ଐତିହ୍ୟ , ପରଂପରା , ଭାଷା, ସଂସ୍କୃତି , ସଂରକ୍ଷଣ ,ଜଲ ଜଙ୍ଗଲ ଜମି ଅଧିକାର ସଂକଳ୍ପ ।
ଓଡ଼ିଶା ତାଜା ନ୍ୟୁଜ (୯ ଅଗଷ୍ଟ ସୋମବାର ) ପାଟଣାଗଡ଼ – ଆଜି ବଲାଙ୍ଗିର ଜିଲ୍ଲା ପାଟଣାଗଡ଼ ସ୍ଥାନୀୟ ଆଦିବାସୀ ଭବନ ପରିସରରେ ସଂଘ ପକ୍ଷରୁ ୨୭ ତମ ବିଶ୍ଵ ଆଦିବାସୀ ଦିବସ ପାଳିତ ହୋଇଯାଇଛି । ପ୍ରାରମ୍ଭ ରେ ବିର୍ସା ମୁଣ୍ଡା ,ଜୟ ସିଂ ପାଳ ମୁଣ୍ଡା ,ରିଣ୍ଡୋ ମାଝୀ , ଙ୍କ ସହ ସଂଘ ଜିଲ୍ଲା ସଭାପତି ସ୍ଵର୍ଗତ ବ୍ରଜ କିଶୋର ସିଂ ଭୋଇ ଙ୍କ ଫଟୋଚିତ୍ର ରେ ଦୀପ ପ୍ରଜ୍ବଳନ ସହ ପୁଷ୍ପ ମାଳ୍ୟ ଅପର୍ଣ କରାଯାଇଥିଲା । ସଂଘ ସଭାପତି ଅଷ୍ଟ ରତ୍ନ ବରିହା ଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ପ୍ରାରମ୍ଭିକ ସାମୁହିକ ଭାବରେ ସଂଗ୍ରାମୀ ସଂଗିତ ସଂଘର ଯୁଗ୍ମ ସମ୍ପାଦକ ଗିରିଧାରୀ ଭୋଇ ଗାଇଥିଲେ ।
ଉପ ସଭାପତି ଗଦି ବରିହା ,ସଂପାଦକ ସାରଥୀ ବାଗ ,ମରୁଆଁ ପଞ୍ଚାୟତ ସରପଞ୍ଚ ତଥା ଆଦିବାସୀ ନାରୀ ନେତ୍ରୀ ସନ୍ତୋଷିନୀ ବିଶି , ଯୁଗ୍ମ ସମ୍ପାଦକ ଗିରିଧାରୀ ଭୋଇ, ସଂଗଠକ ଲେକୃ ଧରୁଆ ,ଯତିନ ବୁଡେକ ପ୍ରମୁଖ ଯୋଗଦେଇ ଆଦିବାସୀଙ୍କ ହକ ଅଧିକାରୀ ଶିକ୍ଷା , ସ୍ବାସ୍ଥ୍ୟ, , ସଂସ୍କୃତି , ଐତିହ୍ୟ , ପରଂପରା ଏକତା , ସାମ୍ବିଧାନିକ ଅଧିକାର , ଭାଷା ସୁରକ୍ଷା ଉପରେ ଆଲୋକପାତ କରିଥିଲେ । ପରେ ୭ ଦଫା ସମ୍ବଳିତ ଦାବିପତ୍ର ସହକାରୀ ଉପଜିଲ୍ଲାପାଳ କ୍ଷିରୋଦ ଚଂଦ୍ର ସାହୁ ଙ୍କୁ ମୂଖ୍ୟ ମନ୍ତ୍ରୀ ଙ୍କ ଉଦ୍ଦେଶ୍ୟରେ ପ୍ରଦାନ କରିଥିଲେ ।
