ଓଡ଼ିଶା ତାଜା ନ୍ୟୁଜ୍ (୨୨ ଫେବ୍ରୁଆରୀ ମଙ୍ଗଳବାର) କୋରାଇ :- କୋରାଇ ବ୍ଲକର ୪୦୮ବୁଥ ମଧ୍ୟରୁ ୪୦୪ଟି ବୁଥରେ ହୋଇଛି ଭୋଟ । ଗଣ୍ଡଗୋଳଯୋଗୁ ଗୋଳେଇପୁର ପଂଚାୟତର ୪ଟି (୮, ୯, ୧୦ ଓ ୧୧ନଂ)ବୁଥ ହୋଇ ପରିନି ଭୋଟ । ସେଠାରେ ଆସନ୍ତ ୨୫ତାରିଖ ପୁନଃ ମତଦାନ ହେବ ବୋଲି ନିର୍ବାଚନ ଅଧିକାରୀ ସୂଚନା ଦେଇଛନ୍ତି । ଅବଶିଷ୍ଟ ୪୦୪ଟି ବୁଥରେ ହୋଇଥିବା ଭୋଟର ପୂୁଲିଂବାକ୍ସ ଗୁଡିକୁ କୋରାଇ ସ୍ଥିତ କାହ୍ନୁଚରଣ ମହାବିଦ୍ୟାଳୟ ଠାରେ ହୋଇଥିବା ଷ୍ଟ୍ରଙ୍ଗରୁମରେ ରଖାଯାଇଛି । ଅନୁଷ୍ଠିତ ନିର୍ବାଚନରେ ୧ଲକ୍ଷ ୧ହଜାର ୮୬ଜଣ ଭୋଟ ଦେଇଥିଲା ବେଳେ ୮୨ପ୍ରତିଶତ ଭୋଟିଂ ହୋଇଛି । ଏଥିରେ ୯୦୮ଜଣଙ୍କର ଭାଗ୍ୟ ଭୋଟିଂ ବାକ୍ସ ଭିତରେ ସିଲହୋଇ ରହିଛି ।
ପୂର୍ବନିର୍ବାଚନ ପରି ତାହା ଭୋଟ କେନ୍ଦ୍ରରେ ଗଣନଯାଇ ବ୍ଲକ ଦ୍ୱାରା ନିର୍ମାଣ କରାଯାଇଥିବା ଭୋଟ ପରିଚାଳନା କେନ୍ଦ୍ର କୋରାଇ ସ୍ଥିତ କାହ୍ନୁଚରଣ ମହାବିଦ୍ୟାଳୟକୁ ଅଣାଯାଇ ଷ୍ଟ୍ରଙ୍ଗରୁମରେ ତାଲାପଡି ୨୦ତାରିଖଠାରୁ ରହିଛି । ଏଠାରେ ଭୋଟ ବ୍ୟତୀକ୍ରମ ଆଂଶଙ୍କାରେ ସବୁଦଳର ପ୍ରାର୍ଥୀଙ୍କ ସମେତ ମାଳମାଳ ନେତା ଓ ଦଳଦଳ କର୍ମୀ ଷ୍ଟ୍ରଙ୍ଗରୁମ ସ୧ୁଖରେ ଉଜାଗର ରହିଛନ୍ତି । ଏଥି ନିମନ୍ତେ ବ୍ୟାପକ ପୁଲିସ ମୁତୟନ କରାଯାଇଥିବା ସତ୍ୱେ ସମସ୍ତଙ୍କ ସନ୍ଦେହ ଦୂରିଭୁତ କରିବା ପାଇଁ ନିର୍ବାଚନ ଅଧିକାରୀ ରଞ୍ଜନ କୁମାର ପରିଡା ଅଭିନବ ଉପାୟ ଅବଲମ୍ବନ କରିଛନ୍ତି ।
ଯାହାକି ତାଲାପଡିଥିବା ଷ୍ଟ୍ରଙ୍ଗରୁମ ଭିତରେ ଓ ବାହାରେ ଲାଗିଥିବା ସିସି କ୍ୟାମେରର ଡିସପ୍ଲେ ବୋର୍ଡ ଆଣି ବାହାରେ ସମସ୍ତେ ଦେଖିପାରିବା ନିମନ୍ତେ ଲଗାଇଛନ୍ତି । ତାଙ୍କର ଏପରି ସ୍ୱଚ୍ଛତା କାର୍ଯ୍ୟପାଇଁ ସାଧାରଣରେ ପ୍ରଶଂସା କରାଯାଇଛି । ଅନ୍ୟପକ୍ଷରେ ଏହି ଷ୍ଟ୍ରରୁମର ତାଲା ଆସନ୍ତା ୨୬ତାରିଖ ପୂର୍ବାହ୍ଣ ୮ଟାରୁ ଖୋଲା ହୋଇ ଗଣତି ଆରମ୍ଭ ହେବ ।
୩ଦିନ ବ୍ୟାପୀ ଗଣତି ହେବାକୁ ଥିବା ଭୋଟ ୨୬ତାରିଖରେ ୧ନମ୍ବର ଜୋନର ସମସ୍ତ ୧୦ଟିଯାଙ୍କ ପଂଚାୟତର ୧୩୪ଟି ବୁଥର ଭୋଟ ଗଣତି କରାଯିବ । ସେହିପରି ୨୭ତାରିଖ ୨ନମ୍ବର ଜୋନର ସମସ୍ତ ୯ଟି ପଂଚାୟତର ୧୩୩ଟିବୁଥ ଓ ୨୮ତାରିଖରେ ୩ନମ୍ବର ଜୋନର ସମସ୍ତ ୯ଟିପଂଚାୟତର ୧୪୧ଟି ବୁଥର ଭୋଟ ଗଣତି କରାଯିବ ବୋଲି ନିର୍ବାଚନ ଅଧିକାରୀ ବିଡିଓ ଶ୍ରୀ ପରିଡା ସୂଚନା ଦେଇଛନ୍ତି ।
