ଓଡ଼ିଶା ତାଜା ନ୍ୟୁଜ (୧୨ ସେପ୍ଟେମ୍ବର ରବିବାର ) ନୂଆଗାଁ :- ଓଡ଼ିଶା ପାଠାଗାର ସଂଗ୍ରହାଳୟ ଆନ୍ଦୋଳନ ର ପ୍ରବାଦ ପୁରୁଷ ପ୍ରଖ୍ୟାତ ସଂଗ୍ରାହକ ଦାସିଆ ଅଜାଙ୍କ ୨୪ ତମ ଶ୍ରାଦ୍ଧ ଦିବସ କରୋନା ସଂକ୍ରମଣ କୁ ଦୃଷ୍ଟି ରେ ରଖି ନିରାଡମ୍ବର ଭାବେ ପାଳିତ ହୋଇଯାଇଛି । ନୟାଗଡ କଚେରି ଛକ ଠାରେ ଥିବା ଦାସିଆ ଅଜାଙ୍କ ପ୍ରତିମୂର୍ତ୍ତି ରେ ପୂର୍ବାହ୍ନ ରେ ଦାସିଆ ଅଜାଙ୍କ ନାତି ଦୀପକ ପଟ୍ଟନାୟକ ଙ୍କ ତତ୍ତ୍ଵାବଧାନରେ ଫୁଲ ଓ ଧୂପ ମାଲ୍ୟାର୍ପଣ କରାଯାଇଥିଲା ।
ଅପରାହ୍ନ ରେ ଦାସିଆ ଅଜାଙ୍କ ସାଧନା ପୀଠ ଉଦୟପୁର ପାଠାଗାର ଓ ସଂଗ୍ରହାଳୟ ପରିସରରେ ଥିବା ଦାସିଆ ଅଜାଙ୍କ ପ୍ରତିମୂର୍ତ୍ତି ଓ ସମାଧିପୀଠ ରେ ଫୁଲ ଧୂପ ମାଲ୍ୟାର୍ପଣ ସହିତ ଦାସିଆ ଅଜା ଙ୍କ ଶ୍ରଦ୍ଧାଳୁ ମାନଙ୍କ ଦ୍ଵାରା ଭଜନ, ନାମ ସଙ୍କୀର୍ତ୍ତନ,ପ୍ରାର୍ଥନା ଏବଂ ଭାଗବତ ପାଠ କାର୍ଯ୍ୟକ୍ରମ କରାଯାଇ ଦାସିଆ ଅଜା ଓ ସହଧର୍ମିଣୀ ପୌର୍ଣ୍ଣମାସୀ ଦେବୀ ଭକ୍ତିପୂତ ଶ୍ରଦ୍ଧାଞ୍ଜଳୀ ପ୍ରଦାନ କରାଯାଇଥିଲା ।
