ଦୂର ଦୃଷ୍ଟିଅଭାବରେ ବୈଦ୍ୟେଶ୍ୱର ଗୋପୀନାଥପୁର ସେତୁରେ ସିଂହନାଥପୀଠ କୁ ସଂଯୋଗ କରୁଥିବା ଅଣଓସାରିଆ ସେତୁ ନିର୍ମାଣ କାହା ସ୍ୱାର୍ଥରେପ୍ରଶ୍ନକଲା ବିଜେପି 

ଓଡ଼ିଶା ତାଜା ନ୍ୟୁଜ୍ (୫ ସେପ୍ଟେମ୍ବର ରବିବାର) ବାଙ୍କୀ :- ବୈଦ୍ୟେଶ୍ୱର ଓ ଗୋପୀନାଥପୁରକୁ ସଂଯୋଗ କରୁଥିବା ମହାନଦୀର ଏହି ଦୀର୍ଘତମ ସେତୁ ନିର୍ମାଣ ଦ୍ୱାରା ପଶ୍ଚିମ ଓଡ଼ିଶା ଓ ଦକ୍ଷିଣ ଓଡ଼ିଶା ଗମନାଗମନ ସୁଗମ ହୋଇ ପାରିବା ସହ ବାଣିଜ୍ୟ କାରବାର ସହ ବାଙ୍କୀ ଓ ବଡମ୍ବା ର ଉନ୍ନତି  ହୋଇପାରିବ। ଏହି ସେତୁଟିର ନାମକରଣ  ବାଙ୍କୀ ବୈଦ୍ୟେଶ୍ୱରରେ ଜନ୍ମିତଓ ଗୋପୀନାଥପୁର ଠାରେ କର୍ମମୟ ଜୀବନ ବିତାଇଥିବା ଏବଂ  ସିଂହନାଥପୀଠ ରେ ବଡ଼ମ୍ବା ରାଜାଙ୍କ ଦ୍ୱାରା ବିଦ୍ୟାରତ୍ନ ଉପାଧି  ପାଇଥିବା ଓଡ଼ିଶାର ସାହିତ୍ୟର ପ୍ରାଣପ୍ରତିଷ୍ଠାତା ଓ ଦିଗଦର୍ଶକ ପଣ୍ଡିତ ନୀଳମଣି ବିଦ୍ୟାରତ୍ନଙ୍କ ନାମରେ କରିବାକୁ ବିଜେପି ସମିତ ବହୁ ଅନୁଷ୍ଠାନ ସହ ବିଭିନ୍ନ  ବୁଦ୍ଧିଜୀବି ଦାବି କରୁଥିବା ବେଳେ ସେତୁଟି ସମ୍ପୂର୍ଣ୍ଣ ହେବାକୁ ବସିଲାଣି ମାତ୍ର ଆଜି ପର୍ଯ୍ୟନ୍ତ ଏହାର ନାମକରଣ “ବିଦ୍ୟାରତ୍ନ ସେତୁ “କାହିଁକି କରାଯାଇ ନାହିଁ ତାହା ବାଙ୍କୀ ବିଜେପି ବିଧାୟକ ପାର୍ଥୀ ତଥା ରାଷ୍ଟ୍ରୀୟ କୃଷକ ମୋର୍ଚ୍ଚା ସଦସ୍ୟ ଶୁଭ୍ରାଂଶୁ ମୋହନ ପାଢ଼ୀ ରାଜ୍ୟ ସରକାରଙ୍କୁ ପ୍ରଶ୍ନ ପଚାରିଛନ୍ତି । ଦୁର୍ଭାଗ୍ୟର ବିଷୟ ସେତୁର ନିର୍ମାଣ ସହ ପବିତ୍ର ସିଂହନାଥପୀଠକୁ ସଂଯୋଗକରଣ ପାଇଁ ସେତୁ ପୂର୍ତ୍ତ ବିଭାଗ ର ଅତିରିକ୍ତ ଅର୍ଥ ମଞ୍ଜୁର କରି ସର୍ଵ ମୋଟ ୧୩୧.୭୧ କୋଟି ବେୟ ରେ ଏହି ସେତୁ ନିର୍ମାଣ ହେଉଛି ।

ଏହି ମୁଖ୍ୟ ବୈଦେଶ୍ୱର ଓ ଗୋପୀନାଥ ପୁର  ୩କିମି.୧୪୯ମିଟର ସେତୁ ରୁ ସିଂହନାଥପୀଠକୁ ସଂଲଗ୍ନ ପାଇଁ  ଏକ ୨୩୬.୨୫ ମିଟରନିର୍ମାଣ ହେଉଛି। ମାତ୍ର ବିଭାଗର ଦାୟୀତ୍ୱ ହୀନତା ଯୋଗୁଁ ଐତିହାସିକ ସେତୁ କାର୍ଯ୍ୟ ଉପଯୋଗୀ ହୋଇ ପାରିବ ନାହିଁ ବିଜେପି ଦାବି କରିଛି । କାରଣ ପବିତ୍ର ସିଂହନାଥପୀଠକୁ ସଂଯୋଗ କରୁଥିବା ଏହି ସେତୁର ଓସାର ୬ଫୁଟ ଥିଲା ବେଳେ ସେତୁ ଦେଇ କୌଣସି ଗାଡ଼ି ପୀଠକୁ ଯାଇ ପାରିବ ନାହିଁ । ଏହି ସେତୁ ଦେଇ ପର୍ଯ୍ୟଟକମାନେ କିପରି ପୀଠକୁ ଯିବେ ତାହା ଚିନ୍ତାର ବିଷୟ । ପୂର୍ତ୍ତ ବିଭାଗ ଓ ପର୍ଯ୍ୟଟନ ବିଭାଗର ଦୂରଦୃଷ୍ଟି ଅଭାବରୁ ଏହି ସମସ୍ୟା ଉପୁଜୁଛି ବୋଲି ବାଙ୍କୀର ବରିଷ୍ଠ ବିଜେପି ନେତା ଶ୍ରୀ ପାଢ଼ୀ ପ୍ରକାଶ କରିଛନ୍ତି । ପବିତ୍ର ସିଂହନାଥ ପୀଠ ସଂଲଗ୍ନ ପଠାକୁ ଯଦି ଏହି ସେତୁ ସଂଯୋଗ ହୋଇଥାନ୍ତା ତେବେ ଯାନବାହନ ରହଣି ପାଇଁ ସୁବିଧା ହେବା ସହ ବହୁ ପର୍ଯ୍ୟଟକ ଆସିପାରିଥାନ୍ତେ ।

ପବିତ୍ର ମାଘମାସର ମକରମେଳା ସମୟରେ ବଡ଼ମ୍ବା, ବାଙ୍କୀ ତଥା ଆଖପାଖ ଅଞ୍ଚଳର ବହୁ କ୍ଷୁଦ୍ର ବ୍ୟବସାୟୀମାନେ ଏଠାକୁ ଆସି ମିନା ବଜାର ପକେଇ  ଅର୍ଥ ରୋଜଗାର କରିଥାନ୍ତି । ମାତ୍ର ଏହି ସେତୁ ନିର୍ମାଣ ଓ ସଂଯୋଗୀକରଣ ଅଭାବରୁ ଉକ୍ତ ସ୍ଥାନରେ ଉକ୍ତ ବେପାରୀ ମାନେ  ବେପାର ବାଣିଜ୍ୟ କରିପାରିବେ ନାହିଁ । ସରକାର ଦୂରଦୃଷ୍ଟି ଆଭାଵ ରୁ ଏହି ସଂଲଗ୍ନ ସେତୁ ପ୍ରକୃତ ଡିଜାଇନ ଓ ଚଉଡ଼ା ରେ ନକରି ପରିଥିବାରୁ ମାଘ ମେଳା ରେ ବେପାରୀ ଦ୍ୱାରା ବେପାର ହୋଇପାରିନଥିବାରୁ ସରକାର  ସିଧାସଳଖ ଉକ୍ତ ବ୍ୟବସାୟୀଙ୍କ ପେଟକୁ ନାତ ମାରିଥିବା ବିଜେପି ପ୍ରକାଶ କରିଛି । ଏହି ସେତୁ ଦେଇ ସିଂହନାଥ ପୀଠକୁ ଭକ୍ତ ଓ ପର୍ଯ୍ୟଟକମାନେ ଯିବା ପାଇଁ କୌଣସି ଗାଡି ରହଣି ବ୍ୟବସ୍ଥା ନାହିଁ । ଲୋକେ ବୈଦ୍ୟେଶ୍ୱର କିମ୍ବା ଗୋପୀନାଥପୀଠ ଠାରେ ଗାଡ଼ି ରହଣି କରି ଉକ୍ତ ସ୍ଥାନକୁ ଚାଲି ଚାଲି ଆସିବେ  ତାହା ଦୁର୍ଭାଗ୍ୟର ବିଷୟ ବୋଲି ଶ୍ରୀ ପାଢ଼ୀ ପ୍ରକାଶ କରିଛନ୍ତି । ଏହି ସେତୁର ପରିକଳ୍ପନାରେ ବାସ୍ତବରେ କାହା ସ୍ୱାର୍ଥ ଓ କାହା ଇଙ୍ଗିତ ଲୁଚି ରହିଛି  ସେ ସଂପର୍କରେ  ବିଜେପି ନେତା ଶ୍ରୀ ପାଢ଼ୀ ପ୍ରଶ୍ନ କରିଛନ୍ତି ।

ଯଦି ଉକ୍ତ ମନ୍ଦିର ସଂଲଗ୍ନ ପଠାର ଉନ୍ନତିକରଣ ଓ ସେତୁର ଓସାର ବଢ଼ାଯାଇପରିବ ଓ ଗାଡି ରହଣି କେନ୍ଦ୍ର କରାଯିବ ତେବେ ଜନସାଧାରଣ ଉପକୃତ ହେବେ  ।ଏ ସମ୍ପର୍କରେ ସେତୁ ନିର୍ମାଣ କରାଉଥିବା  ପୃତ୍ତ ବିଭାଗ ଚାରିବାଟିଆ ଅଧିନ ରେ ଥିବା ଆଠଗଡ଼ ଉପଖଣ୍ଡ ପୃତ୍ତ ବିଭାଗ ଅଧିକାରୀ  ଜୟନ୍ତ କୁମାର ନାୟକ ଙ୍କୁ ପଚାରିବାରୁ ସେ କହିଲେ ଉକ୍ତ ସିଂହନାଥ ପୀଠ ଏ.ଅସ.ଆଇ ଅଧିନ ଏ.ଅସ.ଆଇ ନିୟମ ଅନୁଯାୟୀ ପୀଠ ପାଖରେ କୌଣସି ସ୍ଥାୟୀ ପ୍ରକଳ୍ପ ନିର୍ମାଣ କରି ହେବ ନାହିଁ ବହୁ ଚେଷ୍ଟା ଓ ବଡମ୍ବା ବିଧାୟକ ଦେବୀ ପ୍ରସାଦ ମିଶ୍ର ଙ୍କ ଚେଷ୍ଟା ରେ ପୃତ୍ତ ବିଭାଗ ଓ ଏ.ଅସ.ଆଇ ମଧ୍ୟରେ ଆଲୋଚନା ପରେ ଏହି ସଂଯୋଗି କରଣ ସେତୁ ନିର୍ମାଣ ହେବାକୁ ଯାଉଛି ।୨୩୬.୨୫ ମିଟର ଏହି ସଂଯୋଗ ସେତୁ ଏ.ଅସ.ଆଇ ନିୟମ ମାନି ହୋଇଛି।କିପରି ପର୍ଯ୍ୟଟକ ଓ ଭକ୍ତ ଙ୍କ ଯିବା ଆସିବା ସୁବିଧା ହେବ ସେ ସମ୍ପର୍କରେ ସମସ୍ତ କାର୍ଯ୍ୟ ସାରି ଖୁବ ଶୀଘ୍ର ସେତୁ କୁ ମୁଖ୍ୟମନ୍ତ୍ରୀ ଲୋକାର୍ପଣ କରିବେ।