ଲକ୍ ଡାଉନ : ଚାଷୀଙ୍କ ସମସ୍ୟାର ସମାଧାନ ପାଇଁ ପ୍ରୟାସ ଚାଲିଛି – କୃଷିମନ୍ତ୍ରୀ

ଭୁବନେଶ୍ୱର, ରିପୋର୍ଟ (ଓଡିଶା ତାଜା ନ୍ୟୁଜ୍‌) କୃଷି ମନ୍ତ୍ରୀ ଅରୁଣ ସାହୁ ଭୁବନେଶ୍ୱର, ଶନିବାର, ଏପ୍ରିଲ 11.4.2020 :- କୃଷକ ଟିଏ ସମାଜର ମେରୁଦଣ୍ଡ । କୃଷକ ଟିଏ ସକାଳ ପାଇଲେ ତାର କ୍ଷେତକୁ ଯାଇ ଶସ୍ୟ ଅମଳରେ ଲାଗିଯାଏ । ସେହି ଶସ୍ୟ ସେ ଅମଳ କଲା ପରେ ଦୁନିଆକୁ ଆହାର ଟିକେ ଯୋଗାଇଥାଏ । ହେଲେ ଦିନକୁ ଦିନ କରୋନା ପାଇଁ ସ୍ଥିତି ବିଗିଡ଼ିବାରେ ଲାଗିବା ଫଳରେ କୃଷି କାର୍ଯ୍ୟରେ ମଧ୍ୟ ବ୍ୟାଘାତ ଲାଗିଥିଲା । ଏହାରି ମଧ୍ୟରେ କୃଷିକୁ ନେଇ ଚିନ୍ତାବ୍ୟକ୍ତ କରିଛନ୍ତି କୃଷିମନ୍ତ୍ରୀ ଅରୁଣ ସାହୁ । ଲକ୍ ଡାଉନ ଯୋଗୁଁ କୃଷି କ୍ଷେତ୍ରରେ କିଛି ସମସ୍ୟା ସୃଷ୍ଟି ହେଉଛି ବୋଲି କୃଷିମନ୍ତ୍ରୀ କହିଛନ୍ତି । ଏହି ସମସ୍ୟା ଦୂର ପାଇଁ ପ୍ରୟାସ ଚାଲିଛି । ଜିଲ୍ଲା ସ୍ତରରେ ଥିବା ଚାଷୀଙ୍କ ସମସ୍ୟାକୁ ଗୁରୁତ୍ୱ ଦିଆଯାଇଛି । କିଛି ଦିନ ତଳେ କୃଷି ମନ୍ତ୍ରୀ ଡ଼ ସାହୁ ଜିଲ୍ଲା କୃଷି ଅଧିକାରୀଙ୍କ ସହିତ ଭିଡ଼ିଓ କଂଫେରେନ୍ସିଂଗ ମାଧ୍ୟମରେ ମଧ୍ୟ ଆଲଚନା କରିଥିଲେ। ମୁଖ୍ୟମନ୍ତ୍ରୀ ଲକ୍ ଡାଉନରେ କୃଷିକ୍ଷେତ୍ରକୁ ବାଦ୍ ଦେଇଛନ୍ତି ବୋଲି କୃଷିମନ୍ତ୍ରୀ କହିଛନ୍ତି । ସୁରୁଖୁରୁରେ ଅମଳ ଟ୍ରାନ୍ସପୋର୍ଟିଂ ପାଇଁ ଧ୍ୟାନ ଦିଆଯାଉଛି । ଆଜି ଲକ୍ ଡାଉନରୁ କେନ୍ଦ୍ର ଗୃହ ମନ୍ତ୍ରାଳୟ ମତ୍ସ୍ୟଚାଷକୁ ବାଦ୍ ଦେଇଛନ୍ତି । କେନ୍ଦ୍ରର ଏହି ଗାଇଡ଼୍ ଲାଇନ୍ ଉପରେ ରାଜ୍ୟ ସରକାର ବିଚାର କରୁଛନ୍ତି ବୋଲି ସେ କହିଛନ୍ତି ।