ଓଡ଼ିଶା ତାଜା ନ୍ୟୁଜ୍ ( ୧୫ ସେପ୍ଟେମ୍ବର,ବୁଧବାର ) ବାଙ୍କୀ :- ବାଙ୍କୀରେ ମହାନଦୀରେ ବନ୍ୟାଜଳ ପ୍ରବାହିତ ହେବା ଫଳରେ ବାଙ୍କୀ ଠାରୁ ବିଲିପଡା ଦେଇ ତାଳବସ୍ତ ଏବଂ ଖୋର୍ଦ୍ଧାକୁ ସଂଯୋଗ କରୁଥିବା ରାସ୍ତା ଉପରେ ୨ଫୁଟରୁ ଉର୍ଦ୍ଧ୍ୱ ପାଣି ପ୍ରବାହିତ । ସେହିପରି ଶିମିଳିପୁର ଠାରୁ ବିଲିପଡାକୁ ସଂଯୋଗ କରୁଥିବା ରାସ୍ତାର କଇଁଆ ନାଳ ପୋଲ ଉପରେ ୨ଫୁଟର ପାଣି ପ୍ରବାହିତ ହେଉଛି ଓ ବାଙ୍କୀର ଉତ୍ତର ପାର୍ଶ୍ଵ ରେ ଥିବା ୭ଟି ପଞ୍ଚାୟତକୁ ସଂଯୋଗ କରୁଥିବା ରାସ୍ତାର ହୁଳୁହୁଳା ପୋଲ ଉପରେ ୩ଫୁଟ ବନ୍ୟା ଜଳ ପ୍ରବାହିତ ହେଉଛି ।
ଚାଷ ଜମି ରେ ବନ୍ୟା ଜଳ ପ୍ରବେଶ କରି ଲହଡା ମାରୁଥିବା ଦେଖିବାକୁ ମିଳିଛି।ହେକ୍ଟର ହେକ୍ଟର ଚାଷ ଜମିରେ ବନ୍ୟା ଜଳ ପ୍ରବେଶ କରି ଧାନ ଓ ପନି ,ପରିବାଫସଲ ସମ୍ପୂର୍ଣ୍ଣ ଭାବେ ନଷ୍ଟ ହୋଇଯାଇଛି । ଫଳରେ ଚାଷୀ କୁଳ ମୁଣ୍ଡ ରେ ହାତଦେଇ ବସିଛି । ବାଙ୍କୀରେ ବିପଦ ସଂକୁଳ ୭.୮ମିଟର ଥିବା ବେଳେ ବର୍ତ୍ତମାନ ମହାନଦୀରେ ୬.୫ମିଟର ଉପରେ ବନ୍ୟଜଳ ପ୍ରବାହିତ ହେଉଛି ।
