ଓଡ଼ିଶା ତାଜା ନ୍ୟୁଜ (୧୪ ସେପ୍ଟେମ୍ବର ମଙ୍ଗଳବାର ) ଭୁବନେଶ୍ୱର :- ଚେନ୍ନାଇରେ ଚାଲିଥିବା ଭାରତୀୟ ଜାତୀୟ ମୋଟର୍ସାଇକଲ୍ ରେସିଂ ଚାମ୍ପିଆନ୍ସିପ୍ରେ ଆଇଡେମିସୁ ହୋଣ୍ଡା ଏସ୍କେ ୬୯ ରେସିଂ ଟିମ୍ର ଚାଳକମାନେ ପ୍ରୋ-ଷ୍ଟକ୍ ୧୬୫ ସିସି ବର୍ଗରେ ଡବଲ୍ ପୋଡିୟମ୍ ସଫଳତା ହାସଲ କରିଛନ୍ତି । ରେସ୍ର ଦ୍ୱିତୀୟ ଦିନରେ ଏହି ସଫଳତା ମିଳିଛି । ରବିବାର ଦିନ ଅନୁଷ୍ଠିତ ହୋଇଥିବା ଏହି ରେସ୍ରେ ହୋଣ୍ଡା ଟିମ୍ର ଚାଳକ ରାଜୀବ ସେତୁ ଉଭୟ ଆଶା ଓ ସାହସ ପ୍ରଦର୍ଶନ କରିଥିଲେ । ଦ୍ୱିତୀୟ ଗ୍ରିଡ୍ରେ ରହି ନିର୍ଭୟ ଭାବେ ରେସ୍ ଆରମ୍ଭ କରିଥିବା ରାଜୀବ ଅନ୍ୟ ଚାଳକମାନଙ୍କୁ ନିଜ ପ୍ରଦର୍ଶନ ଜରିଆରେ କଡ଼ା ଟକ୍କର୍ ଦେଇଥିଲେ ଏବଂ ଶେଷ ଲ୍ୟାପ୍ରେ ଦୁର୍ଭାଗ୍ୟଜନକ ଭାବେ ଦୁର୍ଘଟଣାର ଶିକାର ହୋଇଥିଲେ ।
ଏହା ସତ୍ୱେ ରାଜୀବ ପ୍ରୋ ଷ୍ଟକ୍ ୧୬୫ ସିସି ବର୍ଗରେ ନିଜର ଶ୍ରେଷ୍ଠ ଲ୍ୟାପ୍ ସମୟ ୧:୫୭.୦୪୭ ସମୟ ହାସଲ କରିଥିଲେ । ଅନ୍ୟ ପକ୍ଷରେ , ପଂଚମ ସ୍ଥାନରୁ ନିଜ ରେସ୍ ଆରମ୍ଭ କରିଥିବା ଟିମ୍ର ଅନ୍ୟତମ ଚାଳକ ସେନ୍ଥିଲ୍ କୁମାର ପୋଡିୟମ୍ ଦଖଲ କରିବା ଲାଗି କୌଣସି ସୁଯୋଗ ହାତଛଡ଼ା କରିନଥିଲେ । ପ୍ରତିଦ୍ୱନ୍ଦ୍ୱୀଙ୍କୁ ପଛରେ ପକାଇ ୧୫ ସେକେଣ୍ଡ୍ର ପେନାଲ୍ଟି ସତ୍ୱେ ୧୬:୧୦.୨୪୮ ସମୟ ସହ ସେ ତୃତୀୟ ସ୍ଥାନରେ ରହିଥିଲେ । ଏ ସମ୍ପର୍କରେ ଶ୍ରୀଯୁକ୍ତ ଆତସୁସି ଓଗାତା, ପରିଚାଳନା ନିର୍ଦ୍ଦେଶକ, ସଭାପତି ଓ ସିଇଓ, ହୋଣ୍ଡା ମୋଟର୍ସାଇକଲ୍ ଆଣ୍ଡ୍ ସ୍କୁଟର୍ ଇଣ୍ଡିଆ ପ୍ରାଇଭେଟ୍ ଲିମିଟେଡ୍ କହିଛନ୍ତି ଯେ, “ମାଡ୍ରାସ୍ ମୋଟର୍ ରେସ୍ ଟ୍ରାକ୍କୁ ଏହା ମୋର ପ୍ରଥମ ପରିଦର୍ଶନ ଏବଂ ଆମ ମୋଟର୍ସ୍ପୋଟ୍ର୍ସ ଚାଳକଙ୍କ ଉତ୍ସାହ ଦେଖି ମୁଁ ଅତ୍ୟନ୍ତ ରୋମାଂଚିତ । ଏହି ଯୁବ ଚାମ୍ପିଆନ୍ମାନଙ୍କୁ ସେମାନଙ୍କ ରେସିଂ ଡିଏନ୍ଏ ପ୍ରମାଣିତ କରିବା ବେଳେ ଦେଖିବା ମୋ ପାଇଁ ଥିବା ଶ୍ରେଷ୍ଠ ମୁହୂର୍ତ ।
ମୁଁ ବହୁତ ଖୁସି ଯେ ରେସିଂ ପ୍ରେମୀଙ୍କୁ ସୁଯୋଗ ପ୍ରଦାନ କରିବା ଲାଗି ଆମେ ହୋଣ୍ଡା ୨.୦ ୱାନ୍ ମେକ୍ ରେସ୍ ଉପସ୍ଥାପନ କରିଛୁ ଏବଂ ଆମର ଗ୍ରାହକମାନେ ଟ୍ରାକ୍ରେ ଏହି ଭବିଷ୍ୟତରେ ଏହି ମେସିନ୍ର ଅନୁଭୂତି ହାସଲ କରିପାରିବେ । ମୁଁ ଆଶା କରୁଛି ଯେ ଆଇଡେମିସୁ ହୋଣ୍ଡା ଇଣ୍ଡିଆ ଟ୍ୟାଲେଂଟ୍ କପ୍ର କିଛି ଯୁବ ଚାଳକ ଭବିଷ୍ୟତରେ ଆନ୍ତର୍ଜାତିକ ରେସିଂ ଚାମ୍ପିଆନ୍ସିପ୍ ପର୍ଯ୍ୟନ୍ତ ପହଂଚିପାରିବେ । ଆଗାମୀ ଋତୁ ପାଇଁ ମୁଁ ସେମାନଙ୍କୁ ଶୁଭକାମନା ଜଣାଉଛି ।’’ ଚକ୍ସରଗ୍ଦଗ୍ଦ ଜରକ୍ଷରବଗ୍ଦର ଶ୍ରୀଯୁକ୍ତ ପ୍ରଭୁ ନାଗରାଜ, ବରିଷ୍ଠ ଉପସଭାପତି-ବ୍ରାଣ୍ଡ୍ ଆଣ୍ଡ୍ କମ୍ୟୁନିକେସନ୍, ହୋଣ୍ଡା ମୋଟର୍ସାଇକଲ୍ ଆଣ୍ଡ୍ ସ୍କୁଟର୍ ଇଣ୍ଡିଆ ପ୍ରାଇଭେଟ୍ ଲିମିଟେଡ୍ କହିଛନ୍ତି ଯେ, “ଦ୍ୱିତୀୟ ଦିଗରେ ହୋଣ୍ଡା ରେସିଂ ଇଣ୍ଡିଆର ଉଭୟ ଉତ୍ସାହ ଓ ହତାଶ ସମୟ ଦେଖିବାକୁ ମିଳିଥିଲା ।
