ଶ୍ରୀରଘୁନାଥ ଜନ୍ମନାରାୟଣ ବେଶରେ ଭକ୍ତଙ୍କୁ ଦର୍ଶନ

ଓଡ଼ିଶା ତାଜା ନ୍ୟୁଜ୍ (୧୦ ଏପ୍ରିଲ ରବିବାର ) ଓଡ଼ଗାଁ :- ଓଡଗାଁ ଶ୍ରୀରଘୁନାଥ ଜନ୍ମନାରାୟଣ ବେଶରେ ଭକ୍ତଙ୍କୁ ଦର୍ଶନ , ସୀତା ବିବାହ ଦିନ ସନ୍ଧ୍ୟା ୬ଟା ଠାରୁ ରାତି ୨ଟା ପର‌୍ୟ୍ୟନ୍ତ ଏବଂ ଅନ୍ୟ ଦିନ ମାନଙ୍କରେ ରାତି ୧୦ଟା ପର‌୍ୟ୍ୟନ୍ତ ସର୍ବ ସାଧାରଣ ଠାକୁରଙ୍କୁ ଦର୍ଶନ କରିପାରିବେ । ପ୍ରଭୁ ଶ୍ରୀରଘୁନାଥଙ୍କ ବନକଲାଗି ପରେ ଶନିବାରଦିନ ଚୈତ୍ର ଶୁକ୍ଳପକ୍ଷ ଅଶୋକାଷ୍ଟମୀ ତିଥିରେ ପ୍ରଭୁ ଶ୍ରୀରାମ, ମାତା ସୀତା ଓ ଅନୁଜ ଲକ୍ଷ୍ମଣଙ୍କ ନବଯୌବନ ବେଶ ଦିର୍ଘ ୨ବର୍ଷ ଅନ୍ତରରେ ଦର୍ଶନ କରି ଶ୍ରଦ୍ଧାଳୁମାନେ ପରମ ଆନନ୍ଦ ଲାଭ କରିଥିବା ଦେଖିବାକୁ ମିଳିଥିଲା ।

ଶ୍ରୀରାମଙ୍କ ଜନ୍ମ ବିଧାନ ଦର୍ଶନ ଆଶାରେ ଜିଲ୍ଲା ତଥା ରାଜ୍ୟ ବାହାରୁ ଆସିଥିବା ଉପାସକମାନେ ନବଯୌବନ ବେଶ ଦର୍ଶନ କରି ଏଠାରେ ରାତ୍ରି ଯାପନ କରିଥାନ୍ତି । ନବଦିନ ଯାତ୍ରା ପାଇଁ ଓଡ଼ଗାଁ ଚଳଚଞ୍ଚଳ ହୋଇଉଠିଥିବା ବେଳେ ରାତି ପାହିଲେ ଶ୍ରୀରାମ ଜନ୍ମ ବିଧାନ ନିତି ଆରମ୍ଭ ହେବ। ହଜାର ହଜାର ସଂଖ୍ୟାରେ ମାନସିକଧାରୀ ଏଠାରେ ପହଁଞ୍ଚିବା ପରେ କିଛିସମୟ ପାଇଁ ଏକ ଆଧ୍ୟାତ୍ମିକ ପରିବେଶ ସୃଷ୍ଟିହେବ । ମାନସିକ ଧାରୀଙ୍କ ସମାଗମକୁ ଲକ୍ଷ୍ୟକରି ମନ୍ଦିର ପ୍ରଶାସନ ତରଫରୁ ସମସ୍ତ ପ୍ରକାର ପ୍ରାକ ପଦକ୍ଷେପ ଗ୍ରହଣ କରାଯାଇଛି ।

ସକାଳ ୫ ଘଟିକା ସମୟରେ ମଙ୍ଗଳ ଆଳତି ୭ଟାରେ ବଲଭ ଭୋଗ, ୮.୩୦ରେ ସକାଳ ଧୂପ ପରେ ୧୦ ୩୦ ମିନିଟ ଠାରୁ ରାମ ଜନ୍ମ କର୍ମାଙ୍ଗ ଆରମ୍ଭ ହୋଇ ଅନ୍ୟାନ୍ୟ ନିତି କାର‌୍ୟ୍ୟ ସମ୍ପାଦନ କରାଯାଇ ଅପରାହ୍ନ ୩ଟା ବେଳେ ମନ୍ଦିର ବନ୍ଦ ରହିବ । ଏବଂ ଜନ୍ମ ବିଧାନ ପ୍ରଥମ ସନ୍ଧ୍ୟାରେ ଶ୍ରୀରଘୁନାଥ ଜନ୍ମନାରାୟଣ ବେଶରେ ଭକ୍ତଙ୍କୁ ଦର୍ଶନ ଦେବେ ।

ସୀତା ବିବାହ ଦିନ ସନ୍ଧ୍ୟା ୬ଟା ଠାରୁ ରାତି ୨ଟା ପର‌୍ୟ୍ୟନ୍ତ ଏବଂ ଅନ୍ୟ ଦିନ ମାନଙ୍କରେ ରାତି ୧୦ଟା ପର‌୍ୟ୍ୟନ୍ତ ସର୍ବ ସାଧାରଣ ଠାକୁରଙ୍କୁ ଦର୍ଶନ କରିପାରିବେ । ସ୍ବାସ୍ଥ୍ୟ, ଅଗ୍ନିଶମ ସେବା, ପାନୀୟ ଜଳ ଯୋଗାଣ, ସୁରକ୍ଷା ଓ ପରିମଳ ବିଭାଗ ଏବଂ ଓଡ଼ଗାଁ ଏନଏସି ତରଫରୁ ଜରୁରୀ କାଳିନ ସୁବିଧା ପହଁଚାଇବା ପାଇଁ ସମସ୍ତ ବ୍ୟବସ୍ଥା କରାଯାଇଛି ।