ଓଡ଼ିଶା ତାଜା ନ୍ୟୁଜ୍ (୦୨ ଅକ୍ଟୋବର ଶନିବାର) ରଣପୁର /ରିପୋର୍ଟ ଅଭିମନ୍ୟୁ :- ରାଷ୍ଟ୍ରୀୟ ମଜଦୁର କଂଗ୍ରେସ ଯୁବଶାଖା, ନୟାଗଡ଼ ଜିଲ୍ଲା, ଯୁବକଂଗ୍ରେସ ଓ ପ୍ରଦେଶ ଛାତ୍ରାକଂଗ୍ରେସର ମିଳିତ ଆନୁକୂଲ୍ୟରେ ଆଜି ସକାଳ ୯ଘଣ୍ଟିକା ସମୟରେ ରଣପୁର ପଞ୍ଚୁଦୋଳ ପଡିଆ ସ୍ଥିତ ରଘୁଦିବାକର ସ୍ମୃତି ମଣ୍ଡପଠାରେ ଜାତିର ପିତା ମହାତ୍ମାଗାନ୍ଧୀ ଓ ଲଲବହାଦୂର ଶାସ୍ତ୍ରୀଙ୍କ ଜୟନ୍ତୀ, ରଣପୁର ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ରୋଗୀଙ୍କୁ ଫଳବଣ୍ଟନ ଓ ବୃକ୍ଷରୋପଣ କାର୍ଯ୍ୟକ୍ରମ ରାଷ୍ଟ୍ରୀୟ ମଜଦୂର କଂଗ୍ରେସ, ଯୁବଶାଖା ରାଜ୍ୟ ସଭାପତି ସତ୍ୟବ୍ରତ ନାୟକଙ୍କ ନେତୃତ୍ୱରେ ଅନୁଷ୍ଠିତ ହୋଇଯାଇଅଛି ।
ସତ୍ୟବ୍ରତ ନାୟକ ତାଙ୍କ ବକ୍ତବ୍ୟରେ ଯୁବ ଓ ଛାତ୍ର ସମାଜକୁ ଆହ୍ବାନ ଦେଇ କହିଥିଲେ,ପୂଜ୍ୟ ବାପୁଜୀ ଓ ଲଲବହାଦୂର ଶାସ୍ତ୍ରୀଙ୍କ ସତ୍ୟ,ଅହିଂସା ଓ ଶାନ୍ତିର ଆଦର୍ଶରେ ଅନୁପ୍ରାଣିତ ହୋଇ ସୁସ୍ଥ ସମାଜ ଗଢିବାରେ ଆମେ ପ୍ରତିବଦ୍ଧତା ହେବା । ଆମେ ରଣପୁର ବାସୀ ଆଜି ସଂକଳ୍ପ ନେବା ମଦମୁକ୍ତ ଓ ନିଶାମୁକ୍ତ ରଣପୁର ଗଠନରେ ଆମେ ସାରଥୀ ହେବା । ରଣପୁର ହେଉଛି ଦ୍ୱିତୀୟ ଶ୍ରୀକ୍ଷେତ୍ର । ଏହାର ଐତିହ୍ୟ ଓ ସଂସ୍କୃତି ଭାରତ ବର୍ଷରେ ଆଦୃତ । ରଣପୁର ଦାଣ୍ଡରେ ଦେଶୀ ଓ ବିଦେଶୀ ମଦଦୋକାନ ତୁରନ୍ତ ସ୍ଥାନାନ୍ତରିତ କରିବା ପାଇଁ ଦାବି କରିଥିଲେ ।
