ଓଡ଼ିଶା ତାଜା ନ୍ୟୁଜ୍ (୦୩ ଡିସେମ୍ବର ଶୁକ୍ରବାର ) ଓଡ଼ଗାଁ :- ଚଳିତ ବର୍ଷ ଉତ୍କଳ ବିଶ୍ବବିଦ୍ୟାଳୟ ଦ୍ବାରା ପରିଚାଳିତ ସ୍ନାତକ ପରୀକ୍ଷାରେ ରଘୁନାଥ ସମବାୟ ମହାବିଦ୍ୟାଳୟର ଛାତ୍ରୀ ଆସୁ ନନ୍ଦ ‘ଶିକ୍ଷା’ ସମ୍ମାନରେ ଟପ୍ପର ହୋଇଛନ୍ତି । ସେ ସମୁଦାୟ ୯.୧୯ ଉଏଚଇ ବା ଇ+ ନଂ ପାଇ ଏହି ସମ୍ମାନ ହାସଲ କରିଛନ୍ତି । ସେ ଓଡ଼ଗାଁ ଛାମୁସାହି ନିବାସୀ ଚନ୍ଦନ କୁମାର ନନ୍ଦ ଓ ସୁଷମା ନନ୍ଦଙ୍କ ସୁକନ୍ୟା । ଏଥିସହିତ ସେହି ଶିକ୍ଷା ସମ୍ମାନ ବିଭାଗର ଛାତ୍ରୀ ଇପ୍ସିତା ଦାଶ ବିଶ୍ୱବିଦ୍ୟାଳୟ ସ୍ତରରେ ତୃତୀୟ ସ୍ଥାନ ଓ ପୀତିପ୍ରଜ୍ଞା ମହାପାତ୍ର ଅଷ୍ଟମ ସ୍ଥାନ ଅଧିକାର କରି ମହାବିଦ୍ୟାଳୟ ପାଇଁ ଗୌରବ ଆଣିଦେଇଛନ୍ତି ।
ସେହିଭଳି ମହାବିଦ୍ୟାଳୟର ‘ସଂସ୍କୃତ’ ବିଭାଗର ଛାତ୍ରୀ ମିନାକ୍ଷୀ ସାହୁ ଓ ପ୍ରଜ୍ଞା ପାରମିତା ପାଣିଗ୍ରାହୀ ବିଶ୍ବବିଦ୍ୟାଳୟ ସ୍ତରରେ ଯୁଗ୍ମ ତୃତୀୟ ଓ ମଧୁସ୍ମିତା ସାହୁ ଅଷ୍ଟମ ସ୍ଥାନରେ ରହି ଗୌରବାନ୍ବିତ ହୋଇଛନ୍ତି । ଏଥିସହିତ ମହାବିଦ୍ୟାଳୟ ରାଜନୀତି ବିଜ୍ଞାନ ବିଭାଗର ଛାତ୍ରୀ ଦୁଃଖୀନି ସେଠୀ ବିଶ୍ୱବିଦ୍ୟାଳୟ ସ୍ତରରେ ପଞ୍ଚମ ସ୍ନାନ ଓ ଦର୍ଶନଶାସ୍ତ୍ର ବିଭାଗର ଛାତ୍ରୀ ମନସ୍ଵିନୀ ସାହୁ ଦଶମ ସ୍ଥାନରେ ରହିଛନ୍ତି ।
ଏଠାରେ ଉଲ୍ଲେଖଯୋଗ୍ୟ ଯେ ମହାବିଦ୍ୟାଳୟର ୮ ଜଣ ଛାତ୍ରୀ ବିଶ୍ବବିଦ୍ୟାଳୟ ସ୍ତରରେ ଶ୍ରେଷ୍ଠ ୧୦ମ ତାଲିକାରେ ଅଛନ୍ତି । ଏଥିପାଇଁ ସେମାନଙ୍କୁ ମହାବିଦ୍ୟାଳୟର ଛାତ୍ରଛାତ୍ରୀ, ଅଭିଭାବକ, କର୍ମଋରୀ ବୃନ୍ଦ, ପୁରାତନ ଛାତ୍ର ସମାଜ, ପରିସ୍ଖଳନା ପରିଷଦର ସଭାପତି ସୁରେଶ ଚନ୍ଦ୍ର ହୋତା, କୃଷି ଓ ଉଚ୍ଚଶିକ୍ଷା ମନ୍ତ୍ରୀ ଡ ଅରୁଣ କୁମାର ସାହୁଙ୍କ ନିକଟରେ ଗଭୀର କୃତଜ୍ଞତା ଜ୍ଞାପନ କରିଛନ୍ତି ।
