ୱାର୍ଡୱିଜାର୍ଡ ଇନୋଭେସନ୍ସ ଆଣ୍ଡ୍‌ ମୋବିଲିଟି ପକ୍ଷରୁ ୨୦୨୧ରେ ୪୦୦%ରୁ ଅଧିକ ଅଭିବୃଦ୍ଧି ସହ ୯୪୫ ୟୁନିଟ୍‌ ଗାଡ଼ି ବିକ୍ରି

ଓଡ଼ିଶା ତାଜା ନ୍ୟୁଜ (୩ ଅଗଷ୍ଟ ମଙ୍ଗଳବାର ) ଭୁବନେଶ୍ୱର :- ନିଜର ଉତ୍କୃଷ୍ଟ ପ୍ରଦର୍ଶନ ଜାରି ରଖି ଭାରତର ଅଗ୍ରଣୀ ଇଲେକ୍ଟ୍ରିକ୍ ଦୁଇ ଚକିଆ ଯାନ ନିର୍ମାତା ୱାର୍ଡୱିଜାର୍ଡ ଇନୋଭେସନ୍ସ ଆଣ୍ଡ୍ ମୋବିଲିଟି ଲିମିଟେଡ୍ ପକ୍ଷରୁ ୨୦୨୧ରେ ରେକର୍ଡ ପରିମାଣ ଗାଡ଼ି ବିକ୍ରି କରାଯାଇଛି । ଏହି ସଂସ୍ଥା ଜୟ ଇ-ବାଇକ୍‌ ନାମରେ ଗାଡ଼ି ବିକ୍ରି କରିଛି । କମ୍ ବେଗଗାମୀ ମଡେଲ୍‌ର ଚାହିଦାରେ ବୃଦ୍ଧି ଯୋଗୁଁ କଂପାନି ୨୦୨୧ ଜୁଲାଇରେ ୯୪୫ ଗାଡ଼ି ବିକ୍ରି କରି ୪୪୬ ପ୍ରତିଶତ ଅଭିବୃଦ୍ଧି ହାସଲ କରିଛି । ଏହି ଇଲେକ୍ଟ୍ରିକ୍ ଯାନ ନିର୍ମାତା ୨୦୨୦ ଜୁଲାଇରେ ୧୭୪ ଗାଡ଼ି ବିକ୍ରି କରିଥିଲା । କଂପାନିର ବ୍ୟବସାୟ ଅଭିବୃଦ୍ଧି ସମ୍ପର୍କରେ ସ୍ନେହା ସୌଚେ, ଚିଫ୍‌ ଫାଇନାନ୍ସିଆଲ୍ ଅଫିସର,

ୱାର୍ଡୱିଜାର୍ଡ ଇନୋଭେସନ୍ସ ଆଣ୍ଡ୍‌ ମୋବିଲିଟି ଲିମିଟେଡ୍ କହିଛନ୍ତି ଯେ, “କର୍ତୃପକ୍ଷଙ୍କ ତରଫରୁ ପ୍ରୋତ୍ସାହନ ଓ ସବ୍‌ସିଡି ଘୋଷଣା କରାଯିବା ଯୋଗୁଁ ଇଲେକ୍ଟ୍ରିକ୍ ଯାନ ଅଭିବୃଦ୍ଧି ବହୁଗୁଣ ବଢ଼ିଛି । ନିରନ୍ତର ଗମନାଗମନ ଉପରେ ଅଧିକ ସଚେତନତା ଏବଂ ଇନ୍ଧନ ମୂଲ୍ୟରେ ନିୟମିତ ବୃଦ୍ଧି ଯୋଗୁଁ ଗ୍ରାହକମାନେ ନିଜର ଦୈନନ୍ଦିନ ଗମନାଗମନ ଆବଶ୍ୟକତା ପୂରଣ କରିବା ଲାଗି ଇଲେକ୍ଟ୍ରିକ୍ ଯାନ ଆଡ଼କୁ ମୁହାଁଇଛନ୍ତି । ଅନେକ ଲୋକଙ୍କ ପାଇଁ ଇଲେକ୍ଟ୍ରିକ୍ ଦୁଇ ଚକିଆ ଗମନାଗମନର ଯାନ ପ୍ରଥମ ପସନ୍ଦ ପାଲଟିଛି । ଭିତିଭୂମିରେ ଉନ୍ନତି ଜାରି ରହିଥିବା ବେଳେ ଆମେ ସହରାଚଂଳ ଓ ଅର୍ଧ ସହରାଂଚଳରୁ ଅଧିକ ଚାହିଦା ହାସଲ କରୁଛୁ । ସକାରାତ୍ମକ ବଜାର ଭାବନାକୁ ନେଇ ଆଗକୁ ବଢ଼ି ଆମେ ଦୃଢ଼ ବିକ୍ରି ଧାରାକୁ ନେଇ ନିଶ୍ଚିତ ଅଛୁ, ବିଶେଷ କରି ଉତ୍ସବ ଋତୁକୁ ନେଇ ।’’