ହିଞ୍ଜିଳିକାଟୁ ,ରିପୋର୍ଟ /ଶେଷଦେବ ସାହୁ ( ଓଡିଶା ତାଜା ନ୍ୟୁଜ୍ ) ବ୍ୟବସାୟୀ ବଣିକ ସଂଘ ସହ ପୌର ନିର୍ବାହୀ ଅଧିକାରୀଙ୍କ ସହ ଆଲୋଚନା,୬ ମଇ, ବୁଧବାର :- ସମଗ୍ର ବିଶ୍ୱରେ ମହାମାରୀ କରୋନା ଭୁତାଣୁ ସଂକ୍ରମଣ କାୟା ବିସ୍ତାର କରିବାରେ ଲାଗିଛି । ଏହାକୁ ରୋକିବା ଲାଗି ସରକାର ତୃତୀୟ ପର୍ଯ୍ୟାୟରେ ଆସନ୍ତା ମେ ୧୭ ତାରିଖ ପର୍ଯ୍ୟନ୍ତ ଲକଡ଼ାଉନ ଘୋଷଣା କରିଛନ୍ତି । ତୃତୀୟ ପର୍ଯ୍ୟାୟ ଲକଡ଼ାଉନ ଗୋଷଣା ପରେ ସାରା ଦେଶକୁ ସରକାର ୩ଟି ଜୋନରେ ବିଭକ୍ତ କରିଛନ୍ତି ଯଥା ଗ୍ରୀନ୍, ଅରେଞ୍ଜ ଓ ରେଡ଼୍ । କେଉଁ ଜୋନରେ କେଉଁ କେଉଁ ବ୍ୟବସାୟିକ ଅନୁଷ୍ଠାନ କେତେ ସମୟ ସକାଶେ ଖୋଲିବ ସେ ନେଇ ବିଜ୍ଞପ୍ତି ଜାରୀ କରିଛନ୍ତି । ଗଞ୍ଜାମ ଜିଲ୍ଲାକୁ ଅରେଞ୍ଜ ଜୋନ ଘୋଷଣା କରାଯାଇଥବା ବେଳେ ହିଞ୍ଜିଳିକାଟୁ ଅଂଚଳର ବ୍ୟବସାୟୀ ମାନେ କେତେ ସମୟ ଲାଗି ନିଜ ନିଜର ବ୍ୟବସାୟିକ ପ୍ରତିଷ୍ଠାନ ଖୋଲା ରଖିବେ, ସେ ନେଇ ଦ୍ୱନ୍ଦରେ ରହିଛନ୍ତି ।
ଲକଡ଼ାଉନର ୨ୟ ପର୍ଯ୍ୟାୟ ମେ ୩ ତାରିଖରେ ଶେଷ ହେବା ପରେ ସ୍ଥାନୀୟ ପ୍ରଶାସନିକ ଅଧିକାରୀଙ୍କପକ୍ଷରୁ କୌଣସି ସୂଚନା ପ୍ରଦାନ କରାନଯିବା ଯୋଗୁଁ ସ୍ଥାନୀୟ ପୌରାଂଚଳ ସମେତ ବ୍ଳକର ବିଭିନ୍ନ ଗ୍ରାମାଂଚଳ ଗୁଡ଼ିକର ବ୍ୟବସାୟିକ ପ୍ରତିଷ୍ଠାନ ଗୁଡ଼ିକ ପୂର୍ବଭଳି ପ୍ରତ୍ୟେହ ସକାଳ ୭ଟାରୁ ମଧ୍ୟାନ୍ନ ୧୨ଟା ପର୍ଯ୍ୟନ୍ତ ଖୋଲା ରଖୁଛନ୍ତି । ମଧାନ୍ନ ୧୨ଟା ପରେ ସହର ଶୂନଶାନ ହେବା ସହ ସମସ୍ତ ବ୍ୟବସାୟିକ ଅନୁଷ୍ଠାନ ମଧ୍ୟ ବନ୍ଦ ରହୁଛି । ବ୍ୟବସାୟିକ ପ୍ରତିଷ୍ଠାନର ମାଲିକ ମାନେ ଦୋକାନ ଖୋଲିବା ସମୟ ସାରଣୀକୁ ନେଇ ଦ୍ୱନ୍ଦରେ ରହିଛନ୍ତି ।
ପୂର୍ବଭଳି ବ୍ୟବସାୟିକ ପ୍ରତିଷ୍ଠାନ ଗୁଡ଼ିକ ସକାଳ ୭ଟାରୁ ୧୨ ଟା ପର୍ଯ୍ୟନ୍ତ ଖୋଲା ରହିବ ନା ସରକାରଙ୍କ ନିର୍ଦ୍ଦେଶ ମୁତାବକ ସକାଳ ୭ଟାରୁ ସନ୍ଧ୍ୟା ୭ଟା ଯାଏଁ ଖୋଲା ରହିବ ସେ ନେଇ ଦ୍ୱନ୍ଦରେ ରହିଥିଲେ । ଏ ନେଇ ମଙ୍ଗଳବାର ସନ୍ଧ୍ୟାରେ ସ୍ଥାନୀୟ ଲକ୍ଷ୍ମୀ ନୃସିଂହ ବଣିକ ସଂଘର କର୍ମକର୍ତା ମାନେ ଏ ନେଇ ପୌର ପରିଷଦର କାର୍ଯ୍ୟ ନିର୍ବାହୀ ଅଧିକାରୀ ଡ଼ଃ. ମନୋରଞ୍ଜନ ସାହୁଙ୍କୁ ସାକ୍ଷାତ କରି ଆଲୋଚନା କରିଥିଲେ । ଆଲୋଚନାରେ ବଣିକ ସଂଘ ସଭାପତି ନୃସିଂହ ପ୍ରସାଦ ପଟ୍ଟନାୟକ, କୃଷ୍ଣ ନାୟକ, ଟି. ରାମଶ୍ୱେର ପାତ୍ର, ପ୍ରମୋଦ ମହାପାତ୍ର, ଯୁଗଳ କିଶୋର ପଣ୍ଡା, ଇ.ରାମାରାଓ ପାତ୍ର ପ୍ରମୁଖ ଅଂଶ ଗ୍ରହଣ କରିଥିଲେ ।