ଓଡ଼ିଶା ତାଜା ନ୍ୟୁଜ୍ (୧୯ ଡିସେମ୍ବର ରବିବାର) କଳାହାଣ୍ଡି :- ନର୍ଲା ଶିଶୁ ମନ୍ଦିର ଛକ ନିକଟରେ ନୂତନ ଭାବରେ ଗଢ଼ି ଉଠିଥିବା ବିନାୟକ ନଗରର ସମୀର ଗନ୍ତାୟତଙ୍କ ଘରୁ ଚୋରି ହୋଇଥିବା ଜଣାପଡିଛି । ପ୍ରାପ୍ତ ସୂଚନା ଆଧାରରେ ଶ୍ରୀ ଗନ୍ତାୟତ ବିନାୟକ ନଗରରେ ଥିବା ନିଜ ଘରକୁ ତାଲା ପକାଇ ପାଞ୍ଚ ଦିନ ତଳେ ଦୁଇଝିଅ ଓ ପତ୍ନୀଙ୍କ ସହ କଟକ ଯାଇଥିଲେ । ଶନିବାର ଦିନ କଟକରୁ ଫେରିବା ପରେ ଦିନ ୧୧ଘଣ୍ଟା ସମୟରେ ଘରେ ପହଞ୍ଚିବା ପରେ ତାଙ୍କ ଘରର ୬ଟି ତାଲା ଭାଙ୍ଗି ଚୋରମାନେ ସବୁ ଲୁଟି ନେଇଥିବା ଦେଖିବାକୁ ପାଇ ହତବାକ ହୋଇଥିଲେ ।
ଚୋରମାନେ ଘରର ସମସ୍ତ ଆଲମାରୀ ଭାଙ୍ଗି ୨ ଭରି ସୁନା, ୧୨ ହଜାର ଟଙ୍କା ସହ ଘରର ଦରକାରୀ କାଗଜପତ୍ର ଚୋରି କରି ନେଇଥିବା ଜଣାପଡିଛି । ଏବାବଦରେ ଶ୍ରୀ ଗନ୍ତାୟତ ନର୍ଲା ଥାନାରେ ଅଭିଯୋଗ କରିଛନ୍ତି । କେଶ୍ ନମ୍ୱର ୨୫୯/୨୧ ଆଇପିସି ୪୫୭, ୩୮୦ରେ ଏକ ମାମଲା ରୁଜୁ କରିବା ସହ ତଦନ୍ତକାରୀ ପୁଲିସ୍ ଅଫିସର ତଥା ନର୍ଲା ଥାନାଧିକାରୀ ରେଣୁକା ସୁନା ଏହି ମାମଲା ହାତକୁ ନେଇ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।
