ଓଡ଼ିଶା ତାଜା ନ୍ୟୁଜ୍ (୨୧ ଡିସେମ୍ବର ମଙ୍ଗଳବାର ) ପାରଳାଖେମୁଣ୍ଡି :- ଶିଶୁ ମାନଙ୍କ ସର୍ବାଙ୍ଗୀନ ସୁରକ୍ଷା ପାଇଁ ଜିଲ୍ଲା ପ୍ରଶାସନ ପକ୍ଷରୁ ଆରମ୍ଭ ହୋଇଛି ଅଭିଯାନ ”ପ୍ରତିଜ୍ଞା”ଏହି ଅବସରରେ ପାରଳାଖେମୁଣ୍ଡି ସ୍ଥିତ ଜିଲ୍ଲାପାଳଙ୍କ ସମ୍ମିଳନୀ କକ୍ଷ ଠାରେ ଶିଶୁ ଅଧିକାର ଓ ସୁରକ୍ଷାକୁ ସୁନିଶ୍ଚିତ କରିବା ନିମନ୍ତେ ଜିଲ୍ଲା ଓ ବ୍ଲକ ସ୍ତରର କିଶୋରୀ ବାଳିକା ଏନସିସି , ଏନଏସଏସ ଓ ୟୁଥ ରେଡକ୍ରସ ବାଳିକା ସ୍ବେଛାସେବୀ ମାନଙ୍କ ସମେତ ଅନ୍ୟାନ୍ୟ କାର୍ଯ୍ୟକର୍ତ୍ତାଙ୍କୁ ନେଇ ଗଜପତି ଜିଲ୍ଲା ଶିଶୁ ସୁରକ୍ଷା ୟୁନିଟ ପକ୍ଷରୁ ଜିଲ୍ଲାସ୍ତରୀୟ ଏକ ତାଲିମ ଶିବିର କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଶିବିର କାର୍ଯ୍ୟକ୍ରମରେ ମାଲକାନଗିରିରୁ ଆସିଥିବା “ବଡ-ଦିଦି” ଫାଉଣ୍ଡର ଭଲିଣ୍ଟୀୟର ଗ୍ରୁପର ଜୟନ୍ତୀ ବୁରୁଦାଙ୍କ ସମେତ ସିଡିପିଓ ତେରେସ୍କୋଭା ମଲ୍ଲିକ ,ସିଡିପିଓ କନକଲତା ପୂଜାରୀ , ୟୁଏନଏଫପିଏ:ର ଜିଲ୍ଲା କନସୁଲଟଣ୍ଟ ସଂଯୁକ୍ତା ତ୍ରିପାଠୀ ଏବଂ ଏକ୍ସନ-ଏଡ଼ର ଜିଲ୍ଲା ସଂଯୋଜକ ଶ୍ରୀ ବିକାଶ ମେହେର ପ୍ରମୁଖ ମଞ୍ଚଆସିନ ରହି ଶିଶୁ ମାନଙ୍କ ଅଧିକାର ଓ ସୁରକ୍ଷା ପାଇଁ ସମସ୍ତଙ୍କ ସହଯୋଗ ରହି ଏ ଦିଗରେ ଆଗେଇ ଆସିଲେ ଶିଶୁମାନଙ୍କ ପକ୍ଷେ ନିର୍ୟ୍ୟାତନା ମୁକ୍ତ ସହ ଏକ ସୁସ୍ଥ ସମାଜ ଗଠନ ହୋଇପାରିବ ବୋଲି କହିଥିଲେ ।
ଶିଶୁ ସୁରକ୍ଷା ଓ ଅଧିକାରର ବିଭିନ୍ନ ଦିଗ ସମ୍ପର୍କରେ କିଶୋରୀ ବାଳିକା , ଏନଏସଏସ , ଏନସିସି ଓ ଯୁବ ରେଡକ୍ରସ ସ୍ବେଛାସେବୀ ମାନଙ୍କୁ ତାଲିମ ଦିଆ ଯାଇଥିଲା କାର୍ଯ୍ୟକ୍ରମରେ ଶିଶୁ ଅଧିକାର ଓ ସୁରକ୍ଷା ଦିଗରେ କାର୍ଯ୍ୟ କରୁଥିବା କିଶୋରୀ ବାଳିକା , ଯୁବତୀ ଓ ମହିଳା ମାନେସେମାନଙ୍କ
ଅନୁଭୂତି ସମ୍ପର୍କରେ କହିଥିଲେ । ସେହିଭଳି ଜିଲ୍ଲାପାଳ ଶ୍ରୀ ଲିଙ୍ଗରାଜ ପଣ୍ଡାଙ୍କ ଅଧ୍ୟକ୍ଷତାରେ ଜିଲ୍ଲାର କିଶୋରୀ ବାଳିକାଙ୍କ ଦ୍ଵାରା ଶିଶୁ ଅଧିକାର ଓ ସୁରକ୍ଷା ପାଇଁ ଜିଲ୍ଲା ସ୍ତରରେ ଆରମ୍ଭ ହେବାକୁ ଥିବା ସ୍ୱତନ୍ତ୍ର କାର୍ଯ୍ୟକ୍ରମ “ପ୍ରତିଜ୍ଞା” ର ଶୁଭ ଉଦଘାଟନ ହୋଇଥିଲା । ଜିଲ୍ଲାପାଳ ଶ୍ରୀ ଲିଙ୍ଗରାଜ ପଣ୍ଡା ଶିଶୁ ଅଧିକାର ଓ ସୁରକ୍ଷା ଦିଗରେ ଜିଲ୍ଲାବ୍ୟାପୀ ଆରମ୍ଭ ହୋଇଥିବା ଅଭିଯାନ “ପ୍ରତିଜ୍ଞା” ର ଶୁଭ ଉଦଘାଟନ କରିଥିଲେ ।
ଏ ସମ୍ପର୍କରେ ଜିଲ୍ଲାପାଳ ଶ୍ରୀ ପଣ୍ଡା କହିଥିଲେ , ଜିଲ୍ଲାରେ ଶିଶୁ ଅଧିକାର ଓ ସୁରକ୍ଷା’କୁ ସୁନିଶ୍ଚିତ କରିବା ପାଇଁ ଜିଲ୍ଲାରୁ ଶିଶୁ ଶ୍ରମିକ ମୁକ୍ତ କରିବା ସହ ଜିଲ୍ଲାକୁ ସମ୍ପୂର୍ଣ୍ଣ ଭାବେ ବାଲ୍ୟ ବିବାହ ମୁକ୍ତ କରିବା , ଜିଲ୍ଲାରେ କେହି ହେଲେ ଶିଶୁ ଶିକ୍ଷାରୁ ବଂଚିତ ହେବେ ନାହିଁ , କୋଣସି ଶିଶୁ ଯେଭଳି ଯୌନ ନିର୍ୟାତନାର ଶିକାର ହେବେ ନାହିଁ , ଶିଶୁ ଚାଲାଣରୁ ମୁକ୍ତ କରିବା , ଜିଲ୍ଲାର ଶେଷ ଶିଶୁ ପାଖରେ ଶିଶୁ ଅଧିକାର ଓ ସୁରକ୍ଷାର ବାର୍ତ୍ତା ପହଞ୍ଚାଇବା ଏବଂ ଯତ୍ନ ଓ ସୁରକ୍ଷା ଆବଶ୍ୟକ କରୁଥିବା ଶିଶୁ’ଙ୍କୁ ଥଇଥାନ କରିବା ଏଭଳି ଅଭିଯାନ “ପ୍ରତିଜ୍ଞା” କାର୍ଯ୍ୟକ୍ରମର ମୁଖ୍ୟ ଉଦ୍ଦେଶ୍ୟ ରହିଛି ବୋଲି କହିଥିଲେ ।
ଅନ୍ୟପକ୍ଷରେ କାର୍ଯ୍ୟକ୍ରମର ଆବଶ୍ୟକତାକୁ ଗଜପତି ଜିଲ୍ଲାର କିଶୋରୀ ବାଳିକାଙ୍କ ମଧ୍ୟରେ ପ୍ରତିଫଳିତ କରିବା ପାଇଁ ଗତ ୩ ଦିନ ଧରି ସୁଦୂର ମାଲକାନଗିରିରୁ ଆସିଥିବା”ବଡ଼-ଦିଦି” ଫାଉଣ୍ଡର କାର୍ଯ୍ୟକ୍ରମର ସ୍ବେଛାସେବୀ ମାନେ ୭ ଗୋଟି ବ୍ଲକର କିଶୋରୀ ବାଳିକାଙ୍କ ସମେତ ଏନଏସଏସ , ଏନସିସି ଓ ୟୁଥ ରେଡକ୍ରସର ବାଳିକା ସ୍ବେଛାସେବୀ ମାନଙ୍କୁ ଶିଶୁ ସୁରକ୍ଷା ଓ ଅଧିକାର’ର ବିଭିନ୍ନ ଦିଗ ଉପରେ ତାଲିମ ପ୍ରଦାନ କରି ନିଜର ଅନୁଭୂତି ବାଣ୍ଟିଥିଲେ ।
କାର୍ଯ୍ୟକ୍ରମ ପ୍ରାରମ୍ଭରେ ଡିସିପିୟୁ ଶ୍ରୀ ଅରୁଣ କୁମାର ତ୍ରିପାଠୀ କାର୍ଯ୍ୟକ୍ରମର ତାତ୍ପର୍ଯ୍ୟ ସମ୍ପର୍କରେ ପ୍ରାରମ୍ଭିକ ସୂଚନା ପ୍ରଦାନ କରିଥିଲେ ଏହି କାର୍ଯ୍ୟକ୍ରମରେ ବହୁ ସଂଖ୍ୟାରେ ବାଲ୍ୟ ବିବାହ ପ୍ରତିରୋଧ ମଞ୍ଚର କର୍ମକର୍ତ୍ତାଙ୍କ ସମେତ ଯୁବ-ଗୋଷ୍ଟି.ଏସଏଚଜିମହିଳା, ମହାବିଦ୍ୟାଳରଏନଏସଏସ, ଏନସିସି ଓୟୁଥ ରେଡକ୍ରସର ସ୍ବେଛା ସେବୀ ,କିଶୋରୀବାଳିକା ,ଶିଶୁବିକାଶପ୍ରକଳ୍ପର ସୁପରଭାଇଜର ଓ ସିଡିପିଓ , ଶିଶୁ ସୁରକ୍ଷା ଓ ମଙ୍ଗଳ ବିଭାଗ କର୍ମକର୍ତ୍ତା ପ୍ରମୁଖ ଯୋଗଦେଇ ଆଲୋଚନାରେ ଅଂଶଗ୍ରହଣ କରିଥିଲେ ଏହି କାର୍ଯ୍ୟକ୍ରମ ଅବସରରେ ମାଲକାନଗିରିରୁ ଆସିଥିବା “ବଡ-ଡିଦି” ଫାଉଣ୍ଡର ଗ୍ରୁପର ସଦସ୍ୟା ସୁଶ୍ରୀ ଜୟନ୍ତୀ ବୁରୁଦାଙ୍କ ସମେତ ସୁଶ୍ରୀ ଭବାନୀ ହରିଜନ ଓ ସୁଶ୍ରୀ ଜ୍ୟୋତିର୍ମୟୀ ଖରାଙ୍କୁ ଜିଲ୍ଲା ପ୍ରଶାସନ ପକ୍ଷରୁ “ପ୍ରତିଜ୍ଞା” ଅଭିଯାନର କିଶୋରୀ ବାଳିକା ମାନଙ୍କ ଦ୍ୱାରା ଉପଢୌକନ ଦେଇ ସମ୍ମାନିତ କରା ଯାଇଥିଲା
