ଚାଷୀଙ୍କୁ କୃଷି ଫାଇନାନ୍ସ ସମାଧାନ ପ୍ରଦାନ କରିବା ଲାଗି ଏସ୍‌କର୍ଟସ୍ ଲିମିଟେଡ୍‌ ପକ୍ଷରୁ ଇଣ୍ଡସ୍‌ଇଣ୍ଡ୍ ବ୍ୟାଙ୍କ ସହ ବୁଝାମଣା

ଓଡ଼ିଶା ତାଜା ନ୍ୟୁଜ (୧୪ ସେପ୍ଟେମ୍ବର ମଙ୍ଗଳବାର ) ଭୁବନେଶ୍ୱର :- ଏହି ଆହ୍ୱାନପୂର୍ଣ୍ଣ ସମୟରେ ଯେଭଳି ଟ୍ରାକ୍ଟର ଓ କୃଷି ଉପକରଣ ଯେଭଳି ଚାଷୀଙ୍କ ନିକଟରେ ସହଜରେ ପହଂଚିପାରିବ ସେଥିପାଇଁ ଏସ୍‌କଟର୍ସ୍ ଲିମିଟେଡ୍ ପକ୍ଷରୁ ଇଣ୍ଡସ୍‌ଇଣ୍ଡ୍ ବ୍ୟାଙ୍କ ସହ ବୁଝାମଣା ସ୍ୱାକ୍ଷର କରାଯାଇଛି । ଏହା ଜରିଆରେ ଚାଷୀଙ୍କୁ ଆକର୍ଷଣୀୟ ଫାଇନାନ୍ସ ସମାଧାନ ପ୍ରଦାନ କରାଯିବ । ନିରବଚ୍ଛିନ୍ନ ଉପାୟରେ ବ୍ୟାଙ୍କ ଚାଷୀମାନଙ୍କୁ ଋଣ ଆକାରରେ ଆର୍ଥିକ ସହାୟତା ପ୍ରଦାନ କରିବ । ଏହି ବୁଝାମଣାପତ୍ରରେ ଏସ୍‌କର୍ଟସ୍ ଏଗ୍ରି ମେସିନାରିର ସିଇଓ ଶ୍ରୀଯୁକ୍ତ ଶେନୁ ଅଗ୍ରୱାଲ୍ ଓ ଇଣ୍ଡସ୍‌ଇଣ୍ଢ୍ ବ୍ୟାଙ୍କର ଟ୍ରାକ୍ଟର ଓ କୃଷି ଉପକରଣ ବ୍ୟବସାୟର ମୁଖ୍ୟ ଶ୍ରୀଯୁକ୍ତ ଶିବନ କୌଲ ସ୍ୱାକ୍ଷର କରିଛନ୍ତି । ଏହା ଜରିଆରେ ଏସ୍‌କର୍ଟସ୍ ଚାଷୀମାନଙ୍କୁ ଚିନ୍ତାମୁକ୍ତ, ସ୍ୱଚ୍ଛ ଓ ତ୍ୱରିତ ଆର୍ଥିକ ସମାଧାନ ଟ୍ରାକ୍ଟର କିଣିବା ଲାଗି ପ୍ରଦାନ କରିପାରିବ । ଗ୍ରାମୀଣ ବଜାରକୁ ଭଲ ଭାବେ ବୁଝିଥିବା ଏବଂ ଉପସ୍ଥିତି ଥିବାରୁ ଇଣ୍ଡସ୍‌ଇଣ୍ଡ୍‌ବ୍ୟାଙ୍କ ଅଭିନବ ଆର୍ଥିକ ସମାଧାନ ପ୍ରଦାନ କରିବ

ଯାହା ବଦଳରେ ଏହା ଏସ୍‌କର୍ଟସ୍ ଲିମିଟେଡ୍‌କୁ ଚାଷୀଙ୍କ ବଡ଼ ସ୍ୱପ୍ନ ପୂରଣ କରିବାରେ ସାହାଯ୍ୟ କରିବ । ଏହି ଅବସରରେ ଶ୍ରୀଯୁକ୍ତ ଶେନୁ ଅଗ୍ରୱାଲ୍‌, ସିଇଓ, ଏସ୍‌କର୍ଟସ୍‌ ଏଗ୍ରି ମେସିନାରି କହିଛନ୍ତି ଯେ, “ଗ୍ରାମୀଣ ଶିଳ୍ପ ବହୁତ ଭଲ ବେଗରେ ଗତି କରୁଛି ଏବଂ ପ୍ରଯୁକ୍ତି ଭିତିକ ଉନ୍ନତ କୃଷି ବ୍ୟବସ୍ଥା ପ୍ରତି ଚାଷୀମାନେ ଆକର୍ଷିତ ହୋଇଛନ୍ତି । ଏଠାରେ ଆମର ଭୂମିକା ହେଉଛି ସେମାନଙ୍କୁ ଶ୍ରେଷ୍ଠ ଉତ୍ପାଦ ପ୍ରଦାନ କରିବା ଏବଂ ସମଗ୍ର କିଣିବା ପ୍ରକ୍ରିୟାକୁ ଯଥାସମ୍ଭବ ସହଜ କରିବା ।’’ ଶ୍ରୀଯୁକ୍ତ ଏସ୍ ଭି ପାର୍ଥସାରଥୀ, ମୁଖ୍ୟ-କଂଜ୍ୟୁମର୍ ଫାଇନାନ୍ସ, ଇଣ୍ଡସ୍‌ଇଣ୍ଡ୍ ବ୍ୟାଙ୍କ କହିଛନ୍ତି ଯେ, “ଏସ୍‌କର୍ଟସ୍ ଲିମିଟେଡ୍ ସହିତ ସହଯୋଗିତା ସ୍ଥାପନ କରି ଆମେ ଗର୍ବିତ ଓ ଉଲ୍ଲସିତ । ଏହି ସହଯୋଗିତା ସହିତ ଚାଷୀମାନେ ଆକର୍ଷଣୀୟ ସୁଧ ହାରରେ ସହଜରେ ଋଣ ପାଇପାରିବେ । ଆମର ସହଯୋଗିତା ଚାଷୀମାନଙ୍କ ପାଇଁ ସ୍ୱଚ୍ଛତା, ନିରବଚ୍ଛିନ୍ନତା ଓ ସହଜତା ଆଣିବ ଯାହା ଦେଶ ଗଠନ ଉଦ୍ୟମକୁ ଦୃଢ଼ କରିବ ।’’