ବିକେଏମୟୁ ତରଫରୁ ପାରଳାଖେମୁଣ୍ଡି ସ୍ଥିତ ଗଜପତି ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ

ଓଡ଼ିଶା ତାଜା ନ୍ୟୁଜ ( ୬ ଅଗଷ୍ଟ ଶୁକ୍ରବାର ) ପାରଳାଖେମୁଣ୍ଡି :- କେନ୍ଦ୍ର ସରକାରଙ୍କ ୩ଟି କଳା କୃଷି ଆଇନ ଓ ଶ୍ରମ କୋଡକୁ ୪ରେ ସୀମିତ କରାଯିବାକୁ ବିରୋଧ କରି ଗଜପତି ଜିଲ୍ଲାର ସଦରମହକୁମା ପାରଳାଖେମୁଣ୍ଡି ସ୍ଥିତ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକେ ଏମୟୁ ତରଫରୁ ବିକ୍ଷୋଭ ପ୍ରଦର୍ଶନ କରାଯାଇଥିଲା । ବିକେଏମୟରୁ ରାଜ୍ୟ ସଭାପତି ଜେନ୍ନା ସୁବାଷ ଚନ୍ଦ୍ର ରାଓଙ୍କ ନେତୃତ୍ୱରେ ବହୁସଂଖ୍ୟକ ଦଳୀୟ ନେତା ଓ କର୍ମୀ ସାମିଲ ହୋଇଥିଲେ । ଏନେଇ ୮ଦଫା ସମ୍ବଳିତ ଦାବୀପତ୍ର ଜିଲ୍ଲା ପ୍ରଶାସନ ଜରିଆରେ ମହାମହିମ ରାଜ୍ୟପାଳଙ୍କ ଉଦ୍ଧେଶ୍ୟରେ ପ୍ରଦାନ କରାଯାଇଥିଲା ।

ଉକ୍ତ ଦାବୀପତ୍ରରେ କେନ୍ଦ୍ର ସରକାରଙ୍କ ପ୍ରଣୀତ ୩ଟି କଳା କୃଷିଆଇନ ପ୍ରତ୍ୟାହାର କରିବା, ପରିବର୍ତ୍ତିତ ଶ୍ରମ କୋଡ୍ କାର୍ଯ୍ୟ ନକରିବା, ମହାତ୍ମା ଗାନ୍ଧୀ ନିଶ୍ଚିତ କର୍ମ ନିଯୁକ୍ତି ଯୋଜନା (ଏମଜିଏନଆରଇଜିଏ) ନିମନ୍ତେ ସରକାର ଯେଉଁ ଏଡଭାଇଜରୀ(ପରାମର୍ଶ/ଉପଦେଶ) ଜାରୀ କରିଛନ୍ତି ତାହା ପ୍ରତ୍ୟାହାର କରିବା, ପ୍ରତ୍ୟେକ ରାଜ୍ୟରେ କୃଷି ଶ୍ରମିକ ମଙ୍ଗଳ ବୋର୍ଡ ଗଠନ କରିବା,

ମହାତ୍ମା ଗାନ୍ଧୀ ନିଶ୍ଚିତ କର୍ମ ନିଯୁକ୍ତି ଯୋଜନାରେ ବର୍ଷକୁ ୨ଶହ ଦିନ କାମ ଯୋଗାଇବା ସହ ଦୈନିକ ୨୦୦ରୁ ୬୦୦ଟଙ୍କାକୁ ବୃଦ୍ଧି କରିବା ଓ ୫୫ବର୍ଷରୁ ଉର୍ଦ୍ଧ ବୟସର କୃଷି ଶ୍ରମିକଙ୍କୁ ମାସିକ ୨ହଜାର ଟଙ୍କା ଲେଖାଁଏ ପେନସନ୍ ପ୍ରଦାନ କରିବା ଉଲ୍ଲେଖ ରହିଛି । ଜିଲ୍ଲା ପ୍ରଶାସନ ତରଫରୁ ଡେପୁଟି କେଲକ୍ଟର ନର୍ମଦା ନାୟକ(ସାଧାରଣ ପ୍ରଶାସନ ବିଭାଗ) ଦାବୀପତ୍ରଟି ଗ୍ରହଣ କରିଥିଲେ । ଏହି ଦାବୀପ୍ରତ ପ୍ରଦାନ ବେଳେ ଲିଙ୍ଗରାଜ ଦଳେଇଙ୍କ ବହୁ ନେତା ଓ କର୍ମୀ ଉପସ୍ଥିତ ଥିଲେ (ଗରୁଡ଼ ଧ୍ଵଜ ଚୌଧୁରୀ )