ଅଭିନବ ବାଙ୍କୀ ଇତିହାସ’ – ପୁସ୍ତକ ଉନ୍ମୋଚିତ

ଓଡ଼ିଶା ତାଜା ନ୍ୟୁଜ (୧୨ ଅଗଷ୍ଟ ଗୁରବାର)  ବାଙ୍କୀ  :- ଆଜି ବାଙ୍କୀ ଉପଖଣ୍ଡ ଡମପଡ଼ା ବ୍ଲକ ତୁଳସୀପୁର ଶ୍ରୀ ଶ୍ରୀ ନୀଳକଣ୍ଠଶ୍ୱର ଦେବଙ୍କ ପ୍ରାଙ୍ଗଣରେ ଆୟୋଜିତ କାର୍ଯ୍ୟକ୍ରମରେ ମାଗୁଣି ସାହୁ ଓ ଭୀମସେନ ନାୟକଙ୍କ ଦ୍ୱାରା ରଚିତ ‘ଅଭିନବ ବାଙ୍କୀ ଇତିହାସ’ ପୁସ୍ତକ ଉନ୍ମୋଚିତ ହୋଇଛି । ବାଙ୍କୀର ପୂର୍ବତନ ବିଧାୟକ ପ୍ରଭାତ କୁମାର ତ୍ରିପାଠୀ ଏହି ପୁସ୍ତକକୁ ଉଦ୍‌ଘାଟନ କରି କହିଲେ ଏହି ପୁସ୍ତକଟି ବାଙ୍କୀର ଯୁବପିଢ଼ୀମାନଙ୍କୁ ବାଙ୍କୀ ସଂପର୍କରେ ଜାଣିବା ପାଇଁ ପ୍ରେରଣା ଯୋଗାଇବ । ବାଙ୍କୀ ବିଧାୟକ ଦେବୀରଞ୍ଜନ ତ୍ରିପାଠୀ ମୁଖ୍ୟ ଅତିଥି ଭାବରେ ଯୋଗଦେଇ ପୁସ୍ତକ ରଚୟିତା ଦ୍ୱୟଙ୍କୁ ପ୍ରଶଂସା କରିବା ସହିତ ସେମାନେ ବହୁ ପରିଶ୍ରମ କରି ଅଭିନବ ବାଙ୍କୀ ଇତିହାସକୁ ସମୃଦ୍ଧ କରିଛନ୍ତି ।

ଏହି ପୁସ୍ତକଟି ବାଙ୍କୀର ଜନସାଧାରଣଙ୍କ ନିକଟରେ ଆଦୃତ ହୋଇ ପାରିବ ବୋଲି ଆଶା ପ୍ରକାଶ କରିଥିଲେ । କବି କୌଶିକ ନାୟକ ସମ୍ମାନୀତ ଅତିଥି, ଡଃ.ଗଣେଶ୍ୱର ସ୍ୱାଇଁ (ଗବେଷକ)ମୁଖ୍ୟବକ୍ତା, ଡଃ.ବୈରାଗୀ ଚରଣ ପଟ୍ଟନାୟକ ବିଶେଷ ସମ୍ମାନୀତ ଅତିଥି , ଭାବରେ ଯୋଗଦେଇ ଅଭିନବ ବାଙ୍କୀ ଇତିହାସ ସଂପର୍କରେ ନିଜର ମତ ପ୍ରକାଶ କରିଥିଲେ । ପୂର୍ବତନ ସମିତି ସଭ୍ୟ ନାରାୟଣ ଜେନା ଏହି କାର୍ଯ୍ୟକ୍ରମକୁ ସଂଯୋଜନା କରି ଧନ୍ୟବାଦ ଅର୍ପଣ କରିଥିଲେ ।