କାମାକ୍ଷାନଗର : ୪୦ ଫୁଟର ଘାଇ; ଆପ୍ରୋଚ୍ ରୋଡରେ କାମାକ୍ଷାନଗର – ତାଲଚେର ଯାତାୟତ ବନ୍ଦ

ଓଡ଼ିଶା ତାଜା ନ୍ୟୁଜ (୧୩ ସେପ୍ଟେମ୍ବର ସୋମବାର ) କାମାକ୍ଷାନଗର :- ଢେଙ୍କାନାଳ ଜିଲ୍ଲାରେ ପ୍ରବଳ ବର୍ଷା ହୋଇଥିବା ଦେଖିବାକୁ ମିଳିଛି । ଲଘୁଚାପ ପ୍ରଭାବରେ ସାରା ରାଜ୍ୟରେ ରବିବାର ଠାରୁ ବର୍ଷା ଲାଗି ରହିଛି । ଯାହା ଫଳରେ ଅନେକ ରାସ୍ତା ଜଳମଗ୍ନ ହୋଇ ପଡିଛି । ଲଗାଣ ବର୍ଷାରେ ୫୩ ନଂ ଜାତୀୟ ରାଜପଥ ସିଆରିମାଳିଆ ଠାରେ ସଂପ୍ରସାରଣ କାମ ପାଇିଁ ତିଆରି ଆପ୍ରୋଚ ରୋଡରେ ୪୦ ଫୁଟର ଘାଇ ସୃଷ୍ଟି ହୋଇଛି ।

ଅନ୍ୟ ପକ୍ଷରେ ମଧ୍ୟ କେନାଲ ରାସ୍ତାରେ ୫୦ ଫୁଟର ଘାଇ ସୃଷ୍ଟି ହୋଇଛି । ସୋମବାର ବିଳମ୍ବିତ ରାତିରେ କେନାଲ ରାସ୍ତା ଦେଇ ଏକ ଟ୍ରକ ଯାଉଥିବା ବଳେ ରାସ୍ତା ଧୋଇଯିବାରୁ ଟ୍ରକଟି ମଧ୍ୟ ଫସି ରହିଥିବା ଦେଖିବାକୁ ମିଳିଥିଲା । ୨ଟି ଯାକ ରାସ୍ତା ଧୋଇଯିବା କାରଣରୁ କାମାକ୍ଷାନଗର-ତାଳଚେର ମଧ୍ୟରେ ଗମନାଗମନ ସଂମ୍ପୁର୍ଣ ଭାବେ ବନ୍ଦ ହୋଇଯାଇଛି । ଉଭୟ ପାର୍ଶ୍ବରେ ଶହ ଶହ ସଂଖ୍ୟାରେ ଗାଡି ଅଟକି ରହିଛି । (ରିପୋର୍ଟ୍ ଅମର ରଞ୍ଜନ ଦାସ)