ଓଡ଼ିଶା ତାଜା ନ୍ୟୁଜ (୧୧ ସେପ୍ଟେମ୍ବର ଶନିବାର ) କଳାହାଣ୍ଡି :- ପବିତ୍ର ଗଣପର୍ବ ନୂଆଁଖାଇ। ପଶ୍ଚିମ ଓଡ଼ିଶାର ସବୁଠାରୁ ମୁଖ୍ୟ ଓ ସର୍ବୋତ୍କୃଷ୍ଟ ପର୍ବ ହେଉଛି ନୂଆଁଖାଇ। ଭାଇଚାରାର ବାର୍ତା ନେଇ ପରମ୍ପରା ଓ ବନ୍ଧୁମିଳନର ଏହା ଅନନ୍ୟ ନିଦର୍ଶନ ଅଟେ। ମୋଟାମୋଟି ଭାବରେ ଏହା କୃଷି ଭିତ୍ତିକ, ମୈତ୍ରୀ, ଶାନ୍ତି, ସଦଭାବନା ଓ ଆନନ୍ଦ ଉତ୍ସବମୟ ପର୍ବ ନୂଆଁଖାଇ। ନୂଆଁ ଅନ୍ନ (ଧାନ) ଇଷ୍ଟ ଦେବାଦେବୀଙ୍କ ପାଖରେ ଭୋଗ ଲାଗି ଭକ୍ଷଣ କରିବା ହିଁ ନବାନ୍ନ । ଏହି ପର୍ବଟି ନର୍ଲା ବ୍ଳକର ସମସ୍ତ ଗାଁ ଗଣ୍ଡାରେ ହର୍ଷ ଉଲ୍ଲାସରେ ପାଳିତ ହୋଇଛି ।
ଭୀମକେଲା ଗ୍ରାମରେ ରାମେଶ୍ବର ଠାକୁର ଓ ଧରଣୀ ପୀଠରେ ନୂଆଁ ଧାନରେ ଖେଡସୁଆଁ ହେବା ପରେ ଘରେ ଘରେ ନୂଆଁ ଧାନରେ ପ୍ରସ୍ତୁତ ଅନ୍ନ କିମ୍ବା ଚୁଡ଼ା ମା ଲକ୍ଷ୍ମୀ ଓ ଘର ଇଷ୍ଟଦେବାଦେବୀଙ୍କ ପାଖରେ ଲାଗି ପରିବାର ଲୋକେ ଏକାଠି ବସି ଅନ୍ନ ଭୋଗ ଭକ୍ଷଣ କରିଥିଲେ।ଭୀମକେଲା ଗୈାନ୍ତିଆପଡା ଠାରେ ରାମେଶ୍ବର ଗଣେଶ ପୂଜା କମିଟି ପକ୍ଷରୁ ନବାନ୍ନ ଅବସରରେ ଛୋଟ ଛୋଟ ଶିଶୁ ମାନଙ୍କୁ ନେଇ ବିଭିନ୍ନ ଖେଳ କସରତ ଅନୁଷ୍ଠିତ ହୋଇଥିଲା ।
