କରୋନା ଆକ୍ରାନ୍ତଙ୍କ ସଂଖ୍ୟା ୬୮ରେ ପହଞ୍ଚିଛି, ରାଜ୍ୟରେ ଆଉ ୭ କରୋନା ପଜିଟିଭ୍ ଚିହ୍ନଟ ।

ଭୁବନେଶ୍ୱର,ରିପୋର୍ଟ (ଓଡିଶା ତାଜା ନ୍ୟୁଜ୍‌ ) ,ସୋମବାର ,ଏପ୍ରିଲ 20.4.2020 :- ଏବେ ରାଜ୍ୟରେ ଆଉ ୭ କରୋନା ପଜିଟିଭ୍ ଚିହ୍ନଟ ହୋଇଥିବାର ସୂଚନା ମିଳିଛି ।ରାଜ୍ୟରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୬୮ରେ ପହଞ୍ଚିଛି। କିନ୍ତୁ ଏହି ୭ଜଣ କରୋନା ଆକ୍ରାନ୍ତ ରୋଗୀ କେଉଁ ଅଂଚଳର ଓ କାହା ସଂସ୍ପର୍ଶରେ ଆସିଛନ୍ତି ଜଣା ପଡ଼ିନାହିଁ । ଏ ନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର ବିଭାଗ ପକ୍ଷରୁ ସୂଚନା ମିଳିଛି । ପରୀକ୍ଷା କରାଯାଇଥିବା ୧୦ ହଜାର ୬୧୪ଟି ନମୂନା ମଧ୍ୟରୁ ୬୮ଜଣଙ୍କର ପଜେଟିଭ୍ ବାହାରିଥିବା ବେଳେ ୧୦ହଜାର ୫୭୩ଟି ନଗେଟିଭ୍ ଆସିଛି । ଏହି ୬୮ଜଣଙ୍କ ମଧ୍ୟରୁ ୨୪ଜଣ ସୁସ୍ଥ ହୋଇ ଫେରିଛନ୍ତି, ଜଣେ ମୃତ୍ୟୁବରଣ କରିଛନ୍ତି ଓ ଅନ୍ୟ ୪୩ଜଣ ଚିକିତ୍ସିତ ଅବସ୍ଥାରେ ଅଛନ୍ତି ।