ଡିଜିପିଙ୍କ ଗସ୍ତ : ବାଲେଶ୍ୱର, ମୟୁରଭଞ୍ଜ ପୋଲିସ ତତ୍ପର ।

ବାଲେଶ୍ୱର ,ରିପୋର୍ଟ / ଦୀପ୍ତିମାନ୍ ପତି (ଓଡିଶା ତାଜା ନ୍ୟୁଜ୍‌ ) ଜଳେଶ୍ୱର ଡିଜିପିଙ୍କ ଗସ୍ତ ,ସୋମବାର ,ଏପ୍ରିଲ 20.4.2020 :- ରାଜ୍ୟରେ କୋରନା ଆକ୍ରାନ୍ତ ସଂଖ୍ୟା ୭୪ ଛୁଇଁବା ପରେ ରାଜ୍ୟ ସରକାର ଓ ପୋଲିସ ମହାନିର୍ଦେଶକ ଅଧିକ ତତ୍ପର ହୋଇ ଉଠିଛନ୍ତି । ନୂଆ ଆକ୍ରାନ୍ତଙ୍କ ମଧ୍ୟରୁ ଅଧିକାଂଶ କଲିକତା ଲିଙ୍କ ଥିବା ଜଣା ପଡ଼ିଛି । ବାଲେଶ୍ୱର ଓ ମୟୁରଭଞ୍ଜ ଜିଲାରୁ ଅଧିକାଂଶ ଲୋକ ପ୍ରତକ୍ଷ ପରୋକ୍ଷ ଭାବେ ପଶ୍ଚିମବଙ୍ଗ, ଓ କଲିକତା ସହର ସହିଟ ଜଡିତ ଥାଆନ୍ତି । ଆମ ରାଜ୍ୟର ବାଲେଶ୍ଵର ଓ ମୟୁରଭଂଜ ଜିଲ୍ଲାର ସୀମାକୁ ପଶ୍ଚିମ ବଙ୍ଗ ରାଜ୍ୟର ସୀମା ଅନେକ ସ୍ଥାନ ସହିତ ସଂଯୋଗ ରହିଛି । ତେବେ କୋରୋନା ମୁକାବିଲା ପାଇଁ ରାଜ୍ୟର ଦେଇ ଯାଇଥିବା ଜାତୀୟ ରାଜପଥ, ରାଜ୍ୟପଥ, ସହିତ ସମସ୍ତ ଗ୍ରାମାଞ୍ଚଳ ରାସ୍ତାକୁ ସିଲ କରାଯାଇଛି । ଏହା ସତ୍ତ୍ୱେ ବି କିଛିଲୋକ ଲୁଚିଛପି ରାଜ୍ୟ ଭିତରକୁ ପସିଆସୁଛନ୍ତି । ଯାହାକି ରାଜ୍ୟସରକାର ଓ ପ୍ରଶାଶନ ପାଇଁ ମୁଣ୍ଡ ବିନ୍ଧା ସାଜିଛି । ତେବେ ଏହି ସମସ୍ୟାର ପ୍ରତ୍ୟକ୍ଷ ନିରୀକ୍ଷଣ ଓ ତତ୍ୱବଧାନ ପାଇଁ ଓଡିଶା ପୋଲିସ ମହାନିର୍ଦେଶକ ଶ୍ରୀଯୁକ୍ତ ଅଭୟ ବାଲେଶ୍ୱର ଓ ମୟୁରଭଞ୍ଜ ଜିଲାଗସ୍ତରେ ଆସି ପରିସ୍ଥିତି ଅନୁଧ୍ୟାନ କରିବେ ବୋଲି ସୂଚନା ମିଳିଛି । ଏହି ଖବର ଆସିବା ପରେ ଉଭୟ ଜିଲ୍ଲାର ପୁଲିସ ମହକମାରେ ତତ୍ପରତା ପ୍ରକାଶ ପାଇଥିବା ଦେଖିବାକୁ ମଳିଛି ।