ଏସ୍‌ବିଆଇ ଓ ଭାରତୀୟ ନୌସେନା ପକ୍ଷରୁ ନାଭ୍ ଇ-କ୍ୟାସ୍ କାର୍ଡର ଶୁଭାରମ୍ଭ

ଓଡ଼ିଶା ତାଜା ନ୍ୟୁଜ୍ (୦୫ ଅକ୍ଟୋବର ମଙ୍ଗଳବାର) ଭୁବନେଶ୍ୱର :- ଡିଜିଟାଲ୍ ଇଣ୍ଡିଆକୁ ସମୁଦ୍ର ପର୍ଯ୍ୟନ୍ତ ବିସ୍ତାର କରି ଭାରତୀୟ ନୌସେନା ଓ ଭାରତୀୟ ଷ୍ଟେଟ୍ ବ୍ୟାଙ୍କ୍ (ଏସ୍‌ବିଆଇ) ପକ୍ଷରୁ ଏସ୍‌ବିଆଇର ନାଭ୍ ଇ-କ୍ୟାସ୍ କାର୍ଡକୁ ଭାରତର ସର୍ବବୃହତ ନୌସେନା ବିମାନ ବାହନକାରୀ ଆଇଏନ୍‌ଏସ୍ ବିକ୍ରମାଦିତ୍ୟରେ ଉନ୍ମୋଚନ କରାଯାଇଛି । ଏସ୍‌ବିଆଇର ପରିଚାଳନା ନିର୍ଦେଶକ (ରିଟେଲ୍ ଓ ଡିଜିଟାଲ୍ ବ୍ୟାଙ୍କିଙ୍ଗ୍‌) ଶ୍ରୀଯୁକ୍ତ ସି ଏସ୍ ସେଟ୍ଟି ଓ ୱେଷ୍ଟର୍ଣ୍ଣ ନାଭାଲ୍‌ କମାଣ୍ଡ୍ ର ଫ୍ଲାଗ୍ ଅଫିସର୍ କମାଣ୍ଡିଂ ଇନ୍ ଚିଫ୍ ଭାଇସ୍ ଆଡମିରାଲ୍‌ ଆର୍ ହରିକୁମାର୍‌ଙ୍କ ଉପସ୍ଥିତିରେ ଏହି କାର୍ଡକୁ ଉନ୍ମୋଚନ କରାଯାଇଛି । ଏସ୍‌ବିଆଇର ନାଭ୍ ଇ-କ୍ୟାସ୍ କାର୍ଡ ହେଉଛି ଡିଜିଟାଲ୍ ପେମେଂଟ୍‌ ସମାଧାନ କ୍ଷେତ୍ର ଓ ଏସ୍‌ବିଆଇର ଭାରତ ସରକାରଙ୍କ ଡିଜିଟାଲ୍ ଇଣ୍ଡିଆ ପ୍ରତି ରହିଥିବା ପ୍ରତିବଦ୍ଧତା ଏବଂ ଅଳ୍ପ ନଗଦ ରାଶି ଅର୍ଥନୀତି ଆଡ଼କୁ ବିବକେୀ ଅଗ୍ରସର କ୍ଷେତ୍ରରେ ଏକ ଗୁରୁତ୍ୱପୂର୍ଣ୍ଣ ମାଇଲ ଖୁଂଟ । ନୌସେନା ଜାହାଜରେ ଏହି ସ୍ୱତନ୍ତ୍ର ଭିତିଭୂମି ପାରମ୍ପରିକ ସମାଧାନ ତୁଳନାରେ ଜାହାଜ ଯେତେବେଳେ ଅତଳ ସମୁଦ୍ରରେ ଥିବ ଏବଂ କୌଣସି ଯୋଗାଯୋଗ ବ୍ୟବସ୍ଥା ନଥିବ ସେହି ସମୟରେ ସହାୟକ ହେବ ।

ନାଭ୍ ଇ-କ୍ୟାସ୍ ଏହାର ଡୁଆଲ୍ ଚିପ୍‌ ପ୍ରଯୁକ୍ତି ଯୋଗୁଁ ଉଭୟ ଅନଲାଇନ୍ ଓ ଅଫଲାଇନ୍ କାରବାରରେ ସହାୟକ ହେବ । ଅତଳ ସମୁଦ୍ରରେ ଜାହାଜ ମୂତୟନ ହୋଇଥିବା ବେଳେ ସେଥିରେ ଥିବା କର୍ମଚାରୀମାନେ ନଗଦ ରାଶି ବ୍ୟବହାର କରିବାରେ ଯେଉଁ ଅସୁବିଧା ଭୋଗୁଥିଲେ ତାହାକୁ ଏହି କାର୍ଡ ଦୂର କରିବ । ଏସ୍‌ବିଆଇ ଓ ନୌସେନାର ଅଧିକାରୀମାଙ୍କ ଦ୍ୱାରା ମିଳିତ ଭାବେ ଏହି କାର୍ଡର ଚିନ୍ତାଧାରାକୁ ବିକଶିତ କରାଯାଇଛି ଏବଂ ଏହି କାର୍ଡ ଜାହାଜରେ ଥିବା ଲୋକମାନଙ୍କୁ ନିରବଚ୍ଛିନ୍ନ ଅନୁଭୂତି ପ୍ରଦାନ କରିବା ଲାଗି ନୌସେନାର ଆବଶ୍ୟକତାର ଯତ୍ନ ନେଇଛି । ନାଭ୍ ଇ-କ୍ୟାସ୍ କାର୍ଡ ଜରିଆରେ ଯେଉଁ ଯାତ୍ରାର ପରିକଳ୍ପନା କରାଯାଇଛି ତାହା ଜରିଆରେ ଜାହାଜରେ ଯାତ୍ରା କରିବା ବେଳେ ସେଥିରୁ ମିଳୁଥିବା ସେବା ଲାଗି ଆଉ ନଗଦ ରାଶି ବ୍ୟବହାର କରିବାକୁ ପଡ଼ିବନି । ପ୍ରତିରକ୍ଷା ବଳ ଓ ଭାରତୀୟ ସ୍ଥଳ ସେବା ସହିତ ରହିଥିବା ଦୀର୍ଘଦିନର ସମ୍ପର୍କ ପ୍ରତି ଏସ୍‌ବିଆଇର ରହିଥିବା ପ୍ରତିବଦ୍ଧତା ଉପରେ ଏହି ଅବସରରେ ଏସ୍‌ବିଆଇର ପରିଚାଳନା ନିର୍ଦେଶକ (ରିଟେଲ୍ ଓ ଡିଜିଟାଲ୍ ବ୍ୟାଙ୍କିଙ୍ଗ୍‌) ଶ୍ରୀଯୁକ୍ତ ସି ଏସ୍ ସେଟ୍ଟି ଗୁରୁତ୍ୱାରୋପ କରିଛନ୍ତି । ପ୍ରତିରକ୍ଷା ବଳ ସହ ଯୋଡ଼ି ହେବାରେ ମିଳିଥିବା ଗର୍ବର ଅନୁଭୂତିକୁ ସେ ବର୍ଣ୍ଣନା କରିଛନ୍ତି । ଏକ ସୁରକ୍ଷିତ, ସହଜ ଓ ନିରନ୍ତର ପେମେଂଟ୍ ବ୍ୟବସ୍ଥା ସୃଷ୍ଟି କରିବା ଲାଗି ପ୍ରତିରକ୍ଷା ସଂସ୍ଥାଗୁଡ଼ିକରେ ଥିବା ଅନ୍ୟ ନୌସେନା ଜାହାଜରେ ଏହି ପରିକଳ୍ପନାକୁ କାର୍ଯ୍ୟକାରୀ କରାଯିବ ।