ତୃତୀୟ ଦିନରେ ପୁଣି ଖୁସି ଖବର : ଆଉ ୫ ଜଣ କରୋନା ଆକ୍ରାନ୍ତ ସୁସ୍ଥ

ଭୁବନେଶ୍ୱର, ରିପୋର୍ଟ ( ଓଡିଶା ତାଜା ନ୍ୟୁଜ୍‌ ) ୫ ଜଣ କରୋନା ଆକ୍ରାନ୍ତ ସୁସ୍ଥ ,ମଙ୍ଗଳବାର, ଏପ୍ରିଲ 14.4.2020 :- ଭୁବନେଶ୍ୱର, ତୃତୀୟ ଦିନରେ ପୁଣି ଖୁସି ଖବର । ଆଜି ଆଉ ୫ ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି । ସେମାନଙ୍କ ଟେଷ୍ଟ ରିପୋର୍ଟ ନେଗେଟିଭ୍ ବାହାରିଛି । ସମସ୍ତେ ହେଉଛନ୍ତି ଭୁବନେଶ୍ୱରର । ୧୦ ତାରିଖ ରାତିରେ ଏକା ସାଙ୍ଗେ ୧୦ ଜଣ କରୋନା ଆକ୍ରାନ୍ତ ହୋଇଥିଲେ । ପୂର୍ବରୁ ରାଜ୍ୟର ପ୍ରଥମ ଓ ଦ୍ୱିତୀୟ କରୋନା ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଥିଲେ । ସ୍ୱାସ୍ଥ୍ୟ ବିଭାଗ ପକ୍ଷରୁ ଆଜି ରାତିରେ ଟ୍ୱିଟ୍ ଯୋଗେ ଏହି ସୂଚନା ଦିଆଯାଇଛି । ଗତକାଲି କାଳାହାଣ୍ଡିର ଜଣେ ଆକ୍ରାନ୍ତ ସୁସ୍ଥ ହେଇଥିଲେ । ସମସ୍ତଙ୍କୁ ମିଶାଇ ଏବେ ରାଜ୍ୟର ୧୮ ଜଣ ଆକ୍ରାନ୍ତ ସୁସ୍ଥ ହେଲେଣି ଆଜି ଆଉ ଜଣେ ପଜିଟିଭ୍ ଙ୍କୁ ମିଶାଇ ରାଜ୍ୟରେ କରୋନା ଆକ୍ରାନ୍ତ ଙ୍କ ସଂଖ୍ୟା ଏବେ ୫୫ରେ ପହଂଚିଛି । ତେବେ ସେମାନଙ୍କ ମଧ୍ୟରୁ ୧୮ ଜଣ ସୁସ୍ଥ ହେବା ସମସ୍ତଙ୍କୁ ଆଶ୍ୱସ୍ଥି ଆଣି ଦେଇଛି । ସମସ୍ତଙ୍କ ମିଳିତ ସହଯୋଗରେ ଓଡିଶା କୋଭିଡ୍ ବିରୋଧୀ ଲଢେଇରେ ବିଜୟୀ ହେବାକୁ ଯାଉଛି ବୋଲି ସ୍ୱାସ୍ୟ୍ଥ ବିଭାଗ ପକ୍ଷରୁ କୁହାଯାଇଛି ।