ବୃଦ୍ଧଙ୍କ ଆତ୍ମହତ୍ୟା – ହିଞ୍ଜିଳିକାଟୁ

ହିଞ୍ଜିଳିକାଟୁ, ଶେଷଦେବ ସାହୁ , ରିପୋର୍ଟ ( ଓଡିଶା ତାଜା ନ୍ୟୁଜ୍‌ ) ହିଞ୍ଜିଳିକାଟୁ ,୨୩ ଏପ୍ରିଲ, ଗୁରୁବାର : – ହିଞ୍ଜିଳି ଥାନା ଵୁରୁପୋଡା ଗ୍ରାମର ଜଣେ ବୃଦ୍ଧ ଗୁରୁବାର ସକାଳେ ଘର ବାରଣ୍ଡା କାଠ ଦୁଲାରେ ରଶି ଲଗାଇ ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ମୃତକ ଜଣକ ସଂପୃକ୍ତ ଗ୍ରାମର ରାଧାକୃଷ୍ଣ ପଣ୍ଡା (୭୮) । ଗୁରୁବାର ସକାଳ ପ୍ରାୟ ସାଢେ଼ ସାତଟାରେ ବୃଦ୍ଧ ଘରୁ ବାହାରକୁ ଆସି ହଠାତ୍ ଘର ବାରଣ୍ଡାରେ ଲାଗିଥିବା ଏକ କାଠ ଦୁଲାରେ ରଶି ଲଗାଇ ଆତ୍ମହତ୍ୟା କରିଥିଲେ । ସାହି ପଡୋଶୀ ଦେଖି ହିଞ୍ଜିଳି ପୁଲିସକୁ ଖବର ଦେଇଥିଲେ । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିଛି । ଏ ନେଇ ହିଞ୍ଜିଳି ଥାନାରେ ୮/୨୦ ରେ ଏକ ଅପମୃତ୍ୟୁ ମାମଲା ରୁଜୁ କରି ଶଵ ବ୍ୟବଛେଦ ପାଇଁ ବ୍ରହ୍ମପୁର ବଡ ଡାକ୍ତରଖାନାକୁ ପଠାଇ ଘଟଣାର ତଦନ୍ତ ଚଳାଇଛି । ଆତ୍ମହତ୍ୟାର ପ୍ରକୃତ କାରଣ ଜଣା ପଡ଼ିନାହିଁ । ପାରିବାରିକ କଳହକୁ କେନ୍ଦ୍ର କରି ବୃଦ୍ଧ ଜଣକ ଆତ୍ମହତ୍ୟା କରିଥିବା ନେଇ ପୁଲିସ ଅନୁମାନ କରୁଛି । ମୃତ ବୃଦ୍ଧଙ୍କ ୩ଟି ଝିଅ ଓ ଗୋଟିଏ ପୁଅ ମଧ୍ୟରୁ ପୁଅ ଦୁବାଇ ସହରରେ ଥିବା ଜଣାପଡିଛି ।