ଯୁବକ ଉନ୍ମୁକ୍ତ କାଣ୍ଡ ଘଟାଇ ଗିରଫ

ରଣପୁର,ରିପୋର୍ଟ ( ଓଡିଶା ତାଜା ନ୍ୟୁଜ୍‌ ) ରଣପୁର, ଶୁକ୍ରବାର, ଏପ୍ରିଲ 17.4.2020 :- ରଣପୁରରେ କରୋନା ପାଇଁ ଲଗ୍ ଡାଉନ କଡା କଡି ଥିବା ବେଳେ ଗତକାଲି ରାତିରେ ଜୈନିକ ନିଶା ଖୋର ବ୍ୟକ୍ତି ନିଶାରେ ଚୁର ହୋଇ ରାସ୍ତା ଉପରେ ଠିଆ ହୋଇ ଗାଳି ଗୁଲଜ କରୁଥିଲେ । ଏହି ସମୟରେ ପୁଲିସ ତରଫରୁ ତଦାରଖ କାର୍ଯ୍ୟ ଚାଲିଥିବା ବେଳେ ହଠାତ୍ ଏହି ଘଟଣା ନଜରକୁ ଆସିବାରୁ ପୁଲିସ କର୍ମଚାରୀମାନେ ଉକ୍ତ ବ୍ୟକ୍ତିଙ୍କୁ ଏଭଳି କାର୍ଯ୍ୟରୁ ନିବୃତ ହେବାକୁ ବୁଝାଇଥିଲେ । ଉକ୍ତ ବ୍ୟକ୍ତି ପୁଲିସର ନିର୍ଦ୍ଦେଶକୁ ନ ମାନି ଅଧିକ ଗାଳି ଗୁଲଜ କରିବା ସହ ଆକ୍ରମଣ କରିଥିଲେ । ଏହି ଆକ୍ରମଣରେ ୩ ଜଣ ପୁଲିସ କର୍ମଚାରୀ ଆହତ ହୋଇ ରଣପୁର ମେଡିକାଲରେ ଚିକିତ୍ସା ହୋଇଛନ୍ତି । ପରେ ଏଥି ନେଇ ରଣପୁର ପୁଲିସ ତରଫରୁ ଏକ ମାମଲା ରୁଜୁ କରାଯାଇ ଯୁବକ ଗଣେଶ ପ୍ରଧାନଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି ।