ବାଙ୍କୀ ତାଲୁକ ଆଇନ ସେବା ପକ୍ଷରୁ ଆର୍ନ୍ତଜାତିକ ବୟୋଜ୍ୟେଷ୍ଠ ନାଗରିକ ଦିବସ ପାଳିତ,କେବେ କାର୍ଯ୍ୟକାରୀ ହେବ ମେଣ୍ଟେନାସ ଟ୍ରିବ୍ୟୁନାଲ୍ 

ଓଡ଼ିଶା ତାଜା ନ୍ୟୁଜ୍ (୦୧ ଅକ୍ଟୋବର ଶୁକ୍ରବାର ) ବାଙ୍କୀ :- ଆଜି ବାଙ୍କୀ ପ୍ରେସକ୍ଲବ ବିଦ୍ୟାରତ୍ନ ଭବନ ଠାରେ ବାଙ୍କୀ ତାଲୁକ ଆଇନ୍ ସେବା କମିଟି ପକ୍ଷରୁ ଆର୍ନ୍ତଜାତିକ ବୟୋଜ୍ୟେଷ୍ଠ ନାଗରିକ ଦିବସ ପାଳିତ ହୋଇଛି । ବାଙ୍କୀ ତାଲୁକ ଆଇନ୍ ସେବା କମିଟି ଅଧ୍ୟକ୍ଷ ତଥା ସିନିୟାର ଡିଭିଜନ ସିଭିଲ ଜଜ୍ ଦୀପଙ୍କର ପଟ୍ଟନାୟକ ଏହାକୁ ଉଦ୍‌ଘାଟନ କରି ବରିଷ୍ଠ ନାଗରିକମାନଙ୍କ ପାଇଁ ତାଲୁକ ଆଇନ୍ ସେବା କମିଟି ପକ୍ଷରୁ ଗ୍ରହଣ କରାଯାଇଥିବା ବିଭିନ୍ନ ଆଇନଗତ ସାହାଯ୍ୟ ସଂପର୍କରେ ଆଲୋକପାତ କରିଥିଲେ । ବୟୋଜ୍ୟେଷ୍ଠ ନାଗରିକମାନଙ୍କୁ ସଚେତନତା କରାଇବା ଆଜିର ଦିବସ ମୂଳ ଲକ୍ଷ୍ୟ । ସେମାନଙ୍କୁ ସୁରକ୍ଷା ଦେବାପାଇଁ ପୋଲିସ୍ ଓ ବିଚାର ବିଭାଗର ଭୂମିକା ଗୁରୁତ୍ୱପୂର୍ଣ୍ଣବୋଲି କହିଥିଲେ ।

୨୦୦୭ ନିୟମ ଅନୁସାରେ ଉପଖଣ୍ଡ ସ୍ତରରେ   ମେଣ୍ଟେନାସ ଟ୍ରିବ୍ୟୁନାଲ୍  ଗଠନ ହୋଇ  ବୃଦ୍ଧ ପିତାମାତାଙ୍କୁ ହଇରାଣ କରୁଥିବା ସନ୍ତାନ ସନ୍ତତିମାନେ ସର୍ବୋଚ୍ଚ ୧୦ହଜାର ଟଙ୍କା କ୍ଷତି ପୂରଣ ଦେବେ ଓ ଏହି ଆଇନ ଅନୁଯାୟୀ ବରିଷ୍ଠ ନାଗରିକ କଲ୍ୟାଣ  ବ୍ୟବସ୍ଥା ରହିଛି । ବରିଷ୍ଠ ନାଗରିକ ପାଇଁ ଆଇନରେ ପର୍ଯ୍ୟାପ୍ତ ପରିମାଣର ସୁବିଧା ରହିଥିବା ଶ୍ରୀ ପଟ୍ଟନାୟକ କହିଥିଲେ । ବାଙ୍କୀ ଥାନା ଇନିସ୍ପେକ୍ଟର ସୌମେନ୍ଦ୍ର ତ୍ରିପାଠୀ ମୁଖ୍ୟ ବକ୍ତଭାବରେ ଯୋଗଦେଇ ବରିଷ୍ଠ ନାଗରିକମାନଙ୍କ ସୁବିଧା ଅସୁବିଧା ପାଇଁ ଥାନାରେ ହେଲ୍ପ ଡେସ୍କ ଖୋଲା ଯାଇଛି ଏବଂ ସେମାନଙ୍କ ସୁବିଧା ଅସୁବିଧା ବୁଝିବା ପାଇଁ ଥାନା କର୍ମଚାରୀଙ୍କୁ ମଧ୍ୟ ନିଯୁକ୍ତି ଦିଆଯାଇଛି । 

ବାଙ୍କୀ ଉପଖଣ୍ଡ ଚିକିତ୍ସାଳୟର ପୂର୍ବତନ ଚିକିତ୍ସା ଅଧିକାରୀ ତଥା ବରିଷ୍ଠ ଡାକ୍ତର ପଦ୍ମଲୋଚନ ପଣ୍ଡା ସମ୍ମାନୀତ ଅତିଥି ଭାବେ ଯୋଗଦେଇ ବରିଷ୍ଠ ନାଗରିକମାନଙ୍କର ସ୍ୱାସ୍ଥ୍ୟ ସମସ୍ୟା ଉପରେ ଆଲୋଚନା କରିବା ସହିତ ସେମାନଙ୍କୁ ସମସ୍ତ ପ୍ରକାର ଚିକିତ୍ସା ଯୋଗାଇ ଦେବାପାଇଁ ଡାକ୍ତରମାନେ ତତ୍ପରତା ପ୍ରକାଶ କରିବା ସହିତ ସେମାନଙ୍କର ଚିକିତ୍ସା କରାଯାଇ ପାରିବ । ଏହି କାର୍ଯ୍ୟକ୍ରମରେ ବାଙ୍କୀ ବୟୋଜ୍ୟେଷ୍ଠ ନାଗରିକ ସଂଘର ସଭାପତି ଆଇନଜୀବୀ ବିରଞ୍ଚି  ଦାସ ସଭାପତିତ୍ୱ କରି ବରିଷ୍ଠ ନାଗରିକମାନଙ୍କ ପାଇଁ ଥିବା ଆଇନ୍‌ ସଂପର୍କରେ ଆଲୋଚନା କରିଥିଲେ । ବାଙ୍କୀ ଉପଖଣ୍ଡ ରେ ଆଜି ପର୍ଯ୍ୟନ୍ତ ମେଣ୍ଟେନାସ ଟ୍ରିବ୍ୟୁନାଲ୍ ଉପଜିଲ୍ଲାପାଳ ଙ୍କ ତତ୍ୱାବଧାନ ରେ ଖୋଲି ନାହିଁ ଯାହା ଫଳରେ ବୃଦ୍ଧ ପିତା ମାତା ଙ୍କ ଭରଣ ପୋଷଣ ଓ ବରିଷ୍ଠ ନାଗରିକ ଙ୍କ କଲ୍ୟାଣ ସୁବିଧା ରେ ହୋଇପାରିନି ୨୦୦୭ ଆଇନ ଅନୁଯାୟୀ ଏହା ପ୍ରତ୍ୟେକ ଉପଜିଲ୍ଲାପାଳ ଙ୍କ କାର୍ଯ୍ୟାଲୟ ରେ ଏହି  ମେଣ୍ଟେନାସ ଟ୍ରିବ୍ୟୁନାଲ୍ ହେବା କଥା ।

ଏ ସମ୍ପର୍କରେ ବାଙ୍କୀ ଉପଜିଲ୍ଲାପାଳ ରଞ୍ଜନ କୁମାର ଜେନା ଙ୍କୁ ପଚାରିବାରୁ ସେ କହିଲେ ଏହି ଆଇନ କାର୍ଯ୍ୟ କାରୀ ଆଇନ ହୋଇଛି ମାତ୍ର ଏଥିରେ ୨ଜଣ ସରକାର ଙ୍କ ପ୍ରତିନିଧି ରହିବେ ।ମାତ୍ର ସରକାର ଙ୍କ ଠାରୁ କୌଣସି ଚିଠି ଆସିନାହିଁ ଚିଠି ଆସିଲେ ଆମେ ଉକ୍ତ ବେଞ୍ଚ ଖୋଲିବୁ ।ବରିଷ୍ଠ ନାଗରିକ ଙ୍କ ଯଦି କିଛି ସମସ୍ୟା ହେଉଛି ସେମାନେ ସିଧାସଳଖ ମୋ ପାଖକୁ ଆସନ୍ତୁ ମୁଁ ଆଇନ ଅନୁଯାୟୀ ସାହାଯ୍ୟ କରିବି।ଏହି କାର୍ଯ୍ୟକ୍ରମ ରେ  ଉପସଭାପତି ଅଇନଜୀବୀ ବ୍ରଜବନ୍ଧୁ ପାଲ୍ ସ୍ୱାଗତ ଭାଷଣ ଦେବା ସହିତ ସଂପାଦକ କୃତ୍ତିବାସ ପଣ୍ଡା ଧନ୍ୟବାଦ ଅର୍ପଣ କରିଥିଲେ ।ଏହି ବୈଠକରେ ବରିଷ୍ଠ ନାଗରିକ କମଳା କାନ୍ତ ମିଶ୍ର, ଉମେଶ ମିଶ୍ର,ସତ୍ୟବ୍ରତ ରଥ, ଭଗବାନ ସାମଲ, ସାମ୍ବାଦିକ ବଳଭଦ୍ର ପଣ୍ଡା,ପୂର୍ଣ୍ଣ ଚନ୍ଦ୍ର ସାହୁ,ସମରେନ୍ଦ୍ର ମହାପାତ୍ର, ଉମେଶ ପଟ୍ଟନାୟକ, ନୀଳ ମାଧବ ମିଶ୍ର ଙ୍କ ସମିତ ବହୁ ବରିଷ୍ଠ ନାଗରିକ କୋଭିଡ଼ କଟକଣା ରେ ଉପସ୍ଥିତ ଥିଲେ।