ସରସ୍ଵତୀ ଶିଶୁ ମନ୍ଦିର ରୁପ୍ରାରୋଡ ଠାରେ ବିଦ୍ୟାରମ୍ଭ ଦିବସରେ ଗାୟତ୍ରୀ ହୋମଯଜ୍ଞ

ଓଡ଼ିଶା ତାଜା ନ୍ୟୁଜ୍ (୧ ଏପ୍ରିଲ ଶୁକ୍ରବାର ) କଳାହାଣ୍ଡି :- ନର୍ଲା ବ୍ଳକ ସ୍ଥିତ ସରସ୍ବତୀ ଶିଶୁ ମନ୍ଦିର ରୁପ୍ରାରୋଡ ଠାରେ ଅପ୍ରେଲ ୧ ତାରିଖ ଶିକ୍ଷା ବର୍ଷ ୨୦୨୨-୨୩ର ବିଦ୍ୟାରମ୍ଭ ଦିବସ ପାଳିତ ହୋଇଯାଇଛି । ଏଥିପାଇଁ ବିଦ୍ୟାଳୟ ପରିସରରେ ମା ସରସ୍ବତୀ ଓ ଗାୟତ୍ରୀ ମାତାଙ୍କ ମନ୍ତ୍ରପାଠ ସହ ହୋମଯଜ୍ଞ ହୋଇଥିଲା । ପ୍ରଧାନ ଆଚାର୍ଯ୍ୟ ଦାଶରଥି ପଣ୍ଡାଙ୍କ ତତ୍ବାବଧାନରେ ଅନୁଷ୍ଠିତ କାର୍ଯ୍ୟକ୍ରମରେ ରୁପ୍ରାରୋଡ ଗାୟତ୍ରୀ ପରିବାରର ମୋହନ ପୁଟେଲ,ଶ୍ୟାମ ସୁନ୍ଦର ମାଝୀ ପ୍ରମୁଖ ଗାୟତ୍ରୀ ମହାମନ୍ତ୍ର ଜପ ଓ ହୋମ କାର୍ଯ୍ୟ ତୁଲାଇଥିଲେ ।

ବିଦ୍ୟାଳୟ ସଂପାଦକ ସଞ୍ଜିବ କୁମାର ଦାସ ଓ ତାଙ୍କ ଧର୍ମପତ୍ନୀ ସହ ବିଦ୍ୟାଳୟର ସଭାପତି ଘନଶ୍ୟାମ ଭୋଇ, ସଦସ୍ୟା ବାସନ୍ତୀ ତ୍ରିପାଠୀ ପ୍ରମୁଖ ଯଜ୍ଞ ସ୍ଥଳରେ ଉପସ୍ଥିତ ରହି ଆହୂତି ପ୍ରଦାନ କରିଥିଲେ। ବିଦ୍ୟାଳୟର ସମସ୍ତ ଭାଇ, ଭଉଣୀ ମାନଙ୍କ ଦ୍ଵାରା ପୁଷ୍ପାଞ୍ଜଳି ଓ ଗାୟତ୍ରୀ ମହାମନ୍ତ୍ର ଉଚ୍ଚାରଣ କରାଯାଇଥିଲା । ଏହି କାର୍ଯ୍ୟକ୍ରମରେ ଗୁରୁଜୀ,ଗୁରୁମା, ସେବକ ଓ ସେବିକା ସହଯୋଗ ପ୍ରଦାନ କରିଥିଲେ ।