ଓଡ଼ିଶା ତାଜା ନ୍ୟୁଜ୍ (୧୮ ଅକ୍ଟୋବର ସୋମବାର) କୋରାଇ :- କୋରାଇ ବ୍ଲକ ଅନ୍ତର୍ଗତ ଖମଣ ପଂଚାୟତର ଶଙ୍ଖଚିଲା ସ୍ଥିତ ହିଙ୍ଗୁଳା ହାଇସ୍କୁଲର ପୁରାତନ ଛାତ୍ର ସଂସଦର ୨୯ତମ ବାର୍ଷିକ ବୈଠକ ଓ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇ ଯାଇଛି । ସ୍ଥାନୀୟ ମା’ହିଙ୍ଗୁଳା ପୀଠର ସମ୍ମିଳନୀ କକ୍ଷରେ ସଂସଦସର ସଭାପତି ଦୀନବନ୍ଧୁ ନାୟକଙ୍କ ଅଧ୍ୟକ୍ଷତାରେ ବୈଠକ ଅନୁଷ୍ଠିତ ହୋଇଥିଲା । ମୁଖ୍ୟଅତିଥିଭାବେ ବ୍ୟାସନଗର ସ୍ୱଂୟ ଶାସିତ ମହାବିଦ୍ୟାଳୟର ପ୍ରାକ୍ତନ ଅଧ୍ୟକ୍ଷ ଶିବଚରଣ ମାଝୀ ଯୋଗଦେଇଥିଲା ବେଳେ ସମ୍ମାନିତ ଅତିଥିଭାବେ ବ୍ୟାସନଗର ସ୍ୱଂୟ ଶାସିତ ମହାବିଦ୍ୟାଳୟର ଅଧ୍ୟକ୍ଷ ଡକ୍ଟର କୁଶଚନ୍ଦ୍ର ପ୍ରଧାନ ଯୋଗଦେଇ ପୁରତନ ଛାତଛାତ୍ରୀ ସଂପୃକ୍ତ ବିଦ୍ୟାଳୟର ପରିଚୟ ବୋଲି ବକ୍ତବ୍ୟ ପ୍ରସଙ୍ଗରେ କହିଥିଲେ । ଅନ୍ୟତମ ଅତିଥିଭାବେ ଅବସରପ୍ରାପ୍ତ ଶିକ୍ଷକ କୈଳାଶଚନ୍ଦ୍ର କୁଅଁର ଯୋଗଦେଇ ଅଭିଭାଷଣ ଦେଇଥିଲେ ।
ସହସଂପାଦକ ବିନୋଦ ବିହାରୀ ସାହୁ ସଂପାଦକୀୟ ବିବରଣ ପାଠ କରିଥିଲା ବେଳେ ଆର୍ଯ୍ୟବିଭାସ କୁମାର ଅତିଥି ପରିଚୟ ପ୍ରଦାନ କରିଥିଲେ । ଏହି ଅବସରରେ ରବିନ୍ଦ୍ରକୁମାର ଶତପଥୀଙ୍କୁ ବୋଲେହୁଁଟି ସମ୍ମାନ ପ୍ରଦାନକରାଯିବା ସହ ସଂପୃକ୍ତ ବିଦ୍ୟାଳୟର ଅବସରପ୍ରାପ୍ତ ସହକାରୀ ଶିକ୍ଷକ ଉଦୟକୁମାର ମଲ୍ଲିକଙ୍କୁ ‘ବିଶିଷ୍ଟ ଶିକ୍ଷାବିତ’ଭାବେ ଅନୁଷ୍ଠାନ ପକ୍ଷରୁ ପୁଷ୍ପଗୁଚ୍ଛ, ଉପଢୌକନ ଓ ମାନପତ୍ର ଦିଆଯାଇ ସମ୍ବର୍ଦ୍ଧିତ କରାଯାଇଥିଲା । ପୁରାତନ ଛାତ୍ର ରବି ଶତପଥୀଙ୍କ ଦ୍ୱାରା ଲିଖିତ ପୁସ୍ତକ ‘ଅପରାହ୍ଣର ଛାଇ’ ଓ ତୈୟମାସିକ ହିନ୍ଦୀ ପତ୍ରିକା ‘ଆଶା କିରଣ’ ଅତିଥିମାନଙ୍କ ଦ୍ୱରା ଉନ୍ମୋଚିତ ହୋଇଥିଲା । ଶେଷରେ ହାଇସ୍କୁଲର ପ୍ରକ୍ତନ ପ୍ରଧାନ ଶିକ୍ଷତ ତଥା ପୁରାତନ ଛାତ୍ର ବିଷ୍ଣୁଚରଣ ସାହୁ ଧନ୍ୟବାଦ ଅର୍ପଣ କରିଥିଲେ । ସଭାପ୍ରାରମ୍ଭରେ ମା’ହିଙ୍ଗୁଳାଙ୍କୁ ଦୀପାର୍ଘ୍ୟ ପ୍ରଦାନ କରାଯିବା ପରେ ଦିବଂଗତ ଶିକ୍ଷକ ଓ ପୁରାତନ ଛାତ୍ରଙ୍କ ସ୍ମୃତି ଉଦେଶ୍ୟରେ ୧ମିନିଟ ନିରବ ପ୍ରାର୍ଥନା କରାଯାଇଥିଲା ।
ବୈଠକର ଦ୍ୱିତୀୟ ଅଧିବେଶନରେ ସଂସଦର ନୂତନ କମିଟି ଚୟନ କରାଯାଇଥିଲା । ସଦସ୍ୟ ଦେବପ୍ରକାଶ ସାହୁଙ୍କ ପ୍ରସ୍ତାବ କ୍ରମେ ସ୍ଥାୟୀ ସଭାପତିଭାବେ ଦୀନବନ୍ଧୁ ନାୟକଙ୍କୁ ଚୟନ କରାଯିଥିଲା ବେଳେ ସଂପାଦକଭାବେ ବିନୋଦ ବିହାରୀ ସାହୁ, କାର୍ଯ୍ୟକାରୀ ସଭାପତି ଶ୍ରୀଧର ଦାସ, ଉପସଭାପତି ବିଷ୍ଣୁଚରଣ ସାହୁ ଓ ସସ୍ମିତେଶ ସାହୁ, ସହସଂପାଦକ ନରୋତମ ଜେନା ଓ ଦେବପ୍ରକାଶ ସାହୁ, ଯୁଗ୍ମସଂପାଦକ ଅକ୍ଷୟକୁମାର ଜେନା, କୋଷାଧ୍ୟକ୍ଷ ରଘୁନାଥ ସାହୁ ଓ ସହକାରୀଭାବେ ସୌମ୍ୟବ୍ରତ ସାହୁଙ୍କୁ ସର୍ବସମ୍ମତିକ୍ରମେ ମନୋନୀତ କରାଯାଇଥିଲା । ନୂତନ ସଦସ୍ୟମାନେ ମା’ହିଙ୍ଗୁଳାଙ୍କ ଆଶୀର୍ବାଦ ନେଇ ସଂସଦର ଉନ୍ନତି ଲାଗି ସାମୂହିକଭାବେ କାର୍ଯ୍ୟକରିବାକୁ ଶପଥ ନେଇଥିଲେ ।
