ କରିଥିବା ଡିଏସପି ପ୍ରୋବେସନ୍ ଶ୍ରୀ ବିରଂଚି ନାରାୟଣ ଜଗତ ଆସିବା ଦିନ ହିଁ ଏକ ବଡଧରଣର ସଫଳତା ହାସଲ କରିଥିବାର ଦେଖାଯାଇଛି ।
ପୋଲିସ ଠାରୁ ପାପ୍ତ ସୂଚନା ଅନୁସାରେ ଦୋରାଗୁଡା ଗ୍ରାମ ପାଖରେ ବେଆଇନ ଭାବେ କୁୁକୁଡା ଗାଲି ଚାଲିଥିବା ନେଇ ଖବର ମିଳିବା ପରେ ସେହି ସ୍ଥାନକୁ ଡିଏସପି ପ୍ରୋବେସନ୍ ଶ୍ରୀ ବିରଂଚି ନାରାୟଣ ଜଗତ ଓ ଥାନା ଆଇଆଇସି ଅଶ୍ୱିନୀ କୁମାର ପଟ୍ଟନାୟକ ଓ ପୋଲିସ କର୍ମଚାରୀ ମାନେ ହଠାତ ଘଟଣା ସ୍ଥଳ କୁ ଯାଇ କୁକୁଡା ଗାଲି ଉପରେ ଚଢାଉ କରିଥିବା ବେଳେ ପୋଲିସକୁ ଦେଖି କିଛି ଖେଳାଳି ଘଟଣା ସ୍ଥଳରୁ ଫେରାର ହୋଇଥିଲେ
ମଧ୍ୟ ଏହି ଘଟଣାରେ ୫ ଜଣଙ୍କୁ ପୋଲିସ ଗିରଫ କରିବାରେ ସକ୍ଷମ ହେବା ସହ କୁକୁଡା ଗାଲି ସ୍ଥାନରୁ ୧୧ ଟି ବାଇକ ଜବତ ସହିତ ନଗଦ ୫୧୫ ଟଙ୍କା ଜବତ କରାଯାଇଥିବା ନେଇ ସୂଚନା ପ୍ରଦାନ କରିଛନ୍ତି ଡିଏସପି ପ୍ରୋବେସନ୍ ଶ୍ରୀ ବିରଂଚି ନାରାୟଣ ଜଗତ । ଯଦି ଆଗାମୀ ଦିନ ରେ ଏହି ବେଆଇନ ଖେଳ ବନ୍ଦ ନ ହୁଏ ତେବେ କୁକୁଡା ଗାଲିକୁ ଯ୍ଧବ ଧରାପଡିଥିବା ଲୋକଙ୍କ ଉପରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି ।
