ଓଡ଼ିଶା ତାଜା ନ୍ୟୁଜ୍ (୧୦ ଡିସେମ୍ବର ଶୁକ୍ରବାର ) ଭୁବନେଶ୍ୱର :- ଆଜି ପୁଣି ରଣାଙ୍ଗନରେ ପରିଣତ ହେଲା ମାଷ୍ଟର କ୍ୟାଣ୍ଟିନ ଏରିଆ । ଗତକାଲି ବିଧାନସଭା ଆଗ ଥିଲା ରଣାଙ୍ଗନ । ଗତକାଲି ବିଜେପି ଯୁବମୋର୍ଚ୍ଚା ତରଫରୁ ବିଧାନସଭା ଘେରାଉ ଉଦ୍ୟମ କରି ମାଷ୍ଟର କ୍ୟାଣ୍ଟିନ ପଟରୁ ପିଏମଜି ଛକ ଆଡ଼କୁ ମାଡ଼ି ଆସିଥିଲେ । ମମିତା ମୃତ୍ୟୁକୁ ନେଇ ମନ୍ତ୍ରୀ ଦିବ୍ୟ ଶଙ୍କର ମିଶ୍ରଙ୍କ ଇସ୍ତଫା ଦାବି କରି ବିଜେପି ଯୁବମୋର୍ଚ୍ଚା ସଭାପତି ଇରାସିସ ଆଚାର୍ଯ୍ୟଙ୍କ ଡାକରାରେ ହଜାର ହଜାର ସଂଖ୍ୟାରେ ଜନସମାଗମ ହୋଇଥିଲା ।
ମାତ୍ର ବିଜେପି ଯୁବମୋର୍ଚ୍ଚା ପକ୍ଷରୁ ଧସେଇ ପଶିବା ବେଳେ ପୋଲିସ ପକ୍ଷରୁ ପ୍ରୋଟେଷ୍ଟ କରାଯାଇଥିଲା । ଏହାର ପ୍ରତିବାଦରେ ପୋଲିସ ଉପରକୁ ଢେଲା ପଥର ମାଡ଼ କରାଯାଇଥିଲା । ଏଥିରେ ସାମ୍ବାଦିକ ଓ ପୋଲିସଙ୍କର ମୁଣ୍ଡ ଫାଟି ଆହତ ହୋଇଥିଲେ । ଯାହାର ତଦନ୍ତ ଚାଲିଛି ବୋଲି ଡିସିପି ଉମାଶଙ୍କର ଦାସ କହିଛନ୍ତି । ଆଜି ପୁଣି ଏହାର ପୁନରାବୃତ୍ତି ହୋଇଛି । ଆଜି ପୁଣି ଛାତ୍ର କ°ଗ୍ରେସ ତରଫରୁ ବିଧାନସଭା ଘେରାଉ କରାଯିବା ପାଇଁ ବିକ୍ଷୋଭ ପ୍ରଦର୍ଶନ କରିଛନ୍ତି ।
ଯେଉଁଥିରେ ପୁଣି ସେହି ବର୍ବୋରଚିତ କାର୍ଯ୍ୟ ହୋଇ ପୁଲିସ ମାତ୍ରାଧିକ କାର୍ଯ୍ୟାନୁଷ୍ଠାନ ଗ୍ରହଣ କରିବା ସହିତ କ°ଗ୍ରେସ ଭବନ ଭିତରେ ପଶି ମାଡ଼ ମାରିଛି । ଯାହା ଫଳରେ ଜଣେ ଛାତ୍ର କ°ଗ୍ରେସ କର୍ମୀଙ୍କ ମୁଣ୍ଡରେ ଆଘାତ ହୋଇ ହସ୍ପିଟାଲରେ ଭର୍ତ୍ତି କରାଯାଇଛି । ଏବଂ ଏହାକୁ କ°ଗ୍ରେସ ଦୃଢ ନିନ୍ଦା କରିବା ସହିତ ଡିସିପି ଉମାଶଙ୍କର ଦାସଙ୍କ ସହିତ ଆଲୋଚନା କରିଛନ୍ତି ଓ ଡିସିପି ଭୁଲ ମାଗିଛନ୍ତି ବୋଲି ବିଧାୟକ ତାରା ବାହିନୀପତି କହିଛନ୍ତି । ଏହା ଉପରେ ପୂର୍ବତନ ମନ୍ତ୍ରୀ ଗଣେଶ୍ୱର ବେହେରା ସାମ୍ବାଦିକ ସମ୍ମିଳନୀରେ କହିଛନ୍ତି ପୁଲିସର ଏ ମନମାନିକୁ ବରଦାସ୍ତ କରାଯିବ ନାହିଁ । ଏହା ଉପରେ ଦୃଢ଼ ପ୍ରତିବାଦ କରାଯିବ ।
